বেছিভাগ দেশতে বৰ্তমান ক’ভিডৰ নিষেধাজ্ঞা সমূহ হ্ৰাস কৰা হৈছে । ইউৰোপৰ বহুতো ঠাইত কৰ’না নিষেধাজ্ঞাসমূহ সম্পূৰ্ণৰূপে উঠাই যোৱাৰ পথত ।
বৰ্তমান সক্ৰিয় হৈ থকা কৰ’নাৰ অ’মিক্ৰন প্ৰকাৰটো ইমান ক্ষতিকাৰক নহয় বুলি জানি অৰ্থনীতিৰ চকা দ্ৰুত কৰিবলৈ দেশক স্বাভাৱিক পৰিস্থিতিলৈ ঘূৰাই নিবলৈ বিচাৰে ৰাষ্ট্ৰনেতাই।
যদিও ইয়াত সুখী নহয় বিশ্ব স্বাস্থ্য সংস্থা (হু) । তেওঁলোকৰ মতে, এই সিদ্ধান্ত খৰখেদাকৈ লোৱা হৈছে। অৱহেলা কৰিলে অতিমাৰী আৰু দীঘলীয়া সময় ধৰি চলিব।
হু-ৰ স্বাস্থ্য বিষয়া মাইক ৰিয়ানে কয়, “আমি বুজি পাইছো যে সকলোৱে স্বাভাৱিক জীৱনলৈ ঘূৰি আহিব বিচাৰে, সকলো বোৰ মুকলি কৰিব বিচাৰে। কিন্তু যদি এই স্বাভাৱিক জীৱনলৈ ঘূৰি অহাৰ আকাংক্ষাই অতিমাৰী আৰু দীর্ঘায়িত কৰে। সেই বিষয়তো কিন্তু আমি ভৱা উচিত। “
তেওঁ আৰু কয় , “কিছুমান ক্ষেত্ৰত, মই ভাবো ৰাজনৈতিক চাপ আছে। কিন্তু ই পৰিস্থিতিটো বেয়া কৰি তুলিব পাৰে। মই নিশ্চিত নহয় কি হ’ব। মই আনকি কোনো অনুমানো কৰা নাই। ইয়াৰ বিপৰীতে, মই এনেদৰে সকলো প্ৰতিবন্ধকতা শিথিল কৰাৰ বিষয়ে অলপ চিন্তিত। ”
বিশেষজ্ঞসকলো চিন্তিত যদি পুনৰ এটা নতুন প্ৰকাৰ সৃষ্টি হয়। বিগত বছৰৰ শেষত, চাইপ্ৰাচেৰ বিজ্ঞানীসকলে দাবী কৰিছিল সেই দেশত ডেল্টাক্ৰনৰ ২৫ টা নমুনা পোৱা গৈছিল ।
শুকুৰবাৰে ব্ৰিটেইনে জনাইছে, সেই দেশত ডেল্টাক্ৰনৰ সন্ধান লাভ কৰা হৈছে । এইটো ডেল্টা আৰু অ’মিক্ৰনৰ মিশ্ৰণত এটা হাইব্ৰিড প্ৰকাৰ। এইটো এতিয়াও জনাব পৰা নাই যে এই ভেৰিয়েন্টৰ ক্ষতি কৰাৰ ক্ষমতা কিমান।
অ’মিক্ৰনৰ এক উপ-প্ৰকাৰ বি.এ..২-ৰ বিষয়েও চিন্তিত বিশেষজ্ঞসকল । যদিও অ’মিইক্ৰন সংক্ৰমণ এতিয়া হ্ৰাস হ’বলৈ আৰম্ভ কৰিছে, তেওঁলোক বি.এ.২-ৰ চৰিত্ৰৰ বিষয়ে চিন্তিত। কিন্তু সৰ্বাধিক, যদি পুনৰ এটা ‘উদ্বেগৰ প্ৰকাৰ’ উদ্ভৱ হয়! যিহেতু সকলো নিয়ম উঠাই লোৱা হৈছে, বিশেষজ্ঞসকলে আশংকা কৰিছে যে বিপদটো উপলব্ধি কৰাৰ আগতে ডাঙৰ ক্ষতি হ’ব পাৰে।
বিশ্ব স্বাস্থ্য সংস্থাৰ বিশেষজ্ঞ মাৰিয়া ভন কেৰ্কভে আজি এখন সংবাদমেলত এই সন্দৰ্ভত কয় , “বহুতো দেশত, আমি ইয়াৰ আগতে নিয়মবোৰ লঘু কৰাৰ পাছত দেখিছোঁ, আমি পুৰণি নিয়মবোৰলৈ ঘূৰি যাব লগা হৈছিল। আকৌ, কিছুমান দেশে সময়ে সময়ে প্ৰতিবন্ধকতা হ্ৰাস কৰিছে। এতিয়া মই শুনিছো যে কিছুমান দেশে সকলো নিয়ম উঠাই ল’ব বিচাৰে। ইয়াৰে ভিতৰত কিছুমান দেশ অন্য দেশৰ তুলনাত ভাল পৰিস্থিতিত আছে। তেওঁলোকৰ হাতত বৃহৎ সংখ্যক ভেকছিন আছে, জনসংখ্যাৰ এক বৃহৎ অংশৰ ৰোগ প্ৰতিৰোধ ক্ষমতা আছে, আৰু পৰিস্থিতি বিপদজনক হ’লে মোকাবিলা কৰাৰ ব্যৱস্থা আছে। কিন্তু তেওঁলোকে দেখিছে যে আনসকলেও বিপদজনক যদি তেওঁলোকে এনে কৰে। “
মাৰিয়াই কয় “কিছুমান দেশক ভুলকৈ পৰামৰ্শ দিয়া হৈছে । এই সকলোবোৰ নকৰিব। কাকো বিপদত নেপেলাব। ৰাজ্যৰ নেতাসকলে এটা কথা জানি থওক , এতিয়াও কিছু নিয়ন্ত্ৰণত থকা উচিত । ”
ব্ৰিটেইনে ঘোষণা কৰিছে যে শীঘ্ৰেই সকলো কৰ’না নিয়ম উঠাই লোৱা হ’ব। আনকি কোনেও পৰিধান কৰিব নালাগে মাস্ক।
পৰ্তুগাল, জাপান, ইজৰাইলে নিয়মবোৰ প্ৰত্যাহাৰ কৰিছে। চুইজাৰলেণ্ডেও প্ৰায় সকলো নিষেধাজ্ঞা উঠাই লৈছে। কানাডা আৰু ছিংগাপুৰে কৈছে যে তেওঁলোক সোনকালেই এই পথত আহিব।
বিশ্ব স্বাস্থ্য সংস্থাৰ মুৰব্বী টেড্ৰোছ আদানোম ঘেব্ৰেয়েচাছে কয় যে নতুন প্ৰকাৰ সৃষ্টিৰ বাবে আদৰ্শ পৰিস্থিতি সৃষ্টি কৰা হৈছে। দেশবোৰে নিয়মবোৰ শিথিল কৰি আছে। মানুহে তেওঁলোকৰ সাৱধানতা হ্ৰাস কৰিছে। কিছুমান দেশৰ ভেকছিন নাই। পৰ্যাপ্ত কৰ’না-পৰীক্ষা নাই। তেওঁ কয়, “যিমানে অৱহেলা হ’ব, সিমানেই বৈষম্য অব্যাহত থাকিব, মহামাৰীটো সিমানেই দীঘলীয়া হ’ব। ”