Summer Camp:
আমি কিয় আহিছো,আমাৰ উদ্দেশ্য কি,আমি যি নাজানো, যি আমাক শিকাব,যি আমাক শিকোৱা হ’ব,সেই বিষয় খিনি যাতে হৃদয়ঙ্গম কৰা হয়, বুজি পোৱা হয়, জীৱনৰ অগ্ৰগতিত যাতে সহাৰি হয়, হাইস্কুল অৱস্থাত কি দেখিছো,বহু দেখিছো, প্ৰত্যেকেই এবাৰ নিজকে প্ৰশ্ন কৰো- পৃথিৱীখন ইমান বহল,পৃথিৱীত ইমান ভাণ্ডাৰ আছে তাৰ বিন্দু এটাও আমি আয়ত্ব কৰিব পৰা নাই বুলি নগাঁও চহৰৰ মাৰোৱাৰী হিন্দী হাইস্কুলত ১০ জুলাইৰ পৰা ১৩ জুলাইলৈকে চাৰিদিনীয়াকৈ শিকন কাৰ্যসুচীৰে আৰম্ভ হোৱা “বৰ্তমানৰ পৃথিৱী বাবে নতুন শিকন আৰু আমাৰ সকলোৰে ভৱিষ্যতৰ সুৰক্ষাৰ সামুহিক প্ৰচেষ্টা” শীৰ্ষক গ্ৰীস্মকালীন কৰ্মশালাত ২৫ তম্ বৰ্ষ গৰকা চোচাইটি ফৰ চচিঅ-ইকনমিক এৱাৰনেচ্ এণ্ড এনভাইৰোমেণ্ট প্ৰটেকশ্বন চমুকৈ “চীয়েপ” ৰ সভাপতি তথা অসম কৃষি আঞ্চলিক গৱেষনা কেন্দ্ৰৰ প্ৰাক্তন মুখ্য বিজ্ঞানী ড: দিনেশ হাজৰিকাই উপস্থিত ছাত্ৰ-ছাত্ৰীক উদ্দেশ্যি এনে দৰেই কয়।
১০ জুলাই দিনা নগাঁও চৰকাৰী ছোৱালী উচ্চত্বৰ মাধ্যমিক বিদ্যালয়, নগাঁও মাৰোৱাৰী হিন্দী হাইস্কুল আৰু নগাঁও বিবেকানন্দ হাইস্কুলৰ প্ৰায় ত্ৰিশ গৰাকী ছাত্ৰ-ছাত্ৰী, শিক্ষক-শিক্ষয়িত্ৰীৰ লগতে “চীয়েপ”ৰ উপ-সভানেত্ৰী তথা নগাঁও চৰকাৰী ছোৱালী উচ্চত্বৰ মাধ্যমিক বিদ্যালয়ৰ প্ৰাক্তন উপাধ্যক্ষ বন্তি গোস্বামী বৰা আৰু সেবাৰ আঞ্চলিক সচিব প্ৰশান্ত কোঁৱৰৰ উপস্থিতিত চীয়েপৰ সম্পাদক কিশোৰ কুমাৰ দেবে আত ধৰা কৰ্মশালা খনিত চীয়েপৰ প্ৰতিস্থাপক, দৈনিক কাৰ্য্য তালিকা প্ৰস্তুতি সমন্বয়ক তথা অসম চৰকাৰৰ পৰিবেশ মিত্ৰ বঁটা প্ৰাপক জয়ন্ত কুমাৰ শৰ্মাই কয়, পৃথিৱীৰ ক’ত ক’ত এতিয়া যুদ্ধ লাগি আছে আমি সকলোৱে জানো।
বিশেষতঃ ইজৰাইল আৰু ইৰানৰ মাজত যি যুদ্ধ লাগি আছে সৰ্বাধিক সম্ভাৱনা আছে ইৰানে তেওঁলোকৰ পেট্ৰল জাতীয় সামগ্ৰী পৃথিৱীৰ বেলেগ দেশত নিদিও বুলি বিক্ৰী বন্ধ কৰি দিয়ে,সেইটোৰ পৰা যদি ক্ষতি হয় বিশেষকৈ ভাৰতবৰ্ষৰ কথা কলে-আমাৰ নিজৰ উপাদানেৰে যিমান আমাক পেট্ৰল আৰু ডিজেল জাতীয় সামগ্ৰী লাগে তাৰে ২৫শতাংশ আমাৰ দেশত নিজৰ উৎপাদন হয়,বাকী ৭৫শতাংশ পৃথিৱীৰ বেলেগ দেশৰ পৰা আনিলে তেলৰ দাম বাঢ়িব,লগে লগে আমাৰ দেশতো পেট্ৰল- ডিজেলৰ দাম বাঢ়িব।
যান-বাহন আদিৰ খৰছাদি বঢ়াৰ লগে লগে আমাৰ অপৰিহাৰ্য্য শাক- পাছলিকে প্ৰমুখ্য কৰি অন্ন বস্ত্ৰ আদিৰ দাম সকলোৰে খৰছ বাঢ়িব। যদি কাৰণটো চাও বৰ্তমান লাগি থকা যুদ্ধখন যদিও আমাৰ দেশৰ সতে সম্পৰ্ক নাই বেলেগত হৈছে তাৰ প্ৰভাৱত আমাৰ গোটেই জীৱনটো বেলেগ হ’ব পাৰে, সকলোৰে কষ্ট হ’ব পাৰে।আজি পৃথিবী খন এনেকুৱা পৃথিবীৰ য’তেই আমি নাথাকো আমিবোৰ এজনে আনজনৰ লগত কিবা ধৰণে সম্পৰ্কিত হৈ আছো বুলি কয়।
শৰ্মাই আৰু কয়,সেইয়া বিজ্ঞান প্ৰযুক্তিৰ কাৰণে হ’ব পাৰে,বতৰ জলবায়ু পৰিবেশ সংক্ৰান্তিয় কাৰণত হ’ব পাৰে, ৰাজনৈতিক কাৰণতো হ’ব পাৰে।পৃথিৱীৰ সকলো মানুহ যদি ভালে থাকিবলৈ লগা হয় সকলো মানুহে মিলি আমাৰ ভৱিষ্যতৰ পৃথিৱী কেনেকুৱা হ’লে ভাল, য’ত আমি সকলোৱে থাকিম তাক আজিয়েই চিন্তা ভাৱনা কৰিবৰ হ’ল,পৃথিৱীৰ বাবে নৱ নতুন শিকন পদ্ধতিৰে ভৱিষ্যত সুৰক্ষাৰ সামুহিক প্ৰচেষ্টা লোৱাই এই কৰ্মশালাৰ মুখ্য উদ্দেশ্য বুলি ছাত্ৰ-ছাত্ৰী সকলক স্কুলীয়া শিক্ষাৰ লগতে হাতে কামে আগবাঢ়ি যোৱাৰ পৰামৰ্শ আগবঢ়ায়।