Nagaon Bye Election Property of the candidate:
দৈনিক অগ্ৰদূত ডিজিটেল ডেস্ক:নগাঁও লোকসভা সমষ্টিৰ উপ-নির্বাচনক কেন্দ্ৰ কৰি ইতিমধ্যে ব্যাপক তৎপৰতা আৰম্ভ হৈছে শাসক- বিৰোধীৰ মাজত ৷ বুধবাৰে মনোনয়ন দাখিলৰ অন্তিম দিনটোত তিনি হাইপ্ৰফাইল প্ৰাৰ্থী ক্ৰমে বিজেপিৰ দেৱাশিস শৰ্মা,কংগ্ৰেছৰ শিৱামণি বৰা আৰু এআইইউডিএফৰ বদৰুদ্দিন আজমল সহ আন বহু কেই গৰাকী নিৰ্দলীয় প্ৰাৰ্থীয়ে দাখিল কৰে মনোনয়নপত্ৰ৷ মনোনয়ন দাখিলৰ পিছতে নিৰ্বাচনী শপতনামাত তিনি হাইপ্ৰফাইল প্ৰাৰ্থীয়ে দাখিল কৰা ব্যক্তিগত সম্পত্তিৰ তথ্য সকলোৰে চৰ্চাৰ কেন্দ্ৰবিন্দু হৈ পৰিছে ৷
নির্বাচনী শপতনামাত দাখিল কৰা তথ্য অনুসৰি বিজেপি প্রার্থী দেৱাশীষ শৰ্মাৰ মুঠ অস্থাৱৰ সম্পত্তিৰ পৰিমাণ ১ কোটি ২৪ লাখ ৪৫ হাজাৰ ১১৭ টকা। তেওঁৰ পত্নীৰ অস্থাৱৰ সম্পত্তিৰ পৰিমাণ ১ কোটি ৫২ লাখ ৮৬ হাজাৰ ৩৯৯ টকা। স্থাৱৰ সম্পত্তিৰ ক্ষেত্ৰত দেৱাশীষ শৰ্মাৰ নামত ১ কোটি ১১ লাখ ৫০ হাজাৰ টকাৰ সম্পত্তি আছে। তেওঁৰ হাতত নগদ ধন হিচাপে ৮ লাখ ১ হাজাৰ ২৫০ টকা আছে। আনহাতে, তেওঁৰ পত্নীৰ হাতত নগদ ধনৰ পৰিমাণ ৫ লাখ ১৮ হাজাৰ ৬৮০ টকা। বেংকত দেৱাশীষ শৰ্মাৰ জমা ধনৰ পৰিমাণ ৮৭ লাখ ৪ হাজাৰ ৩৪৩ টকা বুলি তথ্যত উল্লেখ কৰা হৈছে। ঋণৰ ক্ষেত্ৰত দেৱাশীষ শৰ্মাৰ ওপৰত আছে ২৮ লাখ টকাৰ ঋণ।
আনহাতে উত্তৰ – পূৱ ভাৰতৰ অন্যতম ধন ব্যক্তি হিচাপে পৰিচিত এআইইউডিএফৰ প্ৰাৰ্থী বদৰুদ্দিন আজমলৰমুঠ অস্থাৱৰ সম্পত্তিৰ পৰিমাণ ৭৮কোটি ১০ লাখ ৩১হাজাৰ ৪৫১টকা৷ পত্নীৰ অস্থাৱৰ সম্পত্তিৰ পৰিমাণ ৩১লাখ ৭২হাজাৰ ৯৮৮টকা ৷
আজমলৰ স্থাৱৰ সম্পত্তিৰ পৰিমাণ ১৭৮কোটি ৮৪লাখ ২৪হাজাৰ ৬৪টকা৷ পত্নীৰ স্থাৱৰ সম্পত্তিৰ পৰিমাণ ৩কোটি ৮৩লাখ ৯২হাজাৰ ১৭টকা ৷ হাতত জমা আছে ২লাখ ৯জাহাৰ ৮৮৮ টকা৷পত্নীৰ হাতত জমা আছে ২৬,২৬৮ টকা৷বেংকত জমা আছে ৪ কোটি ৮৫লাখ ৭৪হাজাৰ ৩৬৩ টকা৷পত্নীৰ বেংকত জমা আছে ৭লাখ ৬৪হাজাৰ ৬৫১টকা ৷
আজমলৰ মুঠ বিনিয়োগ ১০ কোটি ৯০লাখ ২২হাজাৰ৬৭৪টকা ৷
আনহাতে ঋণৰ পৰিমাণ ৬০কোটি ৪৫লাখ ৩৮হাজাৰ ২৮৮টকা ৷
ইপিনে কংগ্ৰেছ প্ৰাৰ্থী শিৱামণি বৰাই শপতনামাত উল্লেখ কৰা তথ্যানুসৰি তেওঁৰ নামত থকা অস্থাৱৰ সম্পত্তিৰ পৰিমাণ ২২ লাখ ৮৪ হাজাৰ ৪৭ টকা। তেওঁৰ স্বামীৰ অস্থাৱৰ সম্পত্তিৰ পৰিমাণ ৪২ লাখ ৩৪ হাজাৰ ৪৫৮ টকা।
আনহাতে শিৱামণি বৰাৰ হাতত নগদ ধন হিচাপে ৪২ হাজাৰ ২০০ টকা জমা আছে। তেওঁৰ স্বামীৰ হাতত নগদ ধন আছে ৪৮ হাজাৰ টকা। স্থাৱৰ সম্পত্তিৰ ক্ষেত্ৰত শিৱামণি বৰাৰ নামত প্রায় ১ কোটি ৬৫ লাখ টকাৰ সম্পত্তি আছে। তেওঁৰ স্বামীৰ নামত থকা স্থাৱৰ সম্পত্তিৰ পৰিমাণ ২৫ লাখ টকা।