Afganistan :
বন্দুক বাৰুদত নহয়, এইবাৰ তীব্ৰ শীতৰ ফলত কমেও ১৬২ জন লোকৰ মৃত্যু হৈছে তালিবান শাসিত আফগানিস্তানত । কাবুলৰ বতৰ বিজ্ঞান বিভাগে আশংকা কৰিছে যে পৰৱৰ্তী এসপ্তাহ বা তাতোকৈ অধিক সময়লৈকে এই তীব্ৰ শীতৰ প্ৰকোপ অব্যাহত থাকিব পাৰে।
তেনে ক্ষেত্ৰত, মৃত্যুৰ সংখ্যা বৃদ্ধি পাব পাৰে, স্থানীয় প্ৰশাসনে অনুমান কৰে । পৰিস্থিতি ক্ৰমান্বয়ে ভয়াৱহ হৈ পৰিছে। স্থানীয় সংবাদ মাধ্যমে প্ৰকাশ কৰা অনুসৰি দৰিদ্ৰ আফগানসকলৰ হাতত তীব্ৰ শীতকালৰ স’তে যুঁজিবলৈ পৰ্যাপ্ত ইন্ধন নাই।
কাবুলকে ধৰি সমগ্ৰ দেশতে বিগত ১৫ বছৰৰ ভিতৰত আটাইতকৈ শীত জানুৱাৰীত দেখা গ’ল । কোনো কোনো ঠাইত, তাপমাত্ৰা -৩৪ ডিগ্ৰী চেলচিয়াছলৈ হ্ৰাস পাইছে।
এই প্ৰভাৱৰ বাবে এই মাহত আফগানিস্তানত ১৬০ জনৰো অধিক লোকৰ মৃত্যু হৈছে। যোৱা সপ্তাহত মুঠ ৮৪ জন লোকৰ মৃত্যু হৈছে । দুৰ্যোগ ব্যৱস্থাপনা মন্ত্ৰালয়ৰ এজন মুখপাত্ৰ চৈফুল্লা ৰহিমীয়ে এক বিবৃতিত কয়, “১০ জানুৱাৰীৰ পৰা আজিলৈকে তীব্ৰ শীতৰ ফলত ১৬২ জন লোকৰ মৃত্যু হৈছে। ইয়াৰে ভিতৰত কেৱল যোৱা সপ্তাহতে ৮৪ জন লোকৰ মৃত্যু হৈছে। “
তালিবান শাসনৰ অধীনত আফগানিস্তানে এক ভয়াৱহ আৰ্থিক সংকটৰ সন্মুখীন হৈছিল। বহুতো লোক অনাহাৰে মৃত্যুবৰণ পৰিছিল। ইয়াৰ মাজতে, সাধাৰণ নাগৰিকে শীতৰ ফলত প্ৰাণ হেৰুৱাইছে।
ভয়ানক শীতৰ প্ৰকোপত আটাইতকৈ অসুস্থ হৈছে শিশু আৰু বৃদ্ধসকল । এনে পৰিস্থিতিত, মহিলা সেৱা কৰ্মীসকলক নিষিদ্ধ কৰাৰ বাবে , স্বেচ্ছাসেৱী সংগঠনসমূহে দৰিদ্র লোকসকলক সঠিকভাৱে সহায় কৰিব পৰা নাই বুলিও অভিযোগ উত্থাপন হৈছে ।
তথ্য অনুসৰি, কাবুল চহৰত দিনৰ ভাগত শিশুসকলে প্লাষ্টিক সংগ্ৰহ কৰিছে আৰু নিশা সেই প্লাষ্টিক জ্বলাই শীতৰ প্ৰকোপৰ পৰা হাত সৰাৰ চেষ্টা কৰিছে।
ৰাষ্ট্ৰসংঘৰ মুৰব্বী মাৰ্টিন গ্ৰিফিথছে এই সপ্তাহৰ আৰম্ভণিতে কাবুল ভ্ৰমণ কৰিছিল। উদ্বেগ প্ৰকাশ কৰি তেওঁ কয় যে মহিলা সেৱা কৰ্মীসকলৰ ওপৰত নিষেধাজ্ঞাৰ বাবে বৰ্তমানৰ কঠিন পৰিস্থিতিত সাধাৰণ আফগানসকল অধিক বিপদাশংকাত আছে।
