Vishwakarma Puja Celebration:
দৈনিক অগ্ৰদূত ডিজিটেল ডেস্ক:আজি বিশ্ব খনিকৰ শ্ৰীশ্ৰী বিশ্বকর্মা পূজা। পুৱাৰে পৰা ৰাজ্যজুৰি বিশ্বকর্মা পূজা-অর্চনাত ব্যস্ত ভক্তৱান ৰাইজ ৷ বিশ্বকর্মা পূজাক লৈ উখল-মাখল পৰিৱেশ। কাৰ্যালয়, ব্যৱসায়িক প্ৰতিষ্ঠান, উদ্যোগ তথা বিভিন্ন কাৰখানাত শ্ৰমিক, শিল্পী আৰু অভিযন্তাসকলে ভক্তিভৰে যন্ত্ৰপাতি পূজা অৰ্চনা কৰিছে। ৰাজ্যৰ লগতে গুৱাহাটী মহানগৰীটো ব্যাপক উছাহ উদ্দীপ্তনাৰে আয়োজন কৰা হৈছে বিশ্বকর্মা পূজা।
মহানগৰীৰ বিভিন্ন কলকাৰখানা,উদ্যোগিক প্ৰতিষ্ঠানৰ লগতে ছপা আৰু বৈদ্যুতিন সংবাদ মাধ্যমৰ কাৰ্যালয়তো আয়োজিত হৈছে বিশ্ব খনিকৰৰ পূজা। একেদৰে দিছপুৰৰস্থিত দৈনিক অগ্ৰদূত ‘কাৰ্যালয়টো আয়োজন কৰা হৈছে বিশ্বকর্মা পূজা ৷ বিশ্ব খনিকৰৰ প্ৰতিমাৰ বেদীত পূজাৰীৰ মন্ত্ৰোচ্চাৰণে আৰম্ভ হয় মাংগলিক কাৰ্যাৱলী ৷
আনহাতে গুৱাহাটীৰ প্ৰথম বিশ্বকৰ্মা মন্দিৰ হিচাপে পৰিচিত কামাখ্যা গেটস্থিত উত্তৰ-পূৰ্বাঞ্চলৰ প্ৰথমটো শ্ৰীশ্ৰী বিশ্বকৰ্মা মন্দিৰতো পুৱাৰে পৰা ভক্তৰ ভিৰ দেখা গৈছে । বিশ্বখনিকৰৰ আশিস বিচাৰি গুৱাহাটী সহ ৰাজ্যৰ ভিন্ন প্ৰান্তৰ পৰা অগনন ভক্তৰ লানিনিচিঙা সোঁত বৈছে ঐতিহাসিক বিশ্বকৰ্মা মন্দিৰলৈ ৷ ভক্তৱান ৰাইজৰ উপস্থিতিয়ে মন্দিৰ চৌহদত সৃষ্টি কৰিছে উৎসৱমুখৰ পৰিৱেশ।স্মতৰ্ৱ্য যে কামাখ্যা গেটৰ নিবাসী ভৱকান্ত শৰ্মাই১৯৬৩ চনত স্থাপন কৰিছিল শ্ৰীশ্ৰী বিশ্বকৰ্মা মন্দিৰতো ৷ মন্দিৰ স্থাপন কৰা দিনৰে পৰা প্ৰতিবৰ্ষত একাদিক্ৰমে আয়োজন কৰি অহা হৈছে বিশ্বকৰ্মা পূজাভাগ ৷ পূজাত অংশ ল’বৰ বাবে অগনন ভক্তৰ সমাগম ঘটে ৷
ADVERTISEMENT