Islamabad:
সুদিন উভতি আহিছে পাকিস্তানব। ইছলামাবাদৰ সপক্ষে আৰম্ভ হৈছে বিশ্ব মেৰুকৰণ। এই চাঞ্চল্যকৰ দাবী কৰিলে পাকিস্তানৰ সন্ত্রাসবাদী সংগঠন লস্কৰ এ তৈবাৰ কমাণ্ডাৰ হাফিজ আব্দুৰ ৰৌফে। এইজন সন্ত্রাসবাদী নেতাৰ নেতৃত্বতে ভাৰতৰ ‘অপাৰেচন সিন্দুৰ’ৰ ফলত নিহত পাকিস্তানী সন্ত্রাসবাদীৰ শেষকৃত্যৰ নামাজ সম্পন্ন কৰা হৈছিল। হাফিজ আমেৰিকাৰ তালিকাভুক্ত সন্ত্রাসবাদী আৰু লস্কৰ ই তৈবাৰ প্ৰতিষ্ঠাপক হাফিজ ছয়িদৰ ঘনিষ্ঠ সহযোগী। হাফিজে দাবী কৰি কয় যে তুৰস্ক আৰু বাংলাদেশে এতিয়া ইছলামাবাদক সমর্থন কৰিছে।
হাফিজে ক’লে, ‘কালিলৈকে আমি অকলে আছিলো আৰু সমগ্র বিশ্বই ভাৰতক সমর্থন কৰিছিল। আজি পৰিস্থিতি সলনি হৈছে। তুৰস্ক পাকিস্তানৰ স’তে আছে, বাংলাদেশৰ সেনাপ্রধানো ইছলামাবাদৰ পক্ষত। এতিয়া সমগ্র বিশ্ব পাকিস্তানৰ কাষ চাপিছে। মুজাহিদৰ এক নতুন যুগ আৰম্ভ হৈছে, য’ত পাকিস্তান জয়ী হৈছে।’ সদ্য প্রকাশিত ভিডিঅ’ত হাফিজে দাবী কৰি কয় যে ভাৰতে উচিত শিক্ষা লাভ কৰিলে আৰু আগন্তুক ৫০ বছৰলৈকে পাকিস্তানক আক্রমণ কৰাৰ সাহস নকৰিব।
