স্বাভাৱিক থাকিব যাত্ৰীবাহী ৰে’ল সেৱা, টুইটযোগে জনালে ৰে’ল মন্ত্ৰণালয়ে

দেশজুৰি ক’ভিড সংক্ৰমণ বৃদ্ধি পোৱাৰ বাবে বিভিন্ন ৰাজ্যত তলাবন্ধ আৰু নৈশিক সান্ধ্য আইন জাৰি কৰা হৈছে । এনে পৰিস্থিতিতে যাত্ৰীবাহী ট্ৰেইনৰ চলাচলক লৈ বিভিন্ন প্ৰশ্ন উত্থাপন হৈছিল সাধাৰণ ৰাইজৰ মাজত । সোমবাৰে সকলো সংশয় নাশ কৰি ৰে’ল মন্ত্ৰণালয়ে জনায় যে, যাত্ৰীবাহী ট্ৰেইনৰ সেৱা স্বাভাৱিক থাকিব ।

সোমবাৰে নিশা টুইট কৰি ৰে’ল মন্ত্ৰণালয়ে জনায়, ভাৰতীয় ৰে’লৰ যাত্ৰীবাহী ট্ৰেইন সেৱা স্বাভাৱিক থাকিব । অতিমাৰী পৰিস্থিতিৰ প্ৰতি লক্ষ্য ৰাখি যাত্ৰীসকলক অনুৰোধ কৰা হৈছে, উৰা বাতৰিত বিশ্বাস নকৰিব । কনফাৰ্ম বা আৰ‌এচি টিকত থাকিলেহে ষ্টেচনলৈ আহিব । সকলোধৰণৰ দূৰত্ববিধি মানি চলক ।’

Indian Railways is running its passenger trains normally. Keeping in view the pandemic situation, passengers are requested to avoid any panic/speculation and come to station only if they have confirmed/RAC ticket. All social distancing norms to be followed. #Indiafightscorona

— Ministry of Railways (@RailMinIndia) April 19, 2021

সূত্ৰ অনুসৰি, ৰে’ল মন্ত্ৰণালয়ে যাত্ৰীবাহী ট্ৰেইনৰ সেৱা অব্যাহত থাকিব বুলি ঘোষণা কৰিলেও, ক’ভিড পৰিস্থিতি নিয়ন্ত্ৰণ কৰিবৰ বাবে বিভিন্ন শাখাত লোকেল ট্ৰেইন বাতিল কৰা হৈছে ।

হাওৰা ডিভিচনত বিগত কিছুদিন ধৰি ১০-১২খন ট্ৰেইন বাতিল কৰা হৈছে । এই পৰ্যন্ত হাওৰা আৰু শিয়ালদহ ডিভিচনত প্ৰায় ৩০ জন গাৰ্ড আৰু চালক কৰ’নাত আক্ৰান্ত হৈছে ।