পঞ্জাৱ আৰক্ষীৰ চোৰাংচোৱা সদৰ দপ্তৰত সোমবাৰে সন্ধিয়া গ্রেনেড আক্ৰমণক ‘ক্ষুদ্ৰ বিস্ফোৰণ’ বুলি ক’লে আৰক্ষীয়ে । ৰকেট চালিত গ্রেনেড আক্ৰমণত দপ্তৰৰ কাচৰ খিৰিকী তছনছ হৈ যায় যদিও, হতাহতৰ কোনো খবৰ নাই ।
প্রাথমিকভাৱে, পথৰ পৰা সদৰ দপ্তৰত লক্ষ্য কৰি গ্রেনেডটো প্ৰক্ষেপ কৰা হৈছিল । ফৰেন্সিক বিশেষজ্ঞসকল তদন্তত নামিছে ।
মোহালি আৰক্ষীৰ তৰফৰ পৰা বিবৃতিত কোৱা হৈছে, ‘ছেক্টৰ ৭৭-ত এছএএছ নগৰত পঞ্জাৱ আৰক্ষীৰ চোৰাংচোৱা সদৰ দপ্তৰত সন্ধিয়া প্ৰায় আঠ বজাত এটা সৰু বিস্ফোৰণ হয় । তাত বিশেষ কোনো ক্ষয়ক্ষতি হোৱা নাই । প্রবীন আৰক্ষী বিষয়াসকল ঘটনাস্থলত উপস্থিত হয় আৰু প্রাথমিক তদন্তৰ কাম আৰম্ভ কৰে । ফৰেন্সিক দলেও কাম আৰম্ভ কৰিছে ।’
मोहाली में हुए ब्लास्ट की जांच पुलिस कर रही है। जिसने भी हमारे पंजाब का माहौल खराब करने की कोशिश की उसे बख़्शा नहीं जाएगा।
— Bhagwant Mann (@BhagwantMann) May 10, 2022
ঘটনাৰ পাছতেই আৰক্ষীয়ে সমগ্ৰ অঞ্চলটো ছিল কৰিছে । সতর্কবার্তাও জাৰি কৰা হয় । ফৰেন্সিক ছায়েন্স লেবৰেটৰীৰ এটা দল ঘটনাস্থলত উপস্থিত হয় ।
এই বিষয়ত মুখ খুলিছে পঞ্জাৱৰ মুখ্যমন্ত্রীয়ে । টুইট কৰাৰ লগতে ভগৱন্ত মানে কয়, “ঘটনাত জড়িত সন্দেহত ইতিমধ্যে কে’বাজনকো গ্রেপ্তাৰ কৰা হৈছে । বাকীসকলকো দ্রুত আটক কৰা হ’ব ।”
এজন আৰক্ষী বিষয়াই সংবাদ সংস্থাক কয়, “ৰকেট চালিত গ্রেনেড বিস্ফোৰণ ঘটোৱা হৈছে । হতাহতৰ কোনো খবৰ নাই ।”
