সমগ্ৰ বিশ্বতেই কৰ’না ভাইৰাছৰ তাণ্ডৱ লীলা শেষ নহওঁতেই চীনৰ আন এটি ভাইৰাছ ‘কেট কিয়ু্য’য়ে ভাৰততো সংক্ৰমণ হ’ব পাৰে বুলি আশংকা প্ৰকাশ কৰিছে গৱেষক সকলে । কৰ’নাৰ দৰে এই ভাইৰাছ বিধেও সন্ত্ৰাস চলাব পাৰে বুলি আই চি এম আৰে জনাইছে । চীনৰ লগতে ভিয়েটনামতো এই ভাইৰাছৰ উপস্থিতি পোৱা গৈছে ।
এই ভাইৰাছত আক্ৰান্ত হ’লে শৰীৰত জ্বৰ, meningitis, এনকেফেলাইটিছৰ লক্ষণ শৰীৰত দেখা দিব । গাহৰিৰ শৰীৰত এই ভাইৰাছ পোৱা গৈছে। ‘ক্লুলেক্স’ নামৰ এবিধ ম’হে এই ভাইৰাছ বিয়পায় । ইতিমধ্যে বিজ্ঞানীসকলে বিভিন্ন ৰাজ্যৰ ৮৮৩ জনৰ শৰীৰৰ ‘চেৰাম চেম্পল’ সংগ্ৰহ কৰিছিল । ইয়াৰে ভিতৰত দুজনৰ শৰীৰত এই ভাইৰাছৰ উপস্থিতি পোৱা গৈছে । লগতে দুয়োজনৰ শৰীৰে এই ভাইৰাছৰ বিৰুদ্ধে এন্টিবডী গঠন কৰিছে ।
‘ইণ্ডিয়ান জাৰ্নেল অৱ মেডিকেল ৰিচাৰ্ছ’য়ে জুন মাহত কৰা এটা গৱেষণাত উল্লেখ কৰা হৈছে যে ‘চেৰাম চেম্পল’ সংগ্ৰহ কৰা লোকসকলৰ শৰীৰত ‘Anti-CQV IGG’ এন্টিবডী পোৱা আৰু ম’হে এই এন্টিবডী কঢ়িওৱা সমতাক কেন্দ্ৰ কৰি এই তথ্য প্ৰতিপন্ন হৈছে যে ভাৰতত এই ভাইৰাছ পূৰ্ণ গতিত সংক্ৰমণ হোৱাৰ আশংকা আছে ।
মানুহ আৰু গাহৰিৰ ‘চেৰাম চেম্পল’ৰ নমুনা সংগ্ৰহ কৰি পৰীক্ষা কৰা উচিত । তেতিয়াহে জানিব পৰা যাব এই ভাইৰাছ আমাৰ মাজত পূৰ্বৰে পৰাই আছে নেকি । এই ভাইৰাছৰ সন্দৰ্ভত এজন বৈজ্ঞানিকৰ মতে, ‘ভাৰতত কিছুমান ম’হ CQV ভাইৰাছৰ ক্ষেত্ৰত সংবেদনশীল । এই ম’হে এই ভাইৰাছ বিয়পোৱাৰ একমাত্ৰ কাৰক হ’ব পাৰে ।’