প্ৰযুক্তিৰ সহজলভ্যতাৰ বাবে আজিৰ তাৰিখত মাত্র এটা ক্লিকতে যিকোনো কঠিন কাম সহজে কৰিব পৰা হৈছে। বেংক একাউন্ট খোলাৰ পৰা আৰম্ভ কৰি ৰেল বা বিমানৰ টিকট বুক কৰা, জোতা, কাপোৰ, খাদ্য-সামগ্রী ক্রয় কৰালৈ সকলোখিনিয়ে আজিকালি অনলাইনযোগে সমাধা কৰিব পাৰি।
সেয়ে এতিয়া সকলো ব্যবসায়ীৰে লক্ষ্য ডিজিটেল ভাৰতৰ অংশ হোৱা। যিসকল ব্যৱসায়ীৰ অফলাইন ব্যৱসায় আছে তেওঁলোকেও আনকি অধিক গ্রাহক পাবলৈ ডিজিটেল পৃথিৱীত খোজ দিয়াৰ সুৰুঙা বিচাৰি ফুৰিছে।
অৱশ্যে প্রযুক্তিৰ ব্যৱহাৰত বিশেষ জ্ঞান নথকা বহু ব্যৱসায়ীৰ বাবে অফলাইন ব্যৱসায় এটা অনলাইন প্লেটফর্মলৈ অনাটো এতিয়াও যেন এক কঠিন কাম। এই প্রতিবেদনত এনে কেইটামান ডিজিটেল প্লেটফৰ্মৰ বিষয়ে পঢ়িবলৈ পাব, যাৰ দ্বাৰা অফলাইন ব্যৱসায় খুব সহজে অনলাইনলৈ বিস্তাৰিত কৰিব পাবি…
কিউপে
দোকান, বেৰহাউছ বা কার্যালয়ক ডিজিটেল দোকানলৈ ৰূপান্তৰ কৰাৰ বাবে কিউপে হৈছে সর্বশ্রেষ্ঠ বিকল্প। অর্ডাৰ, লেনদেন, ডেলিভাৰীৰ পৰা মার্কেটিংলৈকে, ইয়াত সকলো কৰিব পাৰি। ইয়াৰ বাবে বহুত বেছি টকা খৰচৰো প্ৰয়োজন নাই। আনহাতে,ব্যৱসায়ী বা প্রতিষ্ঠানৰ কোনো ধৰণৰ গোপনীয় তথ্য কিউপেৰ দ্বাৰা নিয়ন্ত্রণ কৰা নহয়। ছাবস্ক্রিপছন মডেলত চলে বাবে এই প্লেটফর্মত, ব্যৱসায়ীসকলে তেওঁলোকৰ অনলাইন দোকান বিনামূলীয়াকৈ খুলিব পাৰে।
ডটপে
অনলাইন বজাৰৰ খুচুৰা বিক্রেতাসকলৰ সকলো ধৰণৰ ব্যবসায়িক সমাধান লৈ আহিছে ডটপে নামৰ সংস্থাটোরে। অনলাইন দোকান খোলা, মার্কেটিং ছ্যুট, পৰিশোধ আৰু ডেলিভাৰী আদি সকলো কাম এটা ক্লিকতে সমাধান কৰিব পাৰি এই প্লেটফর্মত। ডটপে পোনপ্ৰথমবাৰৰ বাবে ২০২০ৰ মাৰ্চত বজাৰলৈ আহিছিল।
দুকান
হাতত স্মার্টফোন এটা থাকিলে মাত্র ৩০ ছেকেণ্ডতে, যিকোনো ব্যক্তি বা প্রতিষ্ঠানে ‘দুকান’ নামৰ অনলাইন প্লেটফর্মত নিজা ই-কমার্চ দোকান খুলিব পাৰে। দুকানে ক্ষুদ্র আৰু মজলীয়া ব্যৱসায়ীসকলক তেওঁলোকৰ ব্যৱসায়ৰ ডিজিটেলকৰণত সহায় কৰাৰ লগতে হোৱাটছএপযোগে সামগ্রী বিক্রী কৰাৰ সুবিধা প্ৰদান কৰে। প্লে ষ্টোৰৰ পৰা সহজতে দুকান নামৰ এই এপটো ডাউনলোড কৰি ব্যৱসায়ীসকলে নিজৰ ব্যৱসায়ৰ নাম পঞ্জীয়ন কৰিব পাৰে। তাৰ পাছত কি কি সামগ্রী বিক্ৰী কৰিব খোজে তাৰ এখন তালিকা এপটোত জমা দিলেই কাম শেষ। উল্লেখ্য যে এই এপটো কেৱল অনলাইন ক্রয়-বিক্রয়ৰ বাবেই মুকলি কৰা হৈছে।
শ্বপমেটিক
শ্বপমেটিক হৈছে ছিংগাপুৰ-আধাৰিত এক প্রযুক্তি প্রতিষ্ঠান। এই প্রতিষ্ঠানে ই-বাণিজ্যৰ বজাৰখনত ক্ষুদ্র ব্যবসায় আৰম্ভ কৰা উদ্যোগীসকলক সহায় কৰে। শেহতীয়াকৈ ছিংগাপুৰৰ ৰিটেইল মেনেজমেন্ট ছলিউচন কোম্পানীৰ স’তে চুক্তিবদ্ধ হৈছে এই প্রতিষ্ঠানটো। শ্বপমেটিকৰ উদ্দেশ্য হৈছে মুখ্যতঃ খুচুৰা বজাৰৰ প্রয়োজনীয়তা পূৰণ কৰা। ক্ষুদ্ৰ আৰু মজলীয়া ব্যৱসায়ীসকলক খুচুৰা গ্রাহকৰ ওচৰলৈ যোৱাত সহায় কৰি আহিছে শ্বপমেটিকে।
মীশো
মীশো হৈছে এক ভাৰতীয় ই-কমার্চ প্লেটফর্ম। ই ক্ষুদ্র ব্যৱসায়ীসকলক সামাজিক মাধ্যমৰ জৰিয়তে তেওঁলোকৰ সামগ্রী বিক্রী কৰাত সহায় কৰে। মীশোৰ জৰিয়তে, ব্যবসায়ীসকলে হোৱাটছএপ, ফেচবুক, ইনস্টাগ্রামতে অনলাইন দোকান খুলিব পাৰে। সম্প্রতি মীশোরে বহু ঠাইৰ পৰা পুঁজি সংগ্ৰহ কৰি আছে আৰু ই দেশৰ দ্রুততম বিকাশশীল ই-কমার্চ প্লেটফর্ম হিচাপে পৰিগণিত হৈছে।