Maligaon: মহানগৰীৰ থানাৰ পৰা হেণ্ডকাফ সহ পলায়ন আচামী

Maligaon:

দৈনিক অগ্ৰদূত ডিজিটেল ডেক্স:-মহানগৰীত শেহতীয়াকৈ দিনক দিনে বৃদ্ধি পাইছে চোৰৰ চাফাই অভিযান ৷ একপ্ৰকাৰ চোৰে নাকনিকাননি খুৱাইছে গুৱাহাটী স্মাৰ্ট আৰক্ষীক ৷ এনে ঘটনাক্ৰমৰ মাজতে মহানগৰীৰ এখন থানাত সংঘটিত হয় এক ঘটনা ৷আৰক্ষীৰ জালৰ পৰা আচামী আৰক্ষীৰ বেহুৰ পৰাই পলায়ন কৰে ৷ এক চুৰিৰ গোচৰত বন্দী হৈ থকা অৱস্থাতে হেণ্ডকাফ সহ পলায়ন কৰিবলৈ সক্ষম হয় আচামী ৷ এই ঘটনা সংঘটিত হয় মালিগাঁও গোশালা আৰক্ষী চকীত ৷

উল্লেখ্য যে এসপ্তাহৰ পূৰ্বে সংঘটিত হোৱা আচামীৰ পলায়নৰ ঘটনাটি গাপ দিয়াৰ চেষ্টা কৰিছিল গোশালা আৰক্ষীয়ে ৷ অৱশ্যে সমস্ত ঘটনাটি ইতিমধ্যে ৰাষ্ট্ৰ হৈ পৰে ৷ ইতিমধ্যে ঘটনা সন্দৰ্ভত তদন্ত ঘোষণা কৰিছে গুৱাহাটী আৰক্ষী আয়ুক্তালয়ে।