StockMarketInvestment : দৈনিক অগ্ৰদূত ডিজিটেল ডেস্ক : উন্নত প্রযুক্তিৰ যুগত, অনলাইন এপবোৰ সকলো ক্ষেত্রতে এক নিৰ্ভৰযোগ্য বিনিময় মাধ্যমলৈ পৰিণত হৈছে। সেয়া লাগে খবৰেই হওঁক বা টকা পইচাই হওঁক, লেনদেনৰ বাবে এপৰ ব্যৱহাৰে সাম্প্রতিক সময়ত বহুল জনপ্রিয়তা অর্জন কৰিছে।
শেহতীয়াকৈ শ্বেয়াৰ বজাৰৰ বিনিয়োগকাৰীসকলৰ বাবেও এনে এক এপ জনপ্রিয় হৈ উঠিছে। এই এপটো হৈছে শ্বেয়াৰ বজাৰ পৰিচালনাৰ দায়িত্বত থকা ছিকিউৰিটিজ এণ্ড এক্সচেঞ্জ ব’র্ড অব ইণ্ডিয়া বা চমুকৈ ছেবিৰ উদ্যোগত বজাৰলৈ অহা সাৰথি এপ।
এই এপটোৰ জৰিয়তে, শ্বেয়াৰ বজাৰৰ বিনিয়োগকাৰীসকলৰ মাজত বিনিয়োগৰ কিছু মৌলিক ধাৰণা প্রদান কৰা হয়। একে সময়তে, এই এপৰ মুখ্য লক্ষ্য হৈছে শ্বেয়াৰ বজাৰত নিয়মীয়াকৈ ীয়াকৈ বিনিয়োগ কৰা সকলক এই শ্বেয়াৰ বজাৰৰ বিষয়ে অধিক সচেতন আৰু সজাগ কৰা।
এই এপটোৰ উদ্দেশ্য হৈছে এজন ব্যক্তিক শ্বেয়াৰ বজাৰৰ বিষয়ে অধিক সজাগ কৰা আৰু লগতে বিনিয়োগকাৰীৰ মাজত ছিকিউৰিটি বজাৰৰ বিষয়ে এক মৌলিক ধাৰণা সৃষ্টি কৰা।
সমান্তৰালভাৱে, কেৱাইচি প্রক্রিয়া, ব্যৱসায় আৰু নিষ্পত্তি, মিউচুৱেল ফাণ্ডৰ দৰে বিভিন্ন বিষয়ৰ বিষয়ে ধাৰণা সৃষ্টি কৰাতো বিশেষভাৱে সহায়ক হয় এই এপটো। হিন্দী আৰু ইংৰাজী ভাষাৰ লগতে বিভিন্ন আঞ্চলিক ভাষাতো উপলব্ধ সাৰথি। এই এপটোৰ লাভালাভবোৰ এনড্রইড আৰু আইঅ’এছ উভয় প্লেটফর্মতে উপলব্ধ।