১৫ জনৰ ভিতৰত এজন ব্যক্তি চলিত বৰ্ষৰ আগষ্টৰ ভিতৰত ক’ভিড-১৯ত আক্ৰান্ত হৈছে । ভাৰতত ICMR য়ে দ্বিতীয় পৰ্যায়ৰ সমীক্ষাত এই কথা প্ৰকাশ কৰিছে ৷ এই সন্দৰ্ভত ICMR ৰ বিষয়া বলৰাম ভাৰ্গৱে কয় যে গ্ৰামাঞ্চলতকৈ বস্তি অঞ্চলত SARS-Cov2 আক্ৰান্তৰ সংখ্যা অধিক । বস্তি অঞ্চলত ক’ভিড-১৯ত আক্ৰান্ত হাৰ ১৫.৬ শতাংশ ৷
আনহাতে ৰাজ্যত সমাগত বিভিন্ন উৎসৱ বা শীত কালত ক’ভিড-১৯ৰ সংক্ৰমণ সন্দৰ্ভত আশংকা প্ৰকাশ কৰে ICMRয়ে ৷ গতিকে এই ক্ষেত্ৰত যাৱতীয় ব্যৱস্থা ল’বলৈ কয় ৰাজ্য চৰকাৰসমূহক । ইয়াৰ মাজতে কেন্দ্ৰীয় স্বাস্থ্য মন্ত্ৰণালয়ে কয় যে ICMR ৰ দ্বিতীয় সমীক্ষা অনুসৰি ভাৰতত এতিয়াও বহু ৰাজ্য ক’ভিড-১৯ ৰ সন্ত্ৰাসৰ মাজত আছে ।
আনহাতে দেওবাৰে কেন্দ্ৰীয় স্বাস্থ্য মন্ত্ৰী হৰ্ষবৰ্ধনে কয় যে দেশৰ জনসাধাৰণে এতিয়াও কৰ’না ভাইৰাছৰ বিৰুদ্ধে যুঁজিবলৈ সক্ষম হোৱা নাই। লগতে স্বাস্থ্যমন্ত্ৰী হৰ্ষবৰ্ধনে পূজাস্থলীসমূহত মাস্ক পৰিধান কৰাৰ সন্দৰ্ভত গুৰুত্ব প্ৰদান কৰে।