Dharmendra:জীয়াই আছে বলীউডৰ প্ৰবীণ অভিনেতা ধৰ্মেন্দ্ৰ।অভিনেতাগৰাকী চিকিৎসালয়ত ভৰ্তি হোৱাৰ লগে লগে ছ’চিয়েল মিডিয়াত ভিন্ন ধৰণৰ বাতৰি বিয়পি পৰে ৷ সম্প্ৰতি সামাজিক মাধ্যমত বিয়পি পৰিছিল প্ৰখ্যাত অভিনেতাগৰাকীৰ মৃত্যুৰ খবৰ।এনে খবৰে বিচলিত কৰি তুলিছে অভিনেতাগৰাকীক সমগ্ৰ পৰিয়ালক।
ধৰ্মেন্দ্ৰৰ পত্নী তথা ৰাজনীতিবিদ হেমা মালিনীয়ে জানিবলৈ দিয়া মতে, ধৰ্মেন্দ্ৰ জীয়াই আছে আৰু চিকিৎসাৰ সুবাদত ক্ৰমাৎ সুস্থ হৈ উঠিছে।
জনপ্ৰিয় অভিনেতাজনৰ মৃত্যুৰ খবৰ বিয়পি পৰাৰ পাছতে ধৰ্মেন্দ্ৰৰ পত্নী হেমা মালিনী আৰু কন্যা ঈশা দেওলে পিতৃৰ মৃত্যুৰ বাতৰি খণ্ডন কৰিছে ।
সামাজিক মাধ্যম পোষ্ট যোগে অসন্তুষ্ট প্ৰকাশ কৰাৰ লগতে ঈশা দেওলে পিতৃ জীয়াই আছে আৰু সুস্থ হৈ উঠিছে বুলি উল্লেখ কৰিছে ।
ইফালে ধৰ্মেন্দ্ৰৰ পত্নী হেমা মালিনীয়েও এনে খবৰ প্ৰচাৰৰ বাবে ক্ষোভ প্ৰকাশ কৰিছে। হেমা মালিনীয়ে নিজৰ অফিচিয়েল এক্স একাউণ্টত লিখিছে, “যি হৈছে সেয়া ক্ষমা কৰিব নোৱাৰা! চিকিৎসাৰ প্ৰতি সঁহাৰি জনাই সুস্থ হৈ উঠা ব্যক্তিৰ বিষয়ে আপোনালোকে কিদৰে মিছা খবৰ বিয়পাব পাৰে? এয়া অত্যন্ত অসন্মানজনক আৰু দায়িত্বহীন।”
“অনুগ্ৰহ কৰি পৰিয়ালটোক আৰু পৰিয়ালৰ গোপনীয়তাৰ প্ৰয়োজনীয়তাক সন্মান কৰক।”-