দেশত অক্সিজেন কনচেনট্রেটৰৰ যােগান ক্রমে বৃদ্ধি পাইছে যদিও একাংশ লােকে অত্যধিক পৰিমাণৰ ইউনিট ক্রয় কৰাৰ ফলত কৰ’না ৰােগীৰ চিকিৎসাত ব্যৱহাৰ কৰা অক্সিজেনৰ অভাৱ ঘটিবলৈ ধৰিছে।
প্রকাশিত বাতৰি অনুসৰি দেশৰ একাংশ শীর্ষ ৰাজনৈতিক নেতা, আমােলা, উদ্যোগপতি, ব্যৱসায়ী, আঢ্যৱন্ত লােক, শীর্ষ আৰক্ষী বিষয়াই নানা মাধ্যমৰে অক্সিজেন কনচেনট্রেটৰ ইউনিট ক্রয় কৰিছে। কৰ’নাৰ ভয়তে এইসকল লােকে মূলতঃ অনলাইনৰ জৰিয়তে অক্সিজেন কনচেনট্রেট ইউনিট সংগ্রহ কৰিছে।
অক্সিজেন কনচেনট্রেটৰ হৈছে এবিধ প’র্টেবল মেচিন যাৰ জৰিয়তে ৰােগীক ঘৰতে বতাহৰ পৰা অক্সিজেন সংগ্রহ কৰি যােগান ধৰিব পাৰি৷ কৰ’নাৰ চিকিৎসক দেশত অক্সিজেনৰ অভাৱ ঘটিছে আৰু সেয়েহে এনে ধৰণৰ প’র্টেবল অক্সিজেন কনচেনট্রেটৰ সঁজুলিৰ চাহিদা যথেষ্ট বৃদ্ধি পাইছে।
দেশৰ ধনাঢ্য লােকসকলে ক’নাত আক্রান্ত হলে যাতে অক্সিজেনৰ সহজ যােগান লাভ কৰিব পাৰে, সেই উদ্দেশ্যেৰে ঘৰতে এইদৰে অক্সিজেন কনচেনট্রেটৰ ইউনিট মজুত কৰিছে। একাংশ লােকে অনলাইনত ৫০ ইউনিটলৈকে অক্সিজেন কনচেনট্রেটৰ ক্ৰয় কৰাৰ তথ্যও পােহৰলৈ আহিছে। নিজৰ লগতে পৰিয়ালৰ আন লােকৰ বাবেও এইদৰে ধনাঢ্য লােকে অক্সিজেন মজুত কৰি ৰাখিছে।
ভাৰতত অক্সিজেন কনচেনট্রেটৰৰ প্ৰতিটো ইউনিট খুচুৰা বজাৰত ৪০ হেজাৰ টকাৰ পৰা ৬০ হেজাৰ টকাৰ ভিতৰত বিক্রী হয় যদিও সম্প্রতি ইয়াৰ চাহিদা বৃদ্ধিৰ প্রতি লক্ষ্য ৰাখি একাংশ প্রস্তুতকাৰকে মূল্যবৃদ্ধি কৰিছে। কিন্তু ইয়াৰ পাছতাে ধনাঢ্য লােকে অক্সিজেন কনচেনট্রেট ইউনিট ক্রয়ৰ বাবে অনলাইনত হেতা-ওপৰা লগাইছে।