অশ্লীল ছবি বনোৱাৰ গোচৰৰ সূত্রত এইবাৰ অভিনেত্রী শিল্পা শেট্টিৰ স্বামী ৰাজ কুন্দ্রাৰ বিৰুদ্ধে এইবাৰ বেআইনী অর্থ লেনদেনৰ অভিযোগ তুলিলে এনফ’ৰ্চমেন্ট ডিৰেক্টৰেটে (ইডি) । সংবাদ সংস্থা এএনআই-য়ে জনাইছে, ব্যৱসায়ী ৰাজৰ বিৰুদ্ধে বৃহস্পতিবাৰে গোচৰ ৰুজু কৰিছে আর্থিক অপৰাধ সংক্রান্ত বিষয়ত তদন্তৰ ভাৰপ্রাপ্ত কেন্দ্রীয় সংস্থাই ।
বিগত বৰ্ষৰ জুলাইত অশ্লীল ছবি বনোৱাৰ অভিযোগত ৰাজক গ্রেপ্তাৰ কৰিছিল মুম্বাই আৰক্ষীয়ে । কে’বা মাহ কাৰাগাৰত থকাৰ পাছত তেওঁ জামিনত মুক্তি পাইছিল । ৰাজৰ বিৰুদ্ধে অভিযোগ, অশ্লীল ছবি বনোৱাৰ লগতে তেওঁ সেয়া বিশেষ এপৰ মাধ্যমত প্ৰকাশ কৰিছিল । সেই ব্যৱসায় আইন বহির্ভূতভাৱে বহু টকা লেনদেনৰ স’তে তেওঁ প্রত্যক্ষভাৱে জড়িত আছিল বুলি অভিযোগ ইডি-ৰ । প্রসংগত, পর্ন-কাণ্ডত ইতিমধ্যে আদালতত ৰাজৰ বিৰুদ্ধে ১৫০০ পৃষ্ঠাৰ এটা চার্জশ্বিট প্ৰকাশ কৰিছে মুম্বাই আৰক্ষীৰ অপৰাধ দমন শাখাই ।
বিগত নৱেম্বৰত ৰাজ আৰু শিল্পাৰ বিৰুদ্ধে নিতিন গড়াই নামে এজন ব্যৱসায়ীক প্রতাৰণাৰ অভিযোগো দাখিল কৰিছিল । আৰক্ষীক নিতিনে জনায়, কাছিফ খান নামে এজন ব্যক্তিয়ে তেওঁৰ জিম ‘এছএফএল ফিটনেছ’-ৰ সংস্থাত নিতিনক ডেৰ কোটি টকা বিনিয়োগ কৰিবলৈ কয় । কাছিফৰ স’তেই আছিল শিল্পা আৰু ৰাজ । নিতিনক সংস্থাৰ ফ্রেঞ্চাইজি দিয়াৰ প্রতিশ্রুতি দিছিল তেওঁলোকে । কিন্তু কোনো প্রতিশ্রুতিয়ে পূৰণ কৰা নাই ৰাজ, শিল্পা বা তেওঁৰ সহকাৰী কাছিফে । নিতিনে বিনিয়োগৰ টকা ঘূৰাই বিচৰাত তেওঁক নানা ধৰণে ভয় দেখুৱাই ৰাজে ।
