India has the Highest Number of Suicides in the World:
মানসিক স্বাস্থ্য তথা ৰোগ সম্পর্কীয় সজাগতা চৌদিশে বহুলভাবে সৃষ্টিৰ সময় সমাগত হৈছে। কাৰণ বহুতে অনুধাবন নকৰিলেও দেশত ক্ৰমাৎ উদ্বেগজনক হাৰত বৃদ্ধি পাবলৈ ধৰিছে আত্মহননৰ ঘটনা। আনকি পৰিস্থিতিয়ে এনে ৰূপ লৈছে যে বিশ্বৰ ভিতৰতে ভাৰতত এনে ঘটনা সর্বাধিক হাৰত সংঘটিত হৈছে। এই তথ্য হৈছে কেন্দ্ৰীয় চৰকাৰৰ অধীনৰ ৰাষ্ট্ৰীয় অপৰাধ অভিলেখ সংস্থা (এনচিআৰবি)ব। চলিত বৰ্ষৰ এপ্রিলত এনচিআৰবিয়ে প্রকাশ কৰা তথ্য অনুসৰি, ২০২২ত ভাৰতত এক লাখ ৭১ হেজাৰ লোকে আত্মহত্যা কৰে।
এই সংখ্যা বিশ্বৰ ভিতৰতে সর্বাধিক। অর্থাৎ উক্ত বছৰত ভাৰতত বিশ্বৰ ভিতৰতে সর্বাধিক সংখ্যক লোকে আত্মহত্যা কৰে। দেশত বছৰটোত আত্মহননৰ ঘটনাৰ হাৰ আছিল প্রতি লাখত ১২.৪ শতাংশ। স্বাভাবিকতে এনেদবে আত্মহননৰ হাৰ বৃদ্ধিয়ে উদ্বিগ্ন কৰিছে মনোৰোগ বিশেষজ্ঞসহ বহুজনক। মনোৰোগ বিশেষজ্ঞসকলৰ মতে, আত্মহননৰ ঘটনা বৃদ্ধিৰ কাৰণ হৈছে বিভিন্ন মানসিক ৰোগ। এই ক্ষেত্রত প্রধান হৈছে মানসিক অবসাদ বা ডিপ্রেছন।
ডিপ্রেছন জিনগত বা মানসিক চাপজনিত কাৰণতো সৃষ্টি হ’ব পাৰে। এই সম্পর্কত নতুন নতুন দিল্লীস্থিত শ্রীগংগাৰাম হাস্পতালৰ ইনষ্টিটিউট অৱ ছাইক্রিয়াট্টী এণ্ড বিহেভিয়’বেল ছায়েন্সৰ উপাধ্যক্ষ বাজীৱ মেহতাই সাংবাদিকৰ আগত কয়, ‘সাধাৰণতে ডিপ্ৰেছনৰ বাবে আত্মহত্যাৰ ঘটনা সংঘটিত হয়। সকলোৱে বুজি পাবৰ বাবে আমি ডিপ্ৰেছনক মানসিক চাপ বুলি কওঁ। ইয়াৰ কাৰণ জিনগত বা আন কাৰকো হ’ব পাৰে; কিন্তু অধিকাংশ আত্মহত্যাৰ ঘটনাৰ কাৰণ ডিপ্রেছন।’
স্বাস্থ্য বিশেষজ্ঞসকলৰ মতে, ডিপ্রেছন সৃষ্টিকাৰী সাধাৰণ কাৰকসমূহৰ স’তে কর্মস্থলী বা কর্মক্ষেত্রত সম্মুখীন হোৱা চাপ, আর্থিক সমস্যা, পাৰিবাৰিক সম্পৰ্ক আৰু স্বাস্থ্যৰ সম্পর্ক আছে। জীৱিকা ক্ষেত্ৰৰ স’তে জড়িত চাপ বা হেঁচা, আর্থিক আৰু পাৰিবাৰিক সমস্যা তথা স্বাস্থ্য- এই চাৰিটা কাৰকে জীৱনৰ উত্থান-পতনৰ মাজতে মানসিক চাপৰ সৃষ্টি কৰিব পাৰে বুলি উল্লেখ কৰি মেহতাই লগতে কয়, ‘এনেদৰে সৃষ্টি হোৱা চাপে দিন যোৱাৰ লগে লগে গুৰুতৰ ৰূপ ধাৰণ কৰিব পাৰে আৰু সেই অৱস্থা উদ্বিগ্নতা (এনজাইটী) আৰু ডিপ্ৰেছনলৈ ৰূপান্তৰিত হ’ব পাৰে। এনে অৱস্থাত আত্মহত্যাৰ ঘটনা সংঘটিত হ’ব পাৰে।’
লক্ষ্যণীয় যে কেতবোৰ অধ্যয়নত উদ্ধাৰ হোৱা তথ্য অনুসৰি, আত্মহত্যা কৰা ৫০-৯০ শতাংশ ব্যক্তিৰ ক্ষেত্ৰতে দেখা যায় যে তে ওঁলোক কেতবোৰ মানসিক ৰোগ যেনে ডিপ্রেছন বা এনজাইটী অথবা বায়প ‘লাৰ ডিছঅ’ৰ্ডাৰত আক্রান্ত আছিল।
আনহাতে, ভাৰতত বর্ধিত আত্মহননৰ ঘটনা সম্প্রতি সর্ববৃহৎ জনস্বাস্থ্য সংকটত পৰিণত হৈছে বুলি উল্লেখ কৰি ‘লিভ লাভ লাফ’ শীর্ষক সংস্থাৰ অধ্যক্ষ তথা মনোৰোগ বিশেষজ্ঞ শ্যাম ভাটে উদ্বেগৰে আঙুলিয়াই দিয়ে যে দেশত যুৱ অৱস্থাতে আত্মহননৰ ঘটনাও বৃদ্ধি পাইছে। এই সম্পর্কত মনোৰোগ বিশেষজ্ঞজনে লগতে কয়, ‘অতিশয় মানসিক চাপৰ সন্মুখীন হোৱাৰ সময়ত আত্মহননৰ ঘটনা সংঘটিত হ’ব পাৰে।
জটিল আর্থিক সমস্যা, শাৰীৰিক সমস্যা, ব্যক্তিগত লোকচান আদিব স’তে মোকাবিলা কৰাৰ সময়ত সংবেদনশীল ব্যক্তিসকলে এনে চৰম সিদ্ধান্ত ল’ব পাৰে। নিঃসংগতা বা আছুতীয়াকৰণো বিপদৰ কাৰক হ’ব পাৰে।’ একেদৰে আন এগৰাকী মনোৰোগ বিশেষজ্ঞ সম্ভবী জেইমানে কয় যে ভাৰতত যেনেদৰে আত্মহননৰ ঘটনা বৃদ্ধি পাইছে, সেয়া উদ্বেগৰ বিষয়।
এই ক্ষেত্ৰত শীঘ্রে যথোচিত পদক্ষেপ গ্রহণৰ পোষকতা কৰে মনোৰোগ বিশেষজ্ঞগৰাকীয়ে। ‘এই ক্ষেত্ৰত দুর্ভাগ্যৰ বিষয়টো হ’ল যে আমাৰ দেশত আত্মহত্যা সম্পর্কীয় আলোচনা মুকলিকৈ নহয়। মানুহে এনে বিষয়ৰ আলোচনা কৰিবলৈ ভয় বা সংকোচ কৰে। সাধাৰণতে বহুতে এনে আলোচনা নিজৰ মাজতে ফুচফুচাই কৰাটো বিচাৰে,’ বিশেষজ্ঞগৰাকীয়ে এইদৰে কয়। এই ক্ষেত্ৰত সজাগতাৰ প্রয়োজন থকা বুলি উল্লেখ কৰি মনোৰোগ বিশেষজ্ঞ শ্যাম ভাটে কয়, ‘যদি আপুনি কোনো ব্যক্তিক আনন্দ-স্কৃতিহীন বা ডিপ্রেছনত ভোগা লক্ষ্য কৰে, তেন্তে তেনে এজন ব্যক্তিক উৎসাহ-উদ্দীপনা যোগাওক। প্রয়োজনত মনোৰোগ চিকিৎসকৰ দ্বাৰস্থ হ’বলৈ তেওঁক উৎসাহ যোগাব।’
