AGP Election Manifesto Launched:
দৈনিক অগ্ৰদূত ডিজিটেল ডেক্স:–ৰাজ্যৰ বিধানসভা নিৰ্বাচনলৈ মাজত মাত্ৰ ছটাদিন থকা অৱস্থাত অসম গণ পৰিষদে আজি মুকলি কৰে নিৰ্বাচনী ইস্তাহাৰ ৷ ১৮টা প্ৰতিশ্ৰুতিৰে মুকলি কৰা অগপৰ সংকল্প পত্রত উল্লেখ কৰা মুল বিষয় সমূহ হ’ল
সুৰক্ষিত সমৃদ্ধিশালী আৰু বিকশিত অসমৰ প্ৰতিশ্ৰুতিৰে অসম চুক্তিৰ প্ৰতিটো দফা ৰূপায়ণ কৰা হ’ব ৷ খিলঞ্জীয়া লোকৰ সুৰক্ষা প্ৰদান, জুবিন গাৰ্গৰ নামত এটা অত্যাধুনিক সাংস্কৃতিক গৱেষণা কেন্দ্র স্থাপনৰ প্ৰতিশ্ৰুতি ৷ এখন অত্যাধুনি অসম গঢ়াৰ লক্ষ্যৰে ৰাজ্যৰ যুৱক-যুৱতী চৰকাৰী-বেচৰকাৰী খণ্ডত নিয়োগৰ প্ৰতিশ্ৰুতি দিয়াৰ উপৰিও কৃষি খণ্ডৰ বৈপ্লৱিক পৰিৱৰ্তন ,ৰাজ্যৰ ভিতৰুৱা অঞ্চলত স্বাস্থ্য খণ্ডৰ উন্নয়ন,বানপানীক ৰাষ্ট্ৰীয় সমস্যাৰূপে ঘোষণাৰ বাবে কেন্দ্ৰক আহ্বান জনোৱাৰ প্ৰতিশ্ৰুতি দিয়ে অগপই ৷
একেদৰে দলটোৱে ষষ্ঠ অনুসূচী এলেকাৰ সৰ্বাংগীন উন্নয়নৰ প্ৰতিশ্ৰুতি দিয়াৰ সমান্তৰালভাৱে অসমৰ খিলঞ্জীয়া সংখ্যালঘু লোকৰ সৰ্বাংগীন উন্নয়নক প্ৰাধান্য দিয়াৰ এক প্ৰতিশ্ৰুতি উল্লেখ কৰে সংকল্প পত্ৰত ৷
ইস্তাহাৰ মুকলি অনুষ্ঠানত উপস্থিত থাকে অগপৰ সাধাৰণ সম্পাদক ডা:কমলা কলিতা ,মনোজ শইকীয়া,উপ-সভাপতি ড:জয়নাথ শৰ্মা সহ বহু কেইগৰাকী জ্যেষ্ঠ নেতা উপস্থিত থাকে ৷