Gariya Mariya:
নামনি অসমৰ পিছত উজনিটো ৰাজ্য চৰকাৰে উচ্ছেদ অভিযান আৰম্ভ কৰিবলৈ ওলোৱাত ইতিমধ্যে ৰাজ্যৰ অধিকাংশ জাতীয় সংগঠনে সমৰ্থন আগবঢ়োৱাৰ সময়তে ইছলাম ধৰ্মালম্বী খিলঞ্জীয়া সংগঠনে আগবঢ়ালে সমৰ্থন ৷
দেওবাৰে মহানগৰীৰ হাতীগাঁৱত অনুষ্ঠিত এক সংবাদমেলত সদৌ অসম গৰিযা মৰিয়া দেশী জাতীয় পৰিষদে উচ্ছেদৰ প্ৰতি পূৰ্ণ সমৰ্থন জনায় ৷ সংগঠনটোৰ সভাপতি নুৰুল হকে কয়, উচ্ছেদৰ সমগ্ৰ প্ৰক্ৰিয়াটোক সাম্প্ৰদায়িকৰণ আৰু ৰাজনৈতিকৰণ কৰা হৈছে। লখিমপুৰত কিছু সংখ্যক গৰিয়া আৰু গোৱালপাৰাত কিছু সংখ্যক দেশী লোককো উচ্ছেদ কৰা হৈছে। এনে উচ্ছেদিত খিলঞ্জীয়া মুছলমান লোক সকলক সংস্থাপনৰ দাবী জনাইছোঁ।
উচ্ছেদক লৈ চ’চিয়েল মিডিয়াত সাম্প্ৰদায়িক পৰিবেশৰ সূচনা কৰা হৈছে। সকলোবোৰৰে লগত গৰিয়া- মৰিয়া-দেশীও পৰিছে এতিয়া অস্তিত্বৰ সংকটত। গৰিয়া-মৰিয়া-দেশী সকলক লৈ সুকীয়া জৰীপ কৰিব লাগে। চৰকাৰক পূৰ্বৰে পৰাই জৰীপৰ দাবী কৰি অহা হৈছে ৷
হকে আৰু কয় যে,মুছলমানক লৈ সাম্প্ৰদায়িক সৰলীকৰণ কৰা হৈছে।গৰিয়া-মৰিয়া-দেশীক জনগোষ্ঠীয় মৰ্যদা প্ৰদান কৰক ৷ জনগোষ্ঠীয় মৰ্যদা প্ৰদান নকৰা বাবেই আজি ভগনীয়াৰ ৰূপ লৈছে গৰিয়া-মৰিয়া-দেশী সকলে ৷
এই উচ্ছেদক সদৌ অসম গৰিযা মৰিয়া দেশী জাতীয় পৰিষদে আৰম্ভণিৰে পৰা সমৰ্থন জনোৱা হৈছে ৷ উচ্ছেদক সাম্প্ৰদায়িকৰণ কৰিব নালাগে লগতে আমাকো ভূমি পুত্ৰৰ মৰ্যদা আৰু অবিচি কৰিব লাগে। যি সকল গৰিয়া-মৰিয়া-দেশী ইতিমধ্যে উচ্ছেদিত হৈছে তেওঁলোকক ক্ষতি পূৰণৰ ব্যৱস্থা কৰক চৰকাৰে। সংবাদমেলত সভাপতি গৰাকীয়ে আৰু কয় য়ে, উচ্ছেদকলৈ ক্ষতি পূৰণৰ ক্ষেত্ৰত চৰকাৰে কিয় এনে বৈষম্য কৰিছে বুলি প্ৰশ্ন অৱতাৰণা কৰে ৷
