RSS Believes Women Should Stay At Home:Rahul Gandhi:
মাৰ্কিন যুক্তৰাষ্ট্ৰৰৰ ডালাছত অনুষ্ঠিত এক সভাত উপস্থিত থাকি ভাষণ প্ৰসংগত কংগ্ৰেছ নেতা ৰাহুল গান্ধীয়ে বিজেপি আৰু ইয়াৰ মতাদৰ্শগত অভিভাৱক আৰ এছ এছক থকাসৰকা কৰে ৷ লোকসভাৰ বিৰোধী দলপতি গৰাকীয়ে টেক্সাছ বিশ্ববিদ্যালয়ত ছাত্ৰ-ছাত্ৰীৰ সৈতে হোৱা মতবিনিময় আৰু প্ৰবাসী ভাৰতীয় সকলৰ এক সভাত কেতবোৰ বিষয়ক লৈ ভাষণ প্ৰদান কৰে ৷
আনহাতে আৰ এছএছক লৈ ৰাহুল গান্ধীয়ে কৰা বিৰূপ মন্তব্যক লৈ প্ৰতিক্ৰিয়া প্ৰকাশ কৰি বিজেপিয়ে কয়,বহি:দেশ পৰিভ্ৰমণৰ বাবে গ’লে ৰাহুল গান্ধীয়ে প্ৰায়ে ভাৰতক অপমান কৰটো নিয়মত পৰিণত হৈছে ৷
উল্লেখ্য যে,প্ৰবাসী ভাৰতীয় সকলক সম্বোধন কৰি গান্ধীয়ে কয় যে আৰ এছ এছে ভাৰতক এটা ধাৰণা বুলি বিশ্বাস কৰে, আনহাতে কংগ্ৰেছে ইয়াক বহু ধাৰণা বুলি গণ্য কৰে। সেইটোৰ বাবেই আমাৰ যুঁজখন ।
বিজেপিৰ সংখ্যাগৰিষ্ঠতা অস্বীকাৰ কৰা এই লোকসভা নিৰ্বাচনৰ ফলাফলৰ কথা উল্লেখ কৰি গান্ধীয়ে কয় যে নিৰ্বাচনৰ ফলাফলৰ লগে লগে “বিজেপিৰ ভয়” নাইকিয়া হৈ গ’ল। ‘নিৰ্বাচনৰ ফলাফলৰ কিছু মিনিটৰ ভিতৰতে বিজেপি আৰু ভাৰতৰ প্ৰধানমন্ত্ৰীক কোনেও ভয় কৰা নাছিল। এইবোৰ বৃহৎ কৃতিত্ব, ৰাহুল গান্ধী বা কংগ্ৰেছৰ নহয়, বৰঞ্চ ভাৰতবাসীৰ যিসকলে উপলব্ধি কৰিছিল যে আমি আক্ৰমণ মানি ল’বলৈ যোৱা নাই।
ছাত্ৰ-ছাত্ৰীসকলৰ সৈতে হোৱা মত বিনিময় অনুষ্ঠানত গান্ধীক ভাৰতত মহিলা শ্ৰমিকৰ অংশগ্ৰহণ কম হোৱাৰ বিষয়ে সোধা হৈছিল। উত্তৰত তেওঁ ভাৰতীয় পুৰুষৰ মহিলাৰ প্ৰতি থকা “বেয়া মনোভাৱ”ৰ কথা আঙুলিয়াই দিয়ে। তেওঁ কয় যে বৃহৎ সংখ্যক ভাৰতীয় পুৰুষৰ ক্ষেত্ৰত মহিলাৰ প্ৰতি থকা মনোভাৱ হাস্যকৰ।গান্ধীয়ে লগতে কয় যে মহিলাৰ প্ৰতি থকা মনোভাৱো বিজেপি আৰু বিৰোধীৰ মাজত চলি থকা মতাদৰ্শগত যুঁজৰ অংশ। তেওঁ কয় যে বিজেপি-আৰএছএছৰ মতে মহিলাসকলক এটা বিশেষ ভূমিকাত সীমাবদ্ধ কৰি ৰাখিব লাগে, ঘৰতে থাকিব লাগে, খাদ্য ৰান্ধিব লাগে, বেছি কথা নাপাতিব লাগে, আমি বিশ্বাস কৰোঁ যে মহিলাসকলক যি কৰিব বিচাৰে তাৰ আকাংক্ষা কৰিবলৈ দিয়া উচিত।
গান্ধীয়ে ভাৰতৰ নিবনুৱা সমস্যা এতিয়া চীনৰ দৰে বুলিউল্লেখ কৰি কয় পশ্চিমীয়া দেশত কৰ্মসংস্থাপনৰ সমস্যা আছে। একেদৰে ভাৰতত আছে কৰ্মসংস্থাপনৰ সমস্যা৷ কিন্তু বিশ্বৰ বহু দেশত কৰ্মসংস্থাপনৰ সমস্যা নাই। চীনত নিয়োগৰ সমস্যা নিশ্চয় নাই। ভিয়েটনামত কৰ্মসংস্থাপনৰ সমস্যা নাই। গতিকে পৃথিৱীৰ এনে কিছুমান ঠাই আছে যিবোৰে নিবনুৱা সমস্যাৰ সৈতে যুঁজি থকা নাই। কাৰণ আছে। ১৯৪০, ৫০ আৰু ৬০ৰ দশকত যদি আপুনি আমেৰিকালৈ চায়, তেন্তে তেওঁলোক আছিল বিশ্বব্যাপী উৎপাদনৰ কেন্দ্ৰবিন্দু।
যিকোনো বস্তু যিটো নিৰ্মাণ কৰা হৈছিল, গাড়ী, ৱাশ্বিং মেচিন, টিভি, এই সকলোবোৰ আমেৰিকাত নিৰ্মিত। আমেৰিকাৰ পৰা উৎপাদন সামগ্ৰী কোৰিয়ালৈ গ’ল, জাপানলৈ গ’ল। অৱশেষত চীনলৈ গ’ল। আজি যদি চাওঁ, চীনে বিশ্বব্যাপী উৎপাদনত আধিপত্য বিস্তাৰ কৰিছে… গতিকে কি হৈছে? পশ্চিম, আমেৰিকা, ইউৰোপ, ভাৰতে উৎপাদনৰ ধাৰণাটো এৰি দিছে আৰু চীনৰ হাতত তুলি দিছে। উৎপাদনৰ কাৰ্য্যই চাকৰিৰ সৃষ্টি কৰে। আমি যি কৰো, আমেৰিকানসকলে যি কৰে, পশ্চিমে যি কৰে, আমি উপভোগক সংগঠিত কৰোঁ।’
# ৰাহুল গান্ধীক উভতি ধৰিলে বিজেপিয়ে !
মাৰ্কিন যুক্তৰাষ্ট্ৰত গান্ধীৰ কৰা মন্তব্যই বিৰুদ্ধে গৰজি উঠিল বিজেপি৷ শাসকীয় দলটোৰ ৰাষ্ট্ৰীয় মুখপাত্ৰ প্ৰদীপ ভাণ্ডাৰীয়ে সংবাদ সংস্থা এএনআইক কয় যে গান্ধীয়ে চীনৰ হৈ বেটিং কৰিবলৈ আগ্ৰহী যেন লাগিছে ।
চীনৰ কমিউনিষ্ট পাৰ্টিৰ সৈতে হোৱা বুজাবুজিৰ বাবেই নেকি তেওঁ সদায় চীনৰ হৈ বেটিং কৰে আৰু ভাৰতৰ হৈ বেটিং নকৰে? ৰাহুলে ইয়াতেই ৰৈ নাথাকে, কেৱল দেশৰ বাহিৰলৈ গ’লেই ভাৰতীয় আইনী ব্যৱস্থাক আক্ৰমণ কৰে। তেওঁ ভাৰতত সামাজিক উত্তেজনাৰ ভৱিষ্যদ্বাণী কৰে কেৱল এই কাৰণেই যে ই তেওঁৰ বিভাজন আৰু শাসন কৰা কৌশল বুলি কটাক্ষ কৰে ভাণ্ডাৰীয়ে ।
আনহাতে “ছেম পিট্ৰ’ডাই কয় যে তেওঁ আৰু ‘পাপ্পু’ নহয়। তেওঁ এতিয়া সকলো বক্তব্যই ভাৰতৰ বিৰুদ্ধে মিছা কথা প্ৰতিফলিত কৰে, তেওঁৰ সকলো বক্তব্যই সমাজক বিভাজিত কৰিব বিচৰা এজন ব্যক্তি আৰু চীনৰ হৈ বেটিং কৰিব বিচৰা এজন ব্যক্তিক প্ৰতিফলিত কৰে।” ৷
