Fake CBI officer arrested in Guwahati: গুৱাহাটী আৰক্ষীত নকল আৰক্ষীৰ পয়োভৰ !

Fake CBI officer arrested in Guwahati:

গুৱাহাটীত এইবাৰ মুন্নাভাই এমবিবিএছ নহয় ৷ গুৱাহাটীত দপদপাই আছে নকল এচিপি,নকল চিবিআই ৷ অৱশ্যে এশ গৰু মাৰিলে বাঘৰো মৰণৰ লেখিয়াকৈ নকল এচিপি,নকল চিবিআই ইতিমধ্যে পৰিছে আৰক্ষীৰ জালত ৷

কেইদিন পূৰ্বে জালুকবাৰীত এচিপি পোছাকত ডিউটি দি থকা অৱস্থাত ধুৰন্ধৰ যুৱক এজনক আৰক্ষীয়ে আটক কৰাৰ পিছত সোমবাৰে আৰক্ষীৰ জালত পৰে এজন নকল চিবিআই বিষয়া ৷

আৰক্ষীৰ পোছাকত গুৱাহাটীত ঘূৰি ফুৰিছিল ভুৱা চিবিআইজন ৷ পিছত আৰক্ষীয়ে অভিযান চলাই নকল চিবিআইজনক আৰক্ষীৰ পোচাকতে আটক কৰিবলৈ সক্ষম হয় ৷ ধৃত যুৱকজনৰ নাম ফাইজুৰ হাজৰিকা ওৰফে ডেনিছ ৷

উল্লেখ্য যে,আটকাধীন যুৱকজনে দীর্ঘদিন ধৰি প্ৰৱঞ্চনা কৰি আহিছিল বিভিন্নজনক ৷ আটকাধীন যুৱকজনৰ পৰা দুটা নকল পিষ্টল, ম’বাইল ফোন, ভুৱা আই কার্ড জব্দ কৰে আৰক্ষীয়ে ৷