সুশান্ত সিং ৰাজপুতৰ সন্দৰ্ভত ইডিয়ে অভিনেতাজনৰ একাউণ্টৰ পৰা টকা ট্ৰান্সফাৰ হোৱাৰ সন্দৰ্ভত তদন্ত কৰি আছে । শনিবাৰে ৰিয়া চক্ৰৱৰ্তীৰ ভ্ৰাতৃ শৌভিক চক্ৰৱৰ্তী দ্বিতীয় দিনৰ কাৰণে ইডিৰ অফিচত উপস্থিত হয় । শৌভিক চক্ৰৱৰ্তীক ইডিয়ে ১৮ ঘন্টা সোধ পোচ কৰিছে । ইডিয়ে আজি এসময়ত সুশান্তৰ ৰুমমেট হিচাপে থকা সিদ্ধাৰ্থ পিঠানীক সোধ পোচ কৰিব।
ইফালে এই ঘটনাৰ সন্দৰ্ভত শুক্ৰবাৰে সুশান্তৰ গাৰ্লফ্ৰেণ্ড ৰিয়া চক্ৰৱৰ্তীক ইডিয়ে প্ৰায় ৯ ঘন্টা সোধ পোচ কৰে । ৰিয়াৰ লগতে ইডিয়ে ভাতৃ শৌভিক চক্ৰৱৰ্তী, সুশান্তৰ মেনেজাৰ শ্ৰুতি মোদী, চি এ ৰিতেশ শ্বাহকো সোধপোছ কৰে ৷ কাৰণ সুশান্তৰ পিতৃয়ে ৰিয়াৰ লগতে পৰিয়ালৰ লোকে ১৫ কোটি টকা অভিনেতাজনৰ একাউণ্টৰ পৰা নিজৰ একাউণ্টলৈ ট্ৰান্সফাৰ কৰাৰ অভিযোগ দিছিল ।
আনহাতে এইসকলোবোৰ তথ্যৰ তদন্ত প্ৰিভেন্সন অফ ম’নী লেণ্ডিঙ আইনৰ অধীনত তদন্ত কৰা হ’ব ৷ সুশান্তৰ ছ’চিয়েল মিডিয়া হেণ্ডেল কৰা বন্ধু সিদ্ধাৰ্থ পিঠানী বিগত এবছৰৰ পৰা সুশান্তৰ লগত আছে । সুশান্তে আত্মহত্যা কৰাৰ পিছত প্ৰথম মৃতদেহ সিদ্ধাৰ্থই দেখিছিল ।
আনহাতে মুম্বাই পুলিছে দাখিল কৰা এক্সিডেণ্টেল ডেথটো তিনিবাৰ স্বাক্ষৰ কৰিছিল সিদ্ধাৰ্থ পিথানিয়ে ৷ শুক্ৰবাৰে ইডি উপস্থিত হয় ৰিয়া চক্ৰৱৰ্তীৰ ফ্লেটত । এক বিশেষ সূত্ৰৰ মতে জিএচটিৰ স’তে এই ফ্লেটৰ মূল্য ৮৪ লাখ টকা । এই ফ্লেটটোৰ কাৰণে ৬০ লাখ টকাৰ লোন লোৱা হৈছিল ৷ ইফালে ইডিয়ে কিছুমান নথিপত্ৰও লোৱাৰ লগতে ৰিয়াৰ ওচৰ চুবুৰীয়াৰ স’তেও কথা বতৰা হয় ।
আনহাতে ৰিয়াই সুশান্তৰ পিতৃয়ে ১৫ কোটি টকা ট্ৰেন্সফাৰৰ কৰা সন্দৰ্ভত দিয়া অভিযোগক নসাৎ কৰি কয় “এইয়া মনে সজোৱা কাহিনী ৷ মই সাতখন ছবি কৰিছো আৰু পইচা উপাৰ্জন কৰিছো ।” উল্লেখযোগ্য যে চিবিআইয়ে সম্প্ৰতি পাটনা পুলিচৰ পৰা সকলোবোৰ তথ্য একত্ৰিত কৰিছে । যাতে তদন্তত কোনো সুৰুঙা থাকি নাযায়।