ECI:
দৈনিক অগ্ৰদূত ডিজিটেল ডেক্স:–ৰাজ্যৰ বিধানসভা নিৰ্বাচনৰ ভোটদানৰ বাবে মাজত মাত্র ২০ ঘণ্টা বাকী ৷ ভোটদান পৰ্ব শান্তিপূর্ণ, নিকাভাৱে অনুষ্ঠিত কৰিবলৈ নিৰ্বাচন আয়োগে কেতবোৰ ব্যৱস্থা গ্ৰহণ কৰি ভোটাৰলৈ আহ্বান জনাইছে বিশেষ নিৰ্দেশনা ৷ ভোটাৰে ভোট গ্ৰহণ কক্ষলৈ লগত নিব নোৱাৰিব ম’বাইল ৷ একেই নিয়ম প্ৰযোজ্য হ’ব ৷বিএল অ’ প’লিং এজেণ্ট । ভোটদান কক্ষৰ পৰা এশ মিটাৰ দূৰত্বত ম’বাইল জমা দি ল’ব লাগিব ৰচিদ ৷ অৱশ্যে ভোটাৰে নিজৰ ভোটাধিকাৰ সাব্যস্ত কৰাৰ পিছত ৰচিদ দেখুৱাই ল’ব পাৰিব নিজৰ ম’বাইল ৷
উল্লেখ্য যে ,এটা পৰ্যায়ৰ নিৰ্বাচনৰ বাবে অতি স্পৰ্শকাতৰ ভোটগ্রহণ কেন্দ্রত কটকটীয়া নিৰাপত্তা ব্যৱস্থা গ্ৰহণ কৰিছে নিৰ্বাচন আয়োগে ৷ আৰক্ষী-কেন্দ্ৰীয় অর্ধসামৰিক বাহিনীক নিৰাপত্তাৰ দায়িত্ব দিয়া হৈছে ৷ ৰাজ্যৰ মুঠ ৩১,৪৮৬ ভোটকেন্দ্রত ব্যাপক নিৰাপত্তা বেষ্টনী গঢ়ি তোলা হৈছে ৷ভোটকেন্দ্রলৈ প’লিং প্রিজাইডিং বিষয়াসহ ভোটগ্রহণকাৰীৰ দল আজি পুৱাৰে ভোটগ্রহণ কেন্দ্ৰলৈ ৰাওনা হৈছে ৷
উল্লেখ্য যে শিলচৰ-কাৰ্বিআংলংৰ ভোটকেন্দ্রলৈ বুধবাৰেই ৰাওনা হয় ভোটগ্রহণকাৰী ৷ একেদৰে কেইবাখনো জিলাৰ দূৰ্গম ভোটকেন্দ্ৰলৈ পুৱাতে ৰাওনা হয় ভোটগ্রহণকাৰী ৷