Women protest against anti-social activities:
মদ,ভাং,জুৱা আদিৰ অবাধ প্ৰচলনে সামাজিক পৰিবেশ বিনষ্ট কৰি থকাৰ বিৰুদ্ধে আজি ৰাজপথলৈ ওলাই আহিল টুপিয়া আৰু ধলাইবিল অঞ্চলৰ কেইবা শতাধিক মহিলা ৷ টুপিয়া ব্যৱসায়িক কেন্দ্ৰলৈ ওলাই আহি মহিলাসকলে নিচাজাতীয় সামগ্ৰী
মদ, ভাঙৰ লগতে জুৱা খেলৰ বিৰুদ্ধে প্ৰতিবাদ সাব্যস্ত কৰে ৷
ADVERTISEMENT
মহিলা সকলৰ দাৱী-মদ,ভাং,জুৱাৰ অবাধ প্ৰচলনে অঞ্চলটোৰ সামাজিক,শৈক্ষিক পৰিৱেশ বিনষ্ট কৰিছে ৷ বিশেষভাৱে ক্ষতিগ্ৰস্ত কৰিছে মহিলা সমাজক ৷ ঘৰ সমুহত পাৰিবাৰিক কন্দলৰ সৃষ্টি হৈছে ৷ স্কুলীয়া ছাত্ৰও এই মদ,জুৱাৰ কবলত পৰিছে ৷
অঞ্চলটোত দীৰ্ঘদিন ধৰি চলি অহা অবৈধ অৰুনাচলী মদ,চুলাই মদ,ভাংৰ ৰমৰমীয়া ব্যৱসায়ৰ উপৰি তীৰ খেলৰ ব্যৱসায় বন্ধ কৰাৰ দাৱী তুলিছে ৷ প্ৰতিবাদী মহিলা সকলে এই ক্ষেত্ৰত আৰক্ষী প্ৰশাসনকো কঠোৰ ব্যৱস্থা গ্ৰহণৰ দাৱী তুলিছে ৷