অট্টালিকাৰ ২০ মহলত জুই জ্বলছে । এজন ব্যক্তিয়ে প্রাণ ৰক্ষা কৰাৰ অপ্ৰাণ চেষ্টা কৰিছে । ৰেলিং ধৰি ওলমি থকা দেখা যায় তেওঁক । বেছ কিছু সময় ওলমি থকাৰ পাছত হঠাৎ হাত এৰ খাই যায় ব্যক্তিজনৰ । ২০ মহলৰ পৰা চিটিকি পৰে মাটিত । শুকুৰবাৰে দুপৰীয়া তেনেকুৱাই ভয়াবহ দৃশ্যৰ সাক্ষী হ’ল মুম্বাইসহ সমগ্ৰ দেশ ।
দক্ষিণ মুম্বাইৰ পাৰেলৰ লালবাগ অঞ্চলত এটা নির্মীয়মাণ বহুতলত দুপুৰীয়া জুই লাগে । ৬৪ মহলৰ সেই বহুতলৰ ২০ মহলত জুই লগাৰ পাছত সেই জুই মুহূর্তৰ ভিতৰতে ২৫ মহল পর্যন্ত বিয়পি পৰে । ঘটনাস্থলত অগ্নিনিৰ্বাপক বাহিনীৰ ১২টা দল উপস্থিত হৈ জুই নিয়ন্ত্রণত অনাৰ চেষ্টা কৰিছে ।
আৰক্ষী সূত্রে খবৰ, এই ঘটনাত এজন ব্যক্তি গুৰুতৰভাৱে আহত হৈছিল । তেওঁক উদ্ধাৰ কৰি কেইএম হাস্পাতাললৈ লৈ যোৱা হয় । চিকিৎসকসকলে এই ব্যক্তিজনক মৃত বুলি ঘোষণা কৰে । মৃতকৰ নাম অৰুণ তিৱাৰী (৩০) ।
One men #fall from the 19th floor after #fire has errupted in the 60 storied high rise #AvighnaPark building in #Currey Road. Fire is on the 19 th floor. #Mumbai #Maharashtra #HighriseBuilding #BuildingFire pic.twitter.com/ieSuH1J9BZ
— Chaudhary Parvez Ahmed (@ChParvezAhmed) October 22, 2021
বহুতলত বহু কেইজন আৱদ্ধ হৈ থকাৰ শংকা প্ৰকাশ কৰা হৈছে । ক’ৰ পৰা অগ্নিৰ সূত্ৰপাত হ’ল সেয়া এই পৰ্যন্ত জানিব পৰা নাই বুলি অগ্নিনিৰ্বাপক বাহিনীয়ে জানিব দিছে । জুই লগাৰ খবৰ পায়েই ঘটনাস্থলত উপস্থিত হয় মুম্বাইৰ মেয়ৰ কিশোৰী পেডনেকৰ । জুই নিয়ন্ত্রণত অনাৰ চেষ্টাৰ লগতে তৎপৰতাৰ স’তে উদ্ধাৰকাৰ্য চলাইছে অগ্নিনিৰ্বাপক বাহিনীয়ে ।
এয়া ‘লেভেল ৪’ পর্যায়ৰ অগ্নিকাণ্ড বুলি জনাইছে অগ্নিনিৰ্বাপক বাহিনীয়ে । বহুতলৰ নির্মাতা কৈলাস আগৰৱালে জনাইছে, কিছুদিন পূৰ্বে বহুতলত অগ্নিনির্বাপনৰ কাম হৈছিল ।
A major fire broke out in a residential building in Mumbai.#Mumbai#fire pic.twitter.com/5EHGwxkzrI
— rajni singh (@imrajni_singh) October 22, 2021
