মুক্তিৰ আগতেই বিতর্কচ ৰণদীপ হুডা অভিনীত ‘স্বতন্ত্রবীৰ সাভৰকৰ’ । ইজনে সিজনক ‘দেশবিৰোধী’ আৰু ‘জাতিবিদ্বেষী’ বুলি আক্রমণ কৰিছে চৰমপন্থী হিন্দু আৰু মুছলিম সংগঠনবোৰে । এফালে ‘পপুলাৰ ফ্রন্ট অৱ ইণ্ডিয়া’ বা পিএফঅ’ আনফালে আছে, হিন্দু মহাসভা আৰু বিশ্ব হিন্দু পৰিষদ ।
২৮ জুন বিনায়ক দামোদৰ সাভৰকৰৰ জন্মদিনত প্ৰকাশ্যত আহিছে ‘স্বতন্ত্রবীৰ সাভৰকৰ’ ছবিৰ প্রথম ঝলক । ৰণদীপে টুইটাৰ হেণ্ডলৰ পৰা সেই ক্লিপ টুইট কৰে । অহা আগষ্টত ছবিখন মুক্তি পাব । তাৰ আগতে সাভৰকৰৰ জীৱন-নির্ভৰ তথ্যচিত্রক লৈ আৰম্ভ হ’ল বিতর্ক ।
পিএফআই-ৰ অভিযোগ, বিজেপিৰ শাসনকালত ‘দেশবিৰোধী’ এজন ব্যক্তিক দেশপ্রেমী বুলি প্রচাৰৰ পন্থা আৰম্ভ হৈছে । গান্ধী হত্যাত জড়িত থকাৰ অভিযুক্ত এজনক দেশপ্রেমী বুলি কৈ তেওঁৰ সমস্ত অপৰাধ লুকুৱাই পেলোৱাৰ প্রয়াস কৰিছে বুলি অভিযোগ এই চৰমপন্থী মুছলিম সংগঠনটোৰ ।
ইয়াকে লৈ পিএফআইক কটাক্ষ কৰিছে হিন্দু মহাসভা আৰু বিশ্ব হিন্দু পৰিষদে । দুই হিন্দুত্ববাদী সংগঠনৰ প্রতিক্রিয়া, যি সংগঠনৰ বিৰুদ্ধে সন্ত্ৰাসবাদী-যোগৰ একাধিক অভিযোগ আছে, তেওঁলোকৰ বাবে দেশপ্রেমৰ প্ৰমাণপত্র লোৱা হাস্যকৰ ।
বিশ্ব হিন্দু পৰিষদৰ মুখপাত্র বিনোদ বনছলৰ মতে, ‘‘যি সংগঠন দেশবিৰোধী আৰু ভাৰতবিৰোধী, সন্ত্রাসবাদীসকলৰ স’তে সম্পর্ক ৰখাৰ অভিযুক্ত, যিসকলৰ বিৰুদ্ধে কেন্দ্রীয় চোৰাংচোৱা সংস্থা এনআইএ-য়ে তদন্ত কৰিছে, তেওঁলোকে এতিয়া ‘জাতীয়তাবাদ’ৰ প্ৰমাণপত্র বিতৰণ কৰিছে !’’
হিন্দু মহাসভাৰ সভাপতি স্বামী চক্রপানি মহাৰাজৰ মন্তব্য, ‘‘বীৰ সাভৰকৰক দেশদ্রোহী বুলি কোৱা পিএফআই-ক নিন্দাৰ কোনো ভাষা নাই ।’’ মুক্তিৰ আগতেই ৰণদীপ অভিনীত ছবিক লৈ গুৰুতৰ বিতর্ক আৰম্ভ হৈছে ।
A salute to one of the tallest unsung heroes of India’s struggle for freedom & self-actualisation. hope I can live up to the challenge of filling such big shoes of a true revolutionary & tell his real story which had been brushed under the carpet for so long#VeerSavarkarJayanti pic.twitter.com/EaiDWQyeLZ
— Randeep Hooda (@RandeepHooda) May 28, 2022
‘স্বতন্ত্রবীৰ সাভৰকৰ’ ছবিত সাভৰকৰৰ চৰিত্রত দেখা যাব ৰণদীপক । ছবিখনৰ পৰিচালনা কৰিছে একাধিক হিন্দী, মৰাঠী, তেলেগু ছবিৰ পৰিচালক মহেশ মঞ্জৰকৰে । সাভৰকৰৰ ১৩৯তম জন্মবার্ষিকীত প্ৰকাশ পাইছে এই ছবিৰ প’ষ্টাৰ । য’ত লিখা আছে, ‘হিন্দুত্ব ধর্ম নহয়, এটা ইতিহাস ।’