Dilip Saikia Pressmeet in State BJP HQ:
ৰাজ্যিক বিজেপিৰ সভাপতি দিলীপ শইকীয়াৰ বিৰুদ্ধে অখিল গগৈয়ে উদ্থাপন কৰা ভোট কৰ্তনৰ অভিযোগ সন্দৰ্ভত বুধবাৰে এক সংবাদমেলক গগৈক উভতি ধৰে দিলীপ শইকীয়াই ৷
ৰাজ্যিক বিজেপিৰ মুখ্য কাৰ্যালয়ত আয়োজিত সংবাদমেলত শইকীয়াই কয় ,অখিল গগৈয়ে দিয়া স্কীনশ্বৰ্ট সমূহ যোৱা ৪ জানুৱাৰীত হোৱা ভিডিঅ’ কনফাৰেন্সৰ ফটো। সেইখিনি ফটো ইতিমধ্যে আমাৰ বিষয়ববীয়াসকলে সামাজিক মাধ্যমত ৰাজহুৱা কৰি থৈছে। আনকি অখিল গগৈয়ে ভিডিঅ’ কনফাৰেন্সৰ ফটো আনিছে হৰ্ষ ওৰফে বিনোদ কোঁৱৰৰ পৰা ৷ বিনোদে ৪ জানুৱাৰীত ফে’চবুকত পোষ্ট কৰা ফটো চাৰিখন অখিল গগৈয়ে ৬ জানুৱাৰীত পোষ্ট কৰিছে ৷ বিনোদ কোঁৱাৰ হৈছে ডিমৌ সমষ্টিৰ বিএলঅ-১৷ ডিমৌ মানে আগৰ শিৱসাগৰ সমষ্টিৰ ওচৰৰে ৷ বিনোদৰ সৈতে অখিলৰ কিবা সম্পর্ক থাকিব পাৰে৷ সেইটো নাজানো আমি সেইটো কথা ক’ব খোজা নাই যে তেওঁৰ পৰাই ফটো লৈছে বা তেৱেঁই তেওঁৰ লগত বহিছে বা তেৱেঁই তেওঁক শুনাইছে ইত্যাদি পিছত গোটেই কথাবিলাক আমি গম পাম অচিৰেই ৷
আনহাতে একেটা কথা ভিডিঅ’ কনফাৰেন্সত থকা ২০০ খন কাণেও শুনিছে। তেওঁলোকৰ পৰা মতামত লওঁক।বিৰোধী বৌদ্ধিক দৈন্যতাত ভুগিছে। মীৰা বৰঠাকুৰে এইটো বিষয়ত চিবিআইৰ তদন্ত বিচৰাটো অপৰিপক্কতাৰে উদাহৰণ দিছে।
এছআৰ প্ৰসংগত অখিল গগৈ, লুৰীণজ্যোতি গগৈক তুলাধুনা দিসভাপতি গৰাকীয়ে আৰু কয় যে,অখিলক গগৈয়ে দিয়া তথ্যৰ ৫ পইচাৰো দম নাই। অখিল গগৈ, লুৰীণজ্যোতি গগৈয়ে নাম কৰ্তনক লৈ দিয়া পৰিসংখ্যা একে নহয়। তেওঁলোকে সঠিককৈ কওঁক কিমান ভোট কৰ্তন কৰিব লাগে। অসমত অতি শীঘ্ৰে এছআইআৰ কৰাৰ দাবী বিজেপিৰ। কেৱল এছআকৰে নহয়, এছআইআৰ যোগেদি প্ৰকৃত ভোটাৰ তালিকা প্ৰস্তুত কৰাৰ দাবী শইকীয়াৰ ৷
এছআৰক লৈ আমি সন্তুষ্ট, কিন্তু লুৰিণজ্যোতি গগৈ আৰু অখিল গগৈৰ মিঞা প্ৰেম দেখি আমি অসন্তুষ্ট। আৰু এজন আছেই। তেওঁলোকে কেৱল মিঞাৰ নাম বাদ পৰাটো নিবিচাৰে লাগিলে খিলঞ্জীয়াৰ নাম বাদ পৰক। অখিল, লুৰীণৰ কাৰণে মিঞাৰ নাম কৰ্তন হ’ব নালাগে, প্ৰয়োজনত খিলঞ্জীয়াৰ নামেই কৰ্তন হওঁক। তোষামোদ আৰু মিঞা প্ৰেম বিজেপিৰ কাম নহয়। তিনি গগৈৰ মাইণ্ডচেট অসমৰ বাবে বহু ভয়ংকৰ। অসমৰ ৰাইজ তিনি গগৈৰ পৰা সাৱধানে থাকক।
সংবাদমেলত ৰাজ্যিক সভাপতি গৰাকীয়ে আগন্তুক ৰাজ্য বিধানসভা নিৰ্বাচনৰ পূৰ্বে এনডিএ অংশীদাৰ দল সমূহৰ স’তে মিত্ৰতা প্ৰসংগত কয়,অতি সোনকালে মিত্ৰতা সন্দৰ্ভত আলোচনা হ’ব। ইউপিপিএল এনডিএত থাকিব নে নাই ৰাইজে ক’ব।বিপিএফ আৰু ইউপিপিএলৰ সংঘাত এনডিএ মিটিং হ’লেই হয়তো দুয়োটা দলৰ মন গলিব পাৰে। তথাপিও আমি বিষয়টো অতি তীক্ষ্ণভাৱে চাই আছো ।
বিধানসভা নিৰ্বাচনত প্ৰাৰ্থী প্ৰক্ষেপ সন্দৰ্ভত শইকীয়াই কয়,বিজেপিয়ে প্ৰাৰ্থী পেনেল জিলা পৰ্যায়ৰ পৰা বিচৰা নাই।কিছুমান লাগি আছে, জনতাৰ পৰা আমি ৰায় লম। দলীয় সমীক্ষাৰ পিছতহে সিদ্ধান্ত লোৱা হ’ব। অৱশ্যে কেন্দ্ৰীয় সংসদীয় বৰ্ডে প্ৰাৰ্থীৰ তালিকাৰ চূড়ান্ত সিদ্ধান্ত গ্ৰহণ কৰিব।
আনহাতে সংবাদ মেলৰ জৰিয়তে G-RAM (G) আঁচনিক আদৰণি জনাই শইকীয়াই কয়,এই আঁচনিৰ জৰিয়তে গ্ৰাম্য অঞ্চলৰ সৰ্বাংগীন বিকাশত নতুনত্ব আনিব ৷ G RAM (G) আঁচনিৰ জৰিয়তে এতিয়াৰে পৰা ১২৫ দিন কাম কৰাৰ সুযোগ পাব ৷ দৰিদ্ৰ সীমা ৰেখা তলৰ লোক সকল যথেষ্ট উপকৃত হ’ব ।
সংবাদমেলত উপস্থিত থাকে ৰাজ্যিক বিজেপিৰ মুখপাত্ৰ ৰঞ্জীৱ ৰঞ্জন শৰ্মা সহ কে’বাগৰাকী জ্যেষ্ঠ নেতা ৷
