GDP: ✒️সম্প্ৰতি আমেৰিকাই ভাৰতৰ ওপৰত ২৫ শতাংশ শুল্ক আৰোপ কৰিছে। শুল্ক গাঁথনি কাৰ্যকৰী হ’লে কৃষি খণ্ডত কৰ্পৰেটাইজেচন হোৱাটো নিশ্চিত।
ইয়াৰ বিৰুদ্ধে ইতিমধ্যে নিখিল ভাৰত কৃষক সংঘই তীব্ৰ প্ৰতিবাদ জনাইছে। এইবাৰ এক প্ৰতিবেদনত প্ৰকাশ পালে আন এখন ছবি।
ছেপ্টেম্বৰৰ পাছতো যদি এই শুল্ক আৰোপ কৰা হয় তেন্তে দেশৰ GDP বৃদ্ধিৰ হাৰ ৬.২ শতাংশৰ তললৈ নামি যাব বুলি দাবী কৰা হৈছে। এই দাবী এছ এণ্ড পি মাৰ্কেট ইনটেলিজেন্সৰ প্ৰতিবেদনৰ।
সংস্থাটোৱে দাবী কৰিছে যে জুলাই মাহত ভাৰতৰ জিডিপি বৃদ্ধিৰ হাৰ আছিল ৬.২ শতাংশ। ২০২৪-২৫ বিত্তীয় বৰ্ষত ৬.৫ শতাংশ আছিল। আমেৰিকাই আৰোপ কৰা ২৫ শতাংশ শুল্ক কাৰ্যকৰী হ’লে এই পূৰ্বাভাস হ্ৰাস পোৱাৰ সম্ভাৱনা আছে।
যদিহে ছেপ্টেম্বৰৰ পাছতো এই শুল্ক প্ৰযোজ্য হৈ থাকে।একে সময়তে প্ৰতিবেদনত দাবী কৰা হৈছে যে ভাৰতে নিজৰ কৃষি, দুগ্ধ আৰু খাদ্য উৎপাদন খণ্ড কোনো ধৰণে আমেৰিকাক গতাই নিদিয়ে।
কাৰণ তেনে ক্ষেত্ৰত দেশৰ কৃষকৰ ক্ষতি হ’ব। ফলত আমেৰিকাইও ২৫ শতাংশ শুল্ক আৰোপ কৰাৰ সিদ্ধান্তৰ পৰা পিছুৱাই যোৱাৰ সম্ভাৱনা নাই।
বিভিন্ন জটিলতাৰ বাবে ভাৰতে এতিয়াও আমেৰিকাৰ স’তে বাণিজ্যিক চুক্তি স্বাক্ষৰ কৰা নাই। ইয়াৰ বিপৰীতে আমেৰিকাৰ ৰাষ্ট্ৰপতি ড’নাল্ড ট্ৰাম্পে স্পষ্টকৈ কৈছে যে ভাৰতে ৰাছিয়াৰ পৰা বহু তেল আৰু অস্ত্ৰ-শস্ত্ৰ ক্ৰয় কৰিছে।
সেইবাবেই ভাৰতৰ ওপৰত ২৫ শতাংশ শুল্ক আৰোপ কৰা হৈছে। প্ৰসংগক্ৰমে চলিত বৰ্ষৰ আৰম্ভণিতে আমেৰিকা ভ্ৰমণৰ সময়ত আৰু ট্ৰাম্পৰ স’তে বৈঠকত প্ৰধানমন্ত্ৰী নৰেন্দ্ৰ মোদীয়ে ঘোষণা কৰিছিল যে ভাৰতে ৱাশ্বিংটনৰ পৰা পূৰ্বতকৈ অধিক তেল আৰু গেছ ক্ৰয় কৰিব।
জ্ঞাত একাংশই অনুমান কৰে যে, আচলতে মোডীৰ এই আশ্বাসৰ লক্ষ্য হৈছে শুল্ক হ্ৰাস কৰা। কিন্তু তেতিয়াও ভাৰতৰ মূল তেল আমদানিকাৰক দেশৰ ‘দীর্ঘদিনীয়া বন্ধু’ ৰাছিয়া৷ এই কথাই আমেৰিকাক ক্ষুব্ধ কৰি তুলিছে। আৰু সেইবাবেই তেওঁলোকে ভাৰতৰ ওপৰত ২৫ শতাংশ শুল্ক আৰোপ কৰিছে।
বৰ্তমানৰ বাবে সেই আলোচনাই এই দেশৰ কূটনৈতিক মহলত আটাইতকৈ বেছি চৰ্চিত বিষয়। ইয়াৰ মাজতে শেহতীয়াকৈ প্ৰকাশ পালে এই প্ৰতিবেদন।