Solar Eclipse:✒️একেৰাহে ছয় মিনিট ২৩ ছেকেণ্ড ধৰি হ’ব সূর্যগ্রহণ। যিটো মহাজাগতিক ইতিহাসত অতি বিৰল ঘটনা হ’বলৈ গৈ আছে।একাংশ বিজ্ঞানীয়ে জনাইছে যে এই পূর্ণগ্রাস সূর্যগ্রহণ দৃশ্যমা হ’ব স্থলভাগৰ পৰা, সেয়াও অতি বিৰল ঘটনা।
১৯৯১ৰ পৰা ২১১৪ৰ ভিতৰত এইটোৱেই হ’ব দীর্ঘতম সূর্যগ্রহণ। এই মাহেন্দ্রক্ষণ আহিব ২০২৭ৰ দুই আগষ্টত। অৱশ্যে ভাৰতসহ দক্ষিণ এছিয়াৰ অধিকাংশ দেশে এই পূর্ণগ্রাস সূর্যগ্রহণ দেখা নাপাব। দেখা নাপাব উত্তৰ আৰু দক্ষিণ আমেৰিকা, পূর্ব এছিয়াৰ এটা বৃহৎ অংশ আৰু অস্ট্রেলিয়ায়ো।
ইয়াৰ বিপৰীতে এই অতি বিৰল মহাজাগতিক ঘটনাৰ সাক্ষী হ’ব পাৰিব ইউৰোপ, উত্তৰ আফ্রিকা তথা পশ্চিম এছিয়াৰ বিস্তীর্ণ অঞ্চলৰ বাসিন্দাসকলে। লগতে লিবিয়া আৰু মিছৰতো পূর্ণগ্রাস অৱস্থা সবাতোকৈ ভালদৰে দেখা পোৱা যাব।
বিজ্ঞানীসকলে এই পূর্ণগ্রাস সূর্যগ্রহণক ‘গ্রেট নর্থ আফ্রিকান একলিন্স’ বুলি অভিহিত কৰিছে। তেওঁলোকে জনাইছে যে ২০২৭ৰ দুই আগষ্টত সূর্যটোক সম্পূর্ণরূপে ঢাকি পেলাব চন্দ্রই। প্রায় ছয় মিনিট ২৩ ছেকেণ্ড সময় সূৰ্যটো সম্পূৰ্ণভাৱে চন্দ্ৰৰ আঁৰত থাকিব। সেই দিনা সূৰ্যৰ পৰা সবাতোকৈ দূৰত অৱস্থান কৰিব পৃথিৱীয়ে।
ফলত সূর্যটোক আকাশত আকাৰত তুলনামূলকভাৱে সৰু দেখাব। আকৌ সেই একে সময়তে পৃথিৱীৰ একেবাৰে ওচৰত অৱস্থান কৰিব চন্দ্রই। ফলত চন্দ্রটোক আকাৰত তুলনামূলক ডাঙৰ দেখা যাব।
তদুপৰি পূৰ্ণগ্রাস সূর্যগ্ৰহণৰ সময়ত নিৰক্ষৰেখাৰ ওচৰত যি ছাঁ পৰিব, সেয়া মাটিৰ ওপৰত ক্ৰমাৎ আঁতৰি গৈ থাকিব। সমগ্র গ্রহণপর্বতে এনেকুৱা হ’ব বুলি জনাইছে বিজ্ঞানীসকলে। তেওঁলোকে জনাইছে যে দুপৰীয়াৰ পৰা আবেলিৰ ভিতৰত পূৰ্ণগ্ৰাস সূর্যগ্রহণটো দেখা যাব। লগতে আৰু জনাইছে যে ইয়াৰ পূৰ্বে খ্ৰীষ্টপূর্ব ৭৪৩ৰ ১৫ জুনত সবাতোকৈ বেছি সময় ধৰি স্থায়ী হৈছিল পূর্ণগ্রাস সূর্যগ্রহণ।
সেই সময় আছিল সাত মিনিট ২৮ ছেকেণ্ড। আনহাতে, ২১১৪ৰ ২৩ আগষ্টত আকৌ দীর্ঘ সময় ধৰি পূর্ণগ্রাস সূর্যগ্রহণ দেখা পোৱা যাব।