Rajasthan Announces New Chief Minister:
সকলো উৎকণ্ঠাৰ অন্ত পেলাই হিন্দী বলয়ৰ অন্যতম ৰাজ্য ৰাজস্থানৰ নতুন মুখ্যমন্ত্ৰীৰ নাম ঘোষণা হ’ল মঙলবাৰে ৷ ভজনলাল শৰ্মা ৰাজস্থানৰ নতুন মুখ্যমন্ত্ৰী ৷
ADVERTISEMENT
জয়পুৰত আজি বিয়লি বিজেপিৰ কেন্দ্ৰীয় পৰ্যবেক্ষক তথা প্ৰতিৰক্ষা মন্ত্ৰী ৰাজনাথ সিঙৰ উপস্থিতিত অনুষ্ঠিত বিজেপি বিধায়িনী দলৰ বৈঠকত ভজনলাল শৰ্মাৰ নাম প্ৰস্তাৱ কৰে প্ৰাক্তন মুখ্যমন্ত্ৰী বসুন্ধৰাৰাজে সিন্ধিয়াই আৰু উপস্থিত সকলো বিধায়কে সৰ্বসন্মতভাৱে গ্ৰহণ কৰে ৷
উল্লেখ্য যে, ভজনলাল শৰ্মা এইবাৰ প্ৰথমবাৰৰ বাবে জয়পুৰৰ চাংগানেৰ সমষ্টিৰ পৰা বিজয়ী হয় ৰাজস্থান বিধানসভালৈ ৷ ৰাজস্থান প্ৰদেশ বিজেপিৰ সাধাৰণ সম্পাদক সহ দলীয় বিভিন্ন পদত কাৰ্যনিবাহ কৰি সাংগাঠনিক তৎপৰতা প্ৰদৰ্শনৰে দিল্লীৰ শীৰ্ষ নেতৃত্বৰ আস্থাভাজন হৈছিল ভজনলাল শৰ্মা ৷