BangladeshPolitics : দৈনিক অগ্ৰদূত ডিজিটেল ডেস্ক : প্রত্যাশিতভাবে বাংলাদেশৰ ৰাষ্ট্রপতি নির্বাচিত হৈছে শাসকীয় বাংলাদেশ নেচনেলিষ্ট পাৰ্টি (বিএনপি)ৰ প্রার্থী মির্জা ফখৰুল ইছলাম আলমগীৰ। বৃহস্পতিবাৰে অনুষ্ঠিত নির্বাচনত বিএনপি প্রার্থীজনে জামাতুল ইছলামী নেতৃত্বাধীন ১১ দলৰ সমর্থিত প্রার্থী কর্ণেল অৱসৰপ্ৰাপ্ত) অলি আহমেদক ১৬৭ টা ভোটৰ ব্যৱধানত পৰাস্ত কৰে।
বিজয়ী প্রার্থী আলমগীৰে ২৫৫ টা ভোট লাভ কৰাৰ বিপৰীতে বিজিত প্রার্থীজনৰ পক্ষত ৮৮ টা ভোট পৰে। উল্লেখ্য যে ইয়াৰ পূর্বে বাংলাদেশত অন্তিমবাৰ বাষ্ট্রপতি নির্বাচনত ভোটগ্রহণ হৈছিল ১৯৯১৩। তেতিয়াৰে পৰা ৩৫ বছৰৰ পাছত কালি দুপৰীয়া দুই বজাৰ পৰা পাঁচ বজালৈ ৰাষ্ট্ৰীয় সংসদত ৰাষ্ট্ৰপতি নির্বাচনৰ ভোটগ্রহণ অনুষ্ঠিত হয়।
নির্বাচনত ৩৪৯ সাংসদে ভোটদান কৰে। ইয়াৰ অন্যতম কাৰণ হ’ল বিএনপিৰ অন্যতম সাংসদ আছলাম চৌধুৰীৰ সদস্যপদ এক ঋণ অপৰিশোধৰ গোচৰত অলপতে আদালতে খাৰিজ কৰে। গতিকে শাসক দলৰ সাংসদৰ সংখ্যা ২৪৮লৈ হ্রাস পায়। তদুপৰি সাংসদ মৌলানা মাহমুদুল হুছেইন আলি উল্লাই ভোটদানৰ পৰা বিৰত থাকে।
ইপিনে, সংসদ সদস্য নোহোৱাৰ পৰিপ্ৰেক্ষিতত বিৰোধী প্রার্থী অলিয়ে ভোটদান কৰিব নোৱাৰিলে।উল্লেখ্য যে পূৰ্বৰ প্রধানমন্ত্রী শেখ হাছিনাৰ শাসনত বিনা প্রতিদ্বন্দ্বিতাৰে ৰাষ্ট্ৰপতি নির্বাচিত মহম্মদ চাহাবুদ্দিনে যোৱা ২৪ জুলাইত পদত্যাগ কৰে। ফলত দেশখনৰ ৰাষ্ট্ৰপতি নির্বাচন অৱধাৰিত হৈ পৰে। বাংলাদেশ সংবিধান অনুসৰি ৰাষ্ট্ৰপতিয়ে পদত্যাগ কৰিলে ৰাষ্ট্ৰপতিৰ দায়িত্ব সাময়িকভাৱে পালন কৰে সংসদৰ অধ্যক্ষই।
আনহাতে, ৰাষ্ট্ৰপতিৰ মৃত্যু হ’লে বা পদত্যাগ কৰিলে ৯০ দিনৰ ভিতৰত নতুন ৰাষ্ট্রপতি নির্বাচন কৰিব লাগে। অৱশ্যে ভাৰতৰ দৰে বাংলাদেশৰ ৰাষ্ট্ৰপতিৰো ক্ষমতা সীমিত। ৰাষ্ট্ৰপতিৰ প্ৰকৃত ক্ষমতা প্রয়োগ কৰে প্ৰধানমন্ত্ৰী নেতৃত্বাধীন চৰকাৰ বা সংসদেহে। চৰকাৰৰ পৰামৰ্শ মতে ৰাষ্ট্ৰপতিয়ে দায়িত্ব সম্পাদন কৰিব লাগে।
গতিকে আলমগীৰ ৰাষ্ট্ৰপতি নির্বাচিত হ’লেও দেশখনৰ শাসন ব্যৱস্থাত ইয়াৰ তাৎপর্য বিশেষ নাই বুলি ৰাজনৈতিক বিশ্লেষকসকলে মন্তব্য কৰিছে।
উল্লেখ্য যে চলিত বছৰৰ আৰম্ভণিতে অনুষ্ঠিত বাংলাদেশৰ নিৰ্বাচনৰ জৰিয়তে তাৰিক হুছেইন নেতৃত্বাধীন বিএনপি ক্ষমতালৈ অহাৰ পাছত সদ্যনির্বাচিত ৰাষ্ট্ৰপতি আলমগীৰে গ্ৰামোন্নয়ন আৰু সমবায়কে ধৰি কে’বাটাও মন্ত্রণালয়ৰ মন্ত্রিত্ব লাভ কৰে। আনহাতে তেওঁৰ প্ৰতিদ্বন্দ্বী প্রার্থী অৱসৰপ্ৰাপ্ত কর্ণেল আহমেদ ১৯৭১ বাংলাদেশৰ স্বাধীনতা যুদ্ধৰ যুঁজাৰু আছিল।
সম্প্রতি তেওঁ লিবাৰেল ডেম’ক্রেটিক পার্টিৰ সভাপতিৰূপে কাৰ্যনিৰ্বাহ কৰি আছে। পূর্বে তেওঁ ছবাৰ সাংসদৰূপেও কার্যনির্বাহ কৰিছিল। একালত আহমেদ প্রাক্তন ৰাষ্ট্ৰপতি তথা বৰ্তমানৰ প্ৰধানমন্ত্ৰী তাৰিক ৰহমানৰ পিতৃ জিয়াউৰ ৰহমানৰ ঘনিষ্ঠ আছিল। সেনাৰ পৰা অৱসৰ গ্ৰহণৰ পাছত সেই সূত্রে ১৯৮০ত তেওঁ বিএনপিত যোগদান কৰিছিল।
পৰৱৰ্তী সময়ত তেওঁ প্রাক্তন প্রধানমন্ত্রী খালেদা জিয়াৰ চৰকাৰৰ দিনত যোগাযোগ মন্ত্রীৰূপে কার্যনির্বাহ কৰিছিল। পাছত ২০০৬ত তেওঁ লিবাৰেল ডেম’ক্রেটিক পার্টি প্রতিষ্ঠা কৰে।