Mithun Chakraborty:
দৈনিক অগ্ৰদূত ডিজিটেল ডেক্স:–অসমৰ লগতে চুবুৰীয়া পশ্চিমবংগতো অনুষ্ঠাত হ’ব বিধানসভা নিৰ্বাচন ৷ ২৯৪ আসনৰ বাবে নিৰ্বাচন অনুষ্ঠিত হ’ব দুটা পৰ্যায়ত ৷ ২৩ এপ্ৰিলত ১৫২ খন আসনৰ বাবে ভোট গ্ৰহণ অনুষ্ঠিত হোৱাৰ বিপৰীতে ২৯ এপ্ৰিলত ১৪২ খন আসনৰ বাবে হ’ব ভোট গ্ৰহণ। ইতিমধ্যে শাসকীয় টিএমচিৰ সমান্তৰালভাৱে বিৰোধী বিজেপিৰো প্ৰচাৰাভিযান তুংগত ৷ ইয়াৰ মাজতে ঠায়ে ঠায়ে সংঘটিত হৈছে নিৰ্বাচন কেন্দ্ৰীক ঘটনা। কলকাতাৰ মচনদৰ পৰা টিএমচিক উৎখাতৰ বাবে আগ্ৰাসী ৰূপত অৱতীৰ্ণ হৈ বিজেপিয়ে বংগততাৰকা প্ৰচাৰক হিচাপে ৰণত নমাইছে ইজনৰ পিচত সিজনকৈ ষ্টাৰ কেম্পেইনাৰ ৷ বিশেষকৈ জ্যেষ্ঠ বিজেপি নেতা তথা বলীউডৰ বৰ্ষীয়ান অভিনেতা মিথুন চক্ৰৱৰ্তীয়ে নিৰ্বাচনী দিনাংক ঘোষণাৰ পিছৰে পৰা নামি পৰিছে প্ৰচাৰাভিযানত ৷
কলকাতাত এখন প্ৰচাৰ সভাত অংশ লৈ অভিনেতা মিথুন চক্ৰৱৰ্তীয়ে কয়, যেতিয়ালৈকে মোৰ শৰীৰত এটোপাল তেজ থাকে, তেতিয়ালৈকে পশ্চিম বংগক কোনেও বাংলাদেশলৈ ৰূপান্তৰিত কৰিব নোৱাৰে।”
আনহাতে তেওঁ এআইএমআইএমৰ নেতা আছাদুদ্দিন ওৱাইছি সন্দৰ্ভত কয়, মই তেওঁক বহুত ভাল পাওঁ। তেওঁ সুশিক্ষিত। তেওঁ ইমান ভাল কথা কয়। ওৱাইছি এজন প্ৰকৃত নেতা।” তেওঁ আৰু কয় যে বিজেপি মুছলমানৰ বিৰোধী নহয়। ভাৰতত থাকি ভাৰতৰ ক্ষতি কৰিব বিচৰাসকলৰ বিৰুদ্ধে। বিশেষ নিবিড় পুনৰীক্ষণ (SIR) সন্দৰ্ভত তৃণমূল কংগ্ৰেছৰ প্ৰশ্নৰ উত্তৰত মিথুনে মন্তব্য কৰে যে বিজেপিৰ বহু প্ৰাৰ্থীয়েও ভোট হেৰুৱাইছে। মাদ্ৰাছাক দিলে ৫৭১৩ কোটি টকা। “বংগত ইমান লেতেৰা বিয়পি পৰিছে, ঝাড়ুৰে চাফা কৰিব লাগিব। মমতা বেনাৰ্জীয়ে এতিয়াই ক’ব, কিন্তু জয়ী হ’লে ক’ব সকলো ঠিকেই আছে। এইবাৰ সনাতনী সমাজ সাৰ পাই উঠিছে।” এইবাৰ পৰিৱৰ্তন হ’বই লাগিব, নহ’লে আপুনিও যাব, মইও যাম।
আনহাতে সাংবাদিকৰে হোৱা এক বাৰ্তালাপত বিজেপি নেতা তথা প্ৰবীণ অভিনেতা মিথুন চক্ৰৱৰ্তীয়ে পশ্চিমবংগৰ আগন্তুক নিৰ্বাচনৰ বাবে দলৰ কৌশল আৰু তৃণমূল পৰ্যায়ৰ কাম-কাজৰ ওপৰত আস্থা প্ৰকাশ কৰে। স্থানীয় প্ৰাৰ্থী প্ৰক্ষেপ কৰাৰ ক্ষেত্ৰত দলৰ সিদ্ধান্তৰ ওপৰত গুৰুত্ব আৰোপ কৰি তেওঁ কয় যে এই পদক্ষেপে তেওঁলোকৰ বিজয়ৰ সম্ভাৱনা অধিক শক্তিশালী কৰিব।
তেওঁ কয়, “এইবাৰ আমি স্থানীয় ব্যক্তিক বাছি লৈছো, সিদ্ধান্ত ভাল হওক বা বেয়া। যদি আমি নিৰ্বাচনত অৱতীৰ্ণ হ’ব লাগে তেন্তে আমি কেৱল স্থানীয় ব্যক্তিক প্ৰতিদ্বন্দ্বিতা কৰিবলৈ দিম যাতে তেওঁ বিজয়ী হৈ উভতি আহিব পাৰে। এই আশাৰে মই ক’ব পাৰো যে আমি নিশ্চিতভাৱে জয়ী হ’ম।
কেন্দ্ৰীয় গৃহমন্ত্ৰী অমিত শ্বাহে পশ্চিম বংগত অনুপ্ৰৱেশকাৰীৰ বিষয়টো উত্থাপন কৰা সন্দৰ্ভত সোধাত চক্ৰৱৰ্তীয়ে এই কথাত সন্মতি প্ৰকাশ কৰে যে অবৈধ অনুপ্ৰৱেশ এতিয়াও ৰাজ্যখনত এক গুৰুতৰ চিন্তাৰ বিষয় হৈয়ে আছে।
তেওঁ কয় যে এই বিষয়টোৱে মুছলমান নাগৰিককে ধৰি স্থানীয় জনগোষ্ঠীসমূহক বিশেষকৈ কৰ্মসংস্থাপন আৰু কল্যাণমূলক আঁচনিৰ ক্ষেত্ৰত প্ৰভাৱিত কৰিছে। আমাৰ বংগৰ মুছলমান সম্প্ৰদায়টোৱে তেওঁলোকৰ প্ৰাপ্য চাকৰি লাভ কৰিবলৈ অক্ষম হোৱাৰ বাবেই গুৰুতৰভাৱে প্ৰভাৱিত হৈছে। কেন্দ্ৰীয় চৰকাৰে আমাৰ মুছলমান ভাই-ভনীসকলক যি সুবিধা আৰু বিশেষাধিকাৰ প্ৰদান কৰে, সেই সুবিধাও তেওঁলোকে লাভ কৰা নাই।
অবৈধ অনুপ্ৰৱেশকাৰীৰ বিষয়টো সন্দৰ্ভত বিশদভাৱে উল্লেখ কৰি তেওঁ কয়, “৪০০ কিলোমিটাৰ দৈৰ্ঘ্যৰ মাটি খালী হৈয়ে আছে। এই সন্দৰ্ভত প্ৰধানমন্ত্ৰীয়ে কেইবাখনো চিঠি লিখিছে, কিন্তু তেওঁ (মমতা বেনাৰ্জীয়ে) মাটিখিনি তেওঁলোকক গতাই দিবলৈ অস্বীকাৰ কৰিছে। তেওঁ বিচাৰে যে মানুহে ইয়ালৈ আহি ইয়াত বসতি স্থাপন কৰক, আৰু তেওঁক ভোট দি থাকিব। কিন্তু তেওঁৰ সপোন কেতিয়াও পূৰণ নহ’ব।