Sikkim:
ছিকিমৰ ৩২ হেজাৰ গৃহিণীলে বছৰি ৪০ হেজাৰকৈ টকা প্রদানৰ আঁচনি মুকলি কৰিলে মুখ্যমন্ত্রী প্রেম সিং টামাং চৰকাৰে। এই ধন দুটা কিস্তিত প্রদানৰ লক্ষ্য লৈছে চৰকাৰে। কালি ইয়াৰে প্রথমটো কিস্তিৰ ২০ হেজাৰকৈ টকাৰ চেক বিতৰণ কৰে মুখ্যমন্ত্রী টামাঙে।
ৰাংপোত এক অনুষ্ঠানত মুখ্যমন্ত্রী টামাঙ এই আঁচনি মুকলি কৰি কয় যে সন্তানৰ মাতৃ ৰাজ্যখনৰ সকলো নিবনুৱা মহিলাক চৰকাৰে এই বিত্তীয় সাহায্য প্রদান কৰিব। ‘আম্মা সশক্তিকৰণ যোজনাৰ অধীনত এই গৃহিণী মাতৃসকলক চৰকাৰে এই বিত্তীয় সাহায্য প্রদান কৰিব। অনুষ্ঠানত মুখ্যমন্ত্রীয়ে লগতে প্রকাশ কৰে যে ৰাজ্যখনত নাৰী, শিশু, জ্যেষ্ঠ নাগৰিক আৰু দিব্যাংগ বিভাগৰ অধীনত নাৰী আদালতো স্থাপন কৰা হ’ব। এই নাৰী আদালত মহিলাৰ দ্বাৰা পৰিচালিত জনসমষ্টি ভিত্তিক মঞ্চ হ’ব। এই মঞ্চই ঘাইকৈ ছিকিমৰ গ্রাম্য আৰুঅৰ্ধন গৰী অঞ্চলসমূহত সহজলভ্য আৰু অনানুষ্ঠানিক ন্যায় প্রদান কৰিব।
উল্লেখ্য যে ছিকিম চৰকাৰে ১০ আগষ্টৰ দিনটো আম্মা সম্মান দিৱসৰূপে পালন কৰি আহিছে। পূর্বে মুখ্যমন্ত্রী টামাঙ এক দুর্নীতিৰ গোচৰত গ্রেপ্তাৰ হৈ কাৰাবাস ঘটাৰ পাছত মুক্তি পোৱা আঠ আগস্টৰ দিনটোত চৰকাৰে এই আম্মা সম্মান দিবস পালন কৰি আহিছে। এইবাৰ অষ্টমবাৰৰ বাবে এই দিৱস ছিকিম চৰকাবে পালন কৰে।
এই দিৱসৰ অনুষ্ঠানত মুখ্যমন্ত্রীয়ে ৩২ হেজাৰ মহিলাক চেক বিতৰণ কৰে। দেশৰে সেৰেঙা জনসংখ্যাৰ ৰাজ্য ছিকিমত জনসংখ্যা হ্রাস পাবলৈ ধৰাক লৈও মুখ্যমন্ত্রীয়ে উদ্বেগ প্রকাশ কৰিছে। তেওঁদম্পতীসকলক অধিক সন্তান জন্ম দিবলৈও আহ্বান জনায়। পূর্বব চৰকাৰে তেওঁক ভুৱা গোচৰ জাপি দি কাৰাগাৰলৈ নিক্ষেপ কৰা বুলিও অনুষ্ঠানত অভিযোগ উত্থাপন কৰে। তেওঁ কাৰাগাৰ গমনক লৈ তেওঁৰ মাতৃ দুখত ভাগি পৰিছিল বুলিও ভাষণত উল্লেখ কবে। নাৰী সবলীকৰণৰ স্বাৰ্থত এনে ধৰণৰ আঁচনি গ্রহণ অব্যাহত ৰাখিব বুলিও তেওঁ ঘোষণা কৰে।