ভাৰতীয় চিকিৎসা গৱেষণা পৰিষদ (আই চি এম আৰ)আৰু পুনেৰ ভাৰত বায়’টেক ইন্টাৰনেচনেল যুটীয়াভাৱে প্ৰস্তুত কৰা ক’ভাক্সিনে অন্যান্য স্ত্যনপায়ী জন্তুৰ শৰীৰত কিমান ফলদায়ক হ’ব তাকে লৈ পৰীক্ষামূলক প্ৰয়োগ অব্যাহত আছে । প্ৰথম পৰ্যায়ৰ ক্লিনিকেল ট্ৰায়েলত বৃহৎ সাফল্য লাভ কৰিছে বুলি তথ্য সদৰী কৰে কোম্পানীটোৱে ৷
ভাৰত বায়’টেকে ৱেবছাইটৰ জৰিয়তে প্ৰকাশ কৰা তথ্য অনুসৰি ক’ভাক্সিনে বান্দৰৰ শৰীৰৰ ওপৰত প্ৰতিৰোধ ক্ষমতা গঢ়ি তুলিছে । এই প্ৰতিৰোধ ক্ষমতা অতি শক্তিশালী বুলিও কোৱা হৈছে ৷ ইয়াৰ দ্বাৰা সংক্ৰমণ আৰু ৰোগ দুয়োটাই ৰোধ হ’ব ।
তথ্য অনুসৰি ৰিচাছ মাকাও বান্দৰক চাৰিটা ভাগত বিভক্ত কৰি প্ৰতিষেধক দিয়া হৈছিল ৷ তাৰ আশাপ্ৰদ ফল পোৱা গৈছে । এইদৰে তথ্য সদৰী কৰে গৱেষণাৰ স’তে যুক্ত বিপিন এম নামৰ বিজন’ৰৰ এজন চিকিৎসকে ৷
তেওঁ টুইট কৰে “ক’ভাক্সিনে মাকাওৰ শৰীৰত প্ৰতিৰোধ ক্ষমতা গঢ়ি তুলিছে।” ভাৰত বায়’টেকে কয় “এটা গোটৰ ওপৰত প্লেচিব” দিয়া হৈছিল ৷ দ্বিতীয়টো ড’জৰ পাছতে ফলাফল লাভ কৰে বুলিও কোম্পানীটোৱে কয় ৷ বান্দৰৰ শৰীৰত প্ৰতিৰোধ গঢ়ি তোলে পৰীক্ষামূলক প্ৰয়োগে ৷
তদুপৰি কৰ’নাৰ এন্টিব’ডি সৃষ্টি হোৱাৰ লগতে বান্দৰবোৰৰ শৰীৰত নিউম’নিয়াৰ কোনো লক্ষণ নাছিল । যোৱা জুলাইৰ পৰা ভাৰত বায়’টেকে পৰীক্ষামূলক প্ৰয়োগ আৰম্ভ কৰিছে ৷ মানুহৰ শৰীৰত এই পৰীক্ষা চলি আছে । দেশজুৰি ১২ টা কেন্দ্ৰত চলিছে এই পৰীক্ষা।
