CM Pressmeet In Loksewa bhawan:
দিশপুৰস্থ লোকসেৱা ভৱনত শুকুৰবাৰে অনুষ্ঠিত হোৱা ৰাজ্যিক বৈঠকত লোৱা হয় কেতবোৰ গুৰুত্বপূৰ্ণ সিদ্ধান্ত ৷ কেবিনেট অন্তত মুখ্যমন্ত্ৰী ড:হিমন্ত বিশ্ব শৰ্মাই কয় যে ৰাজ্যৰ বহু শিক্ষানুষ্ঠান আৰু নামঘৰ, মন্দিৰ, ক্লাৱে ভূমিৰ পট্টা বিচাৰি আবেদন কৰিছিল ৷ সেই অনুসৰি ৰাজ্য চৰকাৰে সকলো পৰীক্ষা- নিৰীক্ষাৰ অন্তত ১৯০০ শিক্ষা প্রতিষ্ঠানৰ লগতে ৯৪২টা নামঘৰ, মন্দিৰ, ক্লাৱক ভূমি পট্টা প্ৰদানৰ সিদ্ধান্ত লোৱা হয় ৷ একেদৰে ইতিমধ্যে নিৰ্বাচন হৈ যোৱা ৰাজ্যৰ ২৭ খন জিলা পৰিষদৰ অধ্যক্ষ-উপাধ্যক্ষৰ সংৰক্ষণ প্ৰক্ৰিয়া সম্পন্নৰ সিদ্ধান্ত লোৱা হয় ৷লটাৰীৰ জৰিয়তে নিৰ্ধাৰণ কৰা হ’ব ২৭জিলা পৰিষদৰ আসন ৷
আনহাতে মৰাণ-মটক স্বায়ত্তশাসিত পৰিষদক লৈও গুৰুত্বপূৰ্ণ সিদ্ধান্তৰ সন্দৰ্ভত কয় এতিয়াৰ পৰা পৰিষদৰ নিৰ্বাচন হ’লে সংশ্লিষ্ট অঞ্চল বা গাৱঁৰ মৰাণ-মটকৰ পৰিয়ালেহে ভোটদান কৰিব পাৰিব ৷আন জনগোষ্ঠীয় লোক সকলে ভোটদান কৰিব নোৱাৰিব ৷ চলিতবৰ্ষৰ নৱেম্বৰ- ডিচেম্বৰৰ ভিতৰত অনুষ্ঠিত হ’ব মৰাণ-মটক স্বায়ত্তশাসিত পৰিষদ নিৰ্বাচনৰ ৷নিৰ্বাচনৰ বাবে প্ৰস্তুত কৰা ভোটাৰ তালিকাত নাম অন্তভুৰ্ক্ত হ’ব মৰাণ-মটকৰ পৰিয়ালৰ লোকৰ ।
আনহাতে শেহতীয়াকৈ ২০জন বাংলাদেশীক পুনৰ Puch Back কৰা হৈছে ৷ এই সকলৰ প্ৰায়বোৰৰ হাতত পোৱা গৈছে আধাৰ কাৰ্ড ৷ এনেদৰে আধাৰ কাৰ্ডৰ অচিলা লৈ নাগৰিকত্বৰ প্ৰমাণ কৰাৰ সমান্তৰালভাৱে বহু সুবিধা লাভ কৰিছে অবৈধ বাংলাদেশীয়ে ৷ অৱশ্যে এইটো স্পষ্ট যে আধাৰে নাগৰিকত্বৰ প্ৰমাণ নকৰে বুলি মন্তব্য কৰি মুখ্যমন্ত্ৰীয়ে কয় এনে প্ৰেক্ষাপটত এতিয়াৰ পৰা প্ৰাপ্তবয়স্ক সকলে আধাৰৰ বাবে আবেদন কৰিব পাৰিব জিলা আয়ুক্তক ৷ এই সম্পৰ্কীয় সিদ্ধান্ত অহা কেবিনেটত লোৱা হ’ব ।
সংবাদমেলত এপিএছচিৰ বৰ্খাস্ত হোৱা ৰাজপত্ৰিত বিষয়াক পুনৰ নিযুক্তি সম্পৰ্কত গুৱাহাটী উচ্চ ন্যায়ালয়ে দিয়া ৰায়ৰ বিষয়ে মুখ্যমন্ত্ৰীয়ে কয়, ন্যায়ালয়ৰ যুটীয়া বিচাৰপীঠে দিয়া ৰায়ক লৈ শেহতীয়াকৈ একাংশ সংবাদ মাধ্যমত কেতবোৰ বিভ্ৰান্তিকৰ বাতৰি প্ৰকাশ পাইছিল ৷ ইতিমধ্যে আদালতৰ ৰায় তন্নতন্নকৈ চোৱা হৈছে ৷তাত ক’তে উল্লেখ কৰা হোৱা নাই যে বৰ্খাস্ত হোৱা ৰাজপত্ৰিত বিষয়াক পুনৰ নিযুক্তি দিয়া হওক ৷ এপিএছক বাদ দি আন আন সকল ৰাজপত্ৰিত বিষয়াৰ বৰ্খাস্তকৰণ নিৰ্দেশটো বাতিল কৰি পুনৰ আন এক নিৰ্দেশ যোগে তেওঁলোকক চাকৰিৰ পৰা বিদায় দিব পাৰে ৷ ন্যায়ালয়ে এই সন্দৰ্ভত কয় ,পুনৰ চাকৰিৰ পৰা বিদায় লোৱা সকলে যাতে আন ব্যক্তিগত প্ৰতিষ্ঠানত সন্মান সহকাৰে কাম কৰিব পাৰে ৷
মুখ্যমন্ত্ৰী গৰাকীয়ে অসম আৰক্ষী সেৱা বিষয়া সকলৰ ক্ষেত্ৰত ন্যায়ালয়ে কোৱাৰ দৰে তেওঁলোকক তিনিমাহৰ বাবে চাকৰি পাব ৷কিন্ত কোনো দায়িত্ব নোপোৱাকৈ বিভাগীয়ভাৱে তেওঁলোকক বিদায় দিব ৷ এপিএছৰ ক্ষেত্ৰত চৰকাৰে হয়তো সৰ্বোচ্চ ন্যায়ালয়ত আপীল কৰিব৷ কিন্ত ৰাজপত্ৰিত বিষয়া সকলৰ দা- দৰমহা দিয়াৰ কোনো স্পষ্ট নিৰ্দেশ নাই আদালতৰ।
এনে প্ৰেক্ষাপটত হয়তো বৰ্খাস্ত হোৱা ৰাজপত্ৰিত বিষয়া সকলে গুৱাহাটী উচ্চ ন্যায়ালয়ৰ শেহতীয়া ৰায়ত সন্তষ্ট নহৈ উচ্চতম ন্যায়ালয়ত আপীল কৰাৰ অৱকাশ আছে বুলি তাৎপৰ্যপূৰ্ণ মন্তব্য দিয়ে মুখ্যমন্ত্ৰীয়ে।