নলবাৰী চিকিৎসা মহাবিদ্যালয়ত আজি এক শিহৰণকাৰী অঘটনে সকলোৰে চকু কপালত তুলিছে ৷ ঘটনাৰ বিৱৰণী অনুসৰি নলবাৰী চহৰৰ পুষ্পকপুৰ নিবাসী কেশৱ মালাকৰ নামৰ ৬৮ বছৰীয়া লোক জনৰ শ্বাস- প্ৰশ্বাসজনিত ৰোগত আক্ৰান্ত হোৱাত যোৱা আঠ ফেব্ৰুৱাৰীত নলবাৰী চিকিৎসা মহাবিদ্যালয় চিকিৎসালয়ত ভৰ্ত্তি কৰাইছিল ৷
ইপিনে চিকিৎসালয় খনৰ ছয় নং মহলাত থকা আই চি ইউত ৰাখি চিকিৎসা সেৱা আগবঢ়োৱাৰ ফলত সুস্থ হৈ উঠে বুলি পৰিয়ালৰ লোকে দাবী কৰে ৷ তদুপৰি আই চি ইউত থকা ৰোগী এগৰাকী কেনেকৈ অন্তৰ্ধান হ’ল বুলি প্ৰশ্ন উত্থাপন কৰি ৰোগীৰ আত্মীয়ই চিকিৎসালয় কতৃপক্ষক জোবাবদিহি কৰে ৷
আনহাতে চাৰি নং মহলাৰ বৰান্দাত ৰোগী গৰাকীৰ তলমুৰকৈ পৰি থকা অৱস্থাত মৃতদেহ উদ্ধাৰৰ পাছতে চিকিৎসালয়খনত এক হাহাকাৰময় পৰিৱেশৰ সৃষ্টি হয় ৷ চিকিৎসালয় খনৰ দায়িত্বহীতাৰ বাবে এগৰাকী সুস্থ লোকৰ প্ৰাণ হানি হ’ল বুলি আত্মীয়ই সৃষ্টি কৰা হুলস্থূলীয়া পৰিৱেশৰ আৰক্ষী উপস্থিত হৈ নিয়ন্ত্ৰণ কৰে ।
ইতিমধ্যে ঘটনা সন্দৰ্ভত তদন্ত আৰম্ভ অব্যাহত ৰাখিছে। ঘটনা সন্দৰ্ভত মৃত ব্যক্তিৰ পৰিয়ালৰ লোকৰ লগতে যুৱ ছাত্র পৰিষদ ঘগ্রাপাৰ আঞ্চলিক সমিতিয়ে ঘটনাটোৰ উচিত তদন্ত বিচাৰিছে।
ইতিমধ্যে ঘটনাটো সন্দৰ্ভত মেডিকেল কলেজ কৰ্তৃপক্ষই নিশা আই চি ইউত কৰ্মৰত ডাক্তৰ, নাৰ্চ, কৰ্মচাৰীৰ ওচৰত এখন এজাহাৰ আৰক্ষীক দাখিল কৰিছে। আৰক্ষীৰ তদন্ত পিছতহে ওলাই পৰিব ঘটনা প্রকৃত তথ্য।
