Thyroid:✒️প্রতিদিনে পুৱাই উঠি এগৰাকী মহিলাই বহু দায়িত্ব কান্ধত তুলি ল’ব লগা হয়। ঘৰৰ কাম, সন্তানৰ যত্ন, চাকৰি, পৰিয়ালৰ চিন্তা এই সকলোবোৰৰ মাজতে নিজৰ দেহৰ সৰু সৰু সংকেতবোৰ আমি আওকাণ কৰো।
‘অলপ ভাগৰুৱা লাগিছে, ‘মনটো আজিকালি ভাল নালাগে’, ‘চুলি অলপ বেছি সৰিছে’ এইবোৰক আমি সাধাৰণ কথা বুলি এৰি দিওঁ। কিন্তু বহু সময়ত এইবোৰেই থায়ৰইডৰ সমস্যা।
থায়ৰইড কি?
থায়বইড হৈছে আমাৰ ডিঙিব সন্মুখত থকা এক সৰু গ্রন্থি। সৰু যদিও এই গ্রন্থিব প্রভাব আমাৰ দেহত ডাঙৰ। ই নিঃসৃত কৰা হৰমনে দেহৰ ভিতৰৰ বিপাক প্রক্রিয়া নিয়ন্ত্রণ কৰে। আমাৰ শক্তি, হহৃদস্পন্দন, উষ্ণতা, মনৰ অৱস্থা, ওজন, মাহেকীয়া ঋতুস্রার এই সকলোবোৰ থায়ৰইড হৰমনৰ স’তে সম্পর্কিত। যেতিয়া এই হৰমনৰ সমতুল্যতাত সমস্যাৰ সৃষ্টি হয়, তেতিয়াই দেহ আৰু মন দুয়োটাই লাহে লাহে প্রভাৱিত হ’বলৈ ধৰে।
মহিলাসকলৰ থায়ৰইড বেছি কিয় দেখা যায়?
মহিলাৰ দেহৰ হৰমন অধিক সংবেদনশীল। কৈশোৰ, গৰ্ভধাৰণ, সন্তান জন্মৰ পাছৰ সময়, মেন’প’জ এই প্রতিটো পর্যায়ত হৰমনৰ ডাঙৰ পৰিৱর্তন ঘটে। তদুপৰি মানসিক চাপ, অপুষ্টি, অনিয়মিত জীবনশৈলী, বংশগত প্রবণতা এই সকলোবোৰে থায়ৰইড সমস্যাৰ সম্ভাবনা বঢ়াই তোলে। বহু মহিলাই নিজৰ লক্ষণক গুৰুত্ব নিদিয়ে।
থায়ৰইডৰ লক্ষণ
থায়ৰইড বেছি হ’লে বা কম হ’লে লক্ষণবোৰ বেলেগ বেলেগ হ’ব পাৰে। কিন্তু সাধাৰণতে দেখা পোৱা কিছুমান লক্ষণ হ’ল-সদায় ভাগৰুৱা লাগি থকা। অলপ কামতেই ফোপনি উঠা। হঠাৎ ওজন বাঢ়ি যোরা বা কমি যোরা।
চুলি সৰা বা পকা।ছাল শুকান হৈ যোৱা।মন উদাসীন, বিষণ্ণতা, অস্থিৰতা। স্মৃতি আৰু মনোযোগ কমি যোবা। মাহেকীয়া অনিয়মিত হোৱা বা অত্যধিক কষ্টদায়ক হোবা। সন্তান ধাৰণত সমস্যা বা বাবে বাবে গর্ভপাত।
এই লক্ষণসমূহ একে দিনতে নাহে। লাহে লাহে আহে। সেইবাবে বহু সময়ত সমস্যাটো গভীৰ হোৱাৰ পাছতহে ধৰা পৰে। চিকিৎসা: ভয় নহয়,সচেতনতা জৰুৰী: থায়ৰইড এটা নিয়ন্ত্রণযোগ্য সমস্যা। সময়মতে ধৰা পৰিলে সাধাৰণ ঔষধেৰে সুন্দৰকৈ নিয়ন্ত্রণত ৰাখিব পাৰি।
নিয়মিত ৰক্ত পৰীক্ষা (TSH, T3, T4)চিকিৎসকৰ পৰামৰ্শ অনুসৰি ঔষধ লোৱা।নিজে নিজে ঔষধ বন্ধ নকৰা। গৰ্ভধাৰণৰ আগত আৰু গৰ্ভধাৰণৰ সময়ত থায়ৰইড পৰীক্ষা কৰা। লক্ষণ কমিলেও ফ’ল’আপ পৰীক্ষা অব্যাহত ৰখা।
থায়ৰইড মানে জীৱনভব ভুগিব লগা অসুখ নহয়। কিন্তু অবহেলা কৰিলে ই সমস্যা আনিব পাৰে খাদ্যাভ্যাস আৰু জীৱনশৈলী: ঔষধৰ লগতে নিজৰ জীৱনশৈলীত অলপ সজাগতা আনিলেই বহু পৰিমাণে উপকাৰ পোৱা যায়-সুষম আহাৰ গ্ৰহণ কৰক ‘শাক-পাচলি, ফল-মূল, প্র’টিন’।
আয় ‘ডিনযুক্ত নিমখ ব্যৱহাৰ কৰক। জাংক ফুড পৰিহাৰ কৰক নিয়মিত ব্যায়াম বা খোজ কাঢ়ক মানসিক চাপ কমাবলৈ নিজৰ বাবে অলপ সময় ৰাখক।
পর্যাপ্ত টোপনি যাওক:দেহ আৰু মন দুইটা ভালে ৰাখিবলৈ টোপনি বহুত জৰুৰী।
নিজৰ যত্ন:আমাৰ সমাজত মহিলাক সদায় ত্যাগী হোৱাই দেখা যায়। নিজৰ কষ্টকো লুকুৱাই হাঁহি থকা দেখা যায়। কিন্তু নিজৰ স্বাস্থ্যৰ যত্ন লোবাটো অতিকৈ জৰুৰী। নিজে সুস্থ থাকিলেহে আনৰ যত্ন ল’ব পাৰি। এই লক্ষণবোৰ নিজৰ দেহত দেখা পালে আওকাণ নকৰিব। আজিয়েই পৰীক্ষা কৰক। সুস্থ থাকক।
