হােৱাটছএপৰ নতুন গােপনীয়তা নীতিৰ সন্দৰ্ভত আদালতত উত্থাপিত গােচৰত বৃহস্পতিবাৰে কেন্দ্রীয় চৰকাৰে দিল্লী উচ্চ ন্যায়ালয়ত এখন শপতনামা দাখিল কৰিলে।
কেন্দ্রই এই শপতনামাত উচ্চ ন্যায়ালয়ক স্পষ্টভাৱে অৱগত কৰি কয় যে হােৱাটছএপে নিজৰ ক্ষমতাৰ ভুল ব্যৱহাৰ কৰিছে। হােৱাটছএপে ব্যৱহাৰকাৰীসকলক কোম্পানীটোৰ গােপনীয়তা নীতি মানি চলিবলৈ হেঁচা দিয়া বুলিও শপতনামাত কেন্দ্ৰৰ চৰকাৰে অভিযােগ কৰিছে।
গােপনীয়তা নীতি মানি চলিবলৈ হােৱাটছএপে ব্যৱহাৰকাৰীসকললৈ বাৰে বাৰে জাননী জাৰি কৰিছে। এয়া ভাৰতীয় আইনৰ পৰিপন্থী কার্য বুলি অভিহিত কৰি কেন্দ্ৰই নতুন গােপনীয়তা নীতিৰ সন্দৰ্ভত জাৰি কৰা জাননীৰ ক্ষেত্ৰত উচ্চ ন্যায়ালয়ত অন্তৱর্তী নির্দেশ জাৰি কৰিবলৈ দাবী জনায়।
উল্লেখ্য যে হােৱাটছএপৰ নতুন গােপনীয়তা নীতি ভাৰতসহ কে’বাখনাে দেশত যােৱা ১৫ মে’ৰ পৰা প্ৰৱৰ্তন কৰা হৈছিল। হােৱাটছএপৰ নতুন নীতিৰ বিৰুদ্ধে কেন্দ্ৰৰ চৰকাৰে বিৰােধিতা কৰি আহিছে যদিও মেছেজিং প্রতিষ্ঠানটোৱে এই নীতিৰ কোনাে সালসলনি ঘটোৱা নাই।
এই গােচৰত বৃহস্পতিবাৰে কেন্দ্রই স্পষ্টভাৱে আদালতক কয় যে হােৱাটছএপে নতুন গােপনীয়তা নীতি ব্যৱহাৰকাৰীসকলৰ ওপৰত জাপি দিছে আৰু এই নীতি স্বীকাৰ কৰােৱাৰ ক্ষেত্ৰত নানা কৌশল অৱলম্বন কৰিছে।
হােৱাটছএপে নতুন গােপনীয়তা নীতিৰ জৰিয়তে হােৱাটছএপ ব্যৱহাৰকাৰীৰ বিভিন্ন কনটেন্ট, তথ্যপাতি আদি কোম্পানীটোৱে নিজে ব্যৱহাৰ কৰাৰ অধিকাৰ অৰ্জন কৰিছে। ইয়াৰ বাবে কোম্পানীটোৱে ব্যৱহাৰকাৰীসকললৈ বার্তা প্রেৰণ কৰি হােৱাটছএপৰ চৰ্ত মানি ল’বলৈ নির্দেশ দি আহিছে।
হােৱাটছএপ বন্ধ হােৱাৰ শংকাত বহু ব্যৱহাৰকাৰীয়ে মেছেজিং এপটোৰ দ্বাৰা আৰােপিত এনে গােপনীয়তা নীতি স্বীকাৰ কৰিবলৈ বাধ্য হৈছে। প্রথমে হােৱাটছএপে আৰােপিত নীতি মানি নল’লে ব্যৱহাৰকাৰীয়ে হােৱাটছএপৰ সেৱা লাভ নকৰিব বুলি ঘােষণা কৰিছিল যদিও পাছত কোম্পানীটোৱে ইয়াক এক বিকল্প ব্যৱস্থা হিচাপে অভিহিত কৰি কৈছিল যে গােপনীয়তা নীতি স্বীকাৰ নকৰিলেও হােৱাটছএপ যিকোনাে লােকে ব্যৱহাৰ অব্যাহত ৰাখিব পাৰিব।
