AGP Legislative Party meeting in Ambari: মহানগৰীৰ আমবাৰীত অগপৰ বিধায়িনী দলৰ বৈঠক

AGP Legislative Party meeting in Ambari:

দৈনিক অগ্ৰদূত ডিজিটেল ডেক্স:-অসমত বিজেপি নেতৃত্বাধীন এনডিএ চৰকাৰ গঠনৰ কুজকাৱাজ আৰম্ভ হোৱাৰ সমান্তৰালভাৱে বুধবাৰে এনডিএৰ অন্যতম অংশীদাৰ দল অসম গণ পৰিষদৰ বিধায়িনী দলৰ বৈঠক আমবাৰীস্থিত দলটোৰ মুখ্য কাৰ্যালয়ত অনুষ্ঠিত হয় ৷ দলৰ সভাপতি তথা বোকাখাতৰ নিৰ্বাচিত বিধায়ক অতুল বৰাৰ পৌৰোহিত্যত অনুষ্ঠিত বৈঠকত নৱনিৰ্বাচিত ১০ বিধায়কক সম্বৰ্ধনা জনোৱা হয় ৷

বৈঠকত নতুন চৰকাৰৰ মন্ত্ৰীত্ব সন্দর্ভত আলোচনা কৰি হয় ৷ উল্লেখ্য যে এই বৈঠকতে নিৰ্বাচন কৰা হ’ব অগপৰ বিধায়িনী দলৰ নতুন দলপতি ৷ স্মতৰ্ৱ্য যে সদ্য সমাপ্ত নিৰ্বাচনত অগপই ১০ খন আসনত জয়লাভ কৰে। অগপৰ বিজয়ী বিধায়ক কেই গৰাকী আছিল অতুল বৰা,কেশৱ মহন্ত ,ড:তপন দাস, জীবেশ ৰয়, দিপ্তিময়ী চৌধুৰী,দীপক কুমাৰ দাস, ধৰ্মেশ্বৰ ৰয়,প্রকাশ চন্দ্র দাস,পৃথিৰাজ ৰাভা আৰু বিকাশ শইকীয়া ৷