Mizoram:✒️আকাশ স্পর্শ কৰা দুর্গম পাহাৰ, অসূর্যস্পর্শা গভীৰ বনাঞ্চল আৰু প্রত্যাহ্বানমূলক পৰিস্থিতিৰ মাজেৰে ভাৰতৰ বেল খণ্ডই মিজোৰামক লৈ আন এক অভিলেখ স্থাপন কৰিবলৈ আগবাঢ়িছে।
দেশে স্বাধীনতা লাভৰ সুদীর্ঘ ৭৫ বছব উকলি যোৱাৰ পাছত অৱশেষত উত্তৰ-পূৱ সীমান্ত বেলৱেৰ জৰিয়তে দেশৰ ৰেলখণ্ডই স্পর্শ কৰিবলৈ সাজু হৈছে উত্তৰ-পূর্বাঞ্চলৰ ৰাজ্যকেইখনৰ অন্যতম উত্তৰ-পূৰ্বাঞ্চলৰ চতুৰ্থখন ৰাজ্য মিজোৰামৰ ৰাজধানী আইজলক।
অসমৰ অন্যতম ভগ্নীবাজ্য মিজোৰামৰ বৈৰবীত যদিও ইতিমধ্যে বেলপথে প্রবেশ কৰিছে সেয়া বিশেষ উল্লেখযোগ্য নহয়। অসম সীমান্তৰ গাতে লগি আছে বৈৰবী। সেই বৈৰবীৰ পৰাই এতিয়া মিজোৰামৰ ৰাজধানী আইজল চহৰৰ সমীপৰ ছাইবাঙলৈ ৰেলপথ সম্প্ৰসাৰিত হোৱাৰ লগে লগে মিজোৰাম ভাৰতৰ ৰেল সংযোগ ব্যৱস্থাৰ অন্যতম অংশীদাৰ হ’বলৈ আগবাঢ়িছে।
ইয়াৰ সমান্তৰালকৈ ৰেলৰ জৰিয়তে ৰাজধানী সংযোগ হোৱা উত্তৰ-পূৰ্বাঞ্চলৰ চতুৰ্থখন ৰাজ্যৰূপে পৰিগণিত হোৱাৰ দিশে ধাৱমান হৈছে। ইয়াৰ পূৰ্বে অসম, ত্ৰিপুৰা আৰু অৰুণাচলৰ ৰাজধানী সংযোগ হৈছে মিজোৰাম। আইজলৰ পাছত অতি শীঘ্রে সংযোজিত হ’ব মণিপুৰ আৰু নগালেণ্ডৰো ৰাজধানী। উত্তৰ-পূব সীমান্ত ৰেলৱেৰ মুখ্য জনসম্পৰ্কৰক্ষী বিষয়া কপিঞ্জল কিশোৰ শৰ্মাই সদৰী কৰে যে একমাত্র মেঘালয়ক বাদ দি অহা ২০২৯ৰ ভিতৰত উত্তৰ-পূৰ্বাঞ্চলৰ আটাইকেইখন ৰাজ্যৰ ৰাজধানী ৰেলপথৰে সংযোজিত হ’ব।
অতি প্রত্যাহানপূর্ণ নির্মাণ
বৈৰবীৰ পৰা ছাইৰাঙলৈ বেলপথৰ দূৰত্ব ৫১.৩৮ কিলোমিটাৰ। যথেষ্ট দূৰত্ব নহ’লেও এই পথছোৱা নির্মাণত বেল বিভাগৰ ব্যয় হয় প্রায় আঠ হেজাৰ কোটি টকা। কিয়নো অতি জটিল তথা দুর্গম অঞ্চলৰ মাজেৰে এই পথছোৱা পাৰ হৈছে। ঠায়ে ঠায়ে পাহাৰৰ শিখৰো নৱনির্মিত বেলপথে স্পৰ্শ কৰিছে। পাহাৰৰ বুকুও বিদীর্ণ কৰা হৈছে। উত্তৰ-পূব সীমান্ত ৰেলৱেৰ তথ্য অনুসৰি, পথছোৱাত মুঠ ১২,৮৫৩ মিটাৰ দৈৰ্ঘ্যৰ ৪৮ টা সুৰংগ আছে। ৯০ মিটাৰৰ কম দৈৰ্ঘ্যৰ দলং আছে ৮৭ খন আৰু ৯০ মিটাৰৰ অধিক দৈৰ্ঘ্যৰ তথা গুৰু দলং আছে ৫৫ খন। পথৰ ওপৰৰ উৰণ সেতু আছে পাঁচখন আৰু ছখন এনে দলং আছে যাৰ তলেৰে ৰেলপথ পাৰ হৈ গৈছে। পথছোৱা নির্মাণত বতৰো আছিল অন্যতম বৃহৎ প্রত্যাহ্বান। উত্তৰ-পূৱ সীমান্ত ৰেলৱেৰ তথ্য অনুসৰি বছৰৰ ১২ মাহৰ সৰ্বাধিক চাৰি মাহহে ভালদৰে কাম কৰিব পৰা গৈছিল। তদুপৰি এদিন বৰষুণ পৰিলেই এসপ্তাহ কাম বন্ধ হৈ পৰে। গতিকে প্রায় ৩০ মাহ কর্মদিনত এই প্রকল্পটো সম্পূর্ণ কৰি তোলা হয়।
দলঙৰ উচ্চতাৰে অভিলেখ
ছাইৰাং ষ্টেছনৰ গাতে লাগি থকা ৰেলপথছোৱাৰ ১৯৬ নম্বৰ দলংখনে এক অভিলেখ গঢ়িবলৈ সক্ষম হৈছে। ৭৪২ মিটাৰ দৈৰ্ঘ্যৰ দলংখন ভূপৃষ্ঠৰ পৰা ১১৪ মিটাৰ উচ্চতাত নিৰ্মাণ কৰা হৈছে। এই দলংখনে ভাৰতত নিৰ্মাণ কৰা আৰু নির্মীয়মাণ অৱস্থাত থকা বেল দলংবোৰৰ ভিতৰত দ্বিতীয় সর্বোচ্চ উচ্চতাৰ স্বীকৃতি লাভ কৰিছে। দলংখন কুতুবমিনাৰতকৈও ৪২ মিটাৰ ওখ। প্রসংগক্রমে উল্লেখ্য যে সর্বোচ্চ উচ্চতাৰ দলংখনো উত্তৰ-পূৰ্বাঞ্চলতে নির্মীয়মাণ অৱস্থাত আছে। দলংখন মণিপুৰত নিৰ্মাণ কৰি থকা হৈছে।
ইপিনে, নির্মাণ সম্পূর্ণ হ’লেও বৈৰবী-ছাইৰাং পথেৰে ব্যৱসায়িকভাবে কেতিয়ালৈ বেল চলাচল কৰিব সেয়া চূড়ান্ত হোবা নাই। অতি শীঘ্রে বেল চলাচল আৰম্ভ হ’ব বুলি সম্ভাৱনা ব্যক্ত কৰে মুখ্য জনসম্পৰ্কৰক্ষী বিষয়া শর্মাই। পথছোৱা বৈদ্যুতিকীকৰণৰ কামো ইতিমধ্যে আগবাঢ়িছে। অহা ডিচেম্বৰৰ ভিতৰত এই কাম সম্পূর্ণ হোৱা সম্ভাৱনা আছে। ভাৰতৰ বেল ইতিহাসৰ অন্যতম প্রত্যাহ্বানমূলক নির্মাণ কার্যৰূপে চিহ্নিত হোৱা পথটোৰ অনুমোদন দিয়া হৈছিল ২০০৮ত। ছবছৰ বিৰতিত ২০১৪ৰ ২৯ নৱেম্বৰত প্রধানমন্ত্রী নৰেন্দ্ৰ মোদীয়ে এই ৰেলপথছোৱা নিৰ্মাণৰ আধাৰশিলা স্থাপন কৰিছিল। তাৰ পাছতে আৰম্ভ হোৱা নিৰ্মাণ কাৰ্য ১১ বছৰত এতিয়া সম্পূর্ণ হৈ উঠিছে। অতি মনোমোহা প্রাকৃতিক পৰিৱেশৰ মাজেৰে নিৰ্মাণ কৰা পথছোৱাই পর্যটককো যথেষ্ট আকর্ষণ কৰিবলৈ সক্ষম হ’ব বুলি ৰেল বিভাগে আশা প্রকাশ কৰিছে। সেইবাবে পৰৱৰ্তী সময়ত ‘ভিষ্টাডম’ৰ দৰে পৰ্যটককেন্দ্রিক বেল চলাচলৰ পৰিকল্পনা কৰা হৈছে। মুখ্য জনসম্পর্কৰক্ষী বিষয়া শর্মাই সদৰী কৰে যে ৰেলপথছোৱাত বৈদ্যুতিক সংযোগ হৈ উঠিলে গুৱাহাটী আৰু আইজলৰ মাজৰ যাতায়াতত সর্বাধিক ১০ ঘণ্টা লাগিব।
ভূমিস্খলন প্রতিৰোধ হ’বনে?
পাহাৰীয়া পথত ভূমিস্খলন সদায় এক বৃহৎ প্রত্যাহ্বান হৈ আহিছে। অসমৰ ডিমা হাছাও জিলাত সঘনে হৈ থকা ভূমিস্খলনে বেল চলাচলত বাধাৰ সৃষ্টি কৰি আহিছে। এই সমস্যাৰ সৃষ্টি নহ’বলৈ নতুন পথছোৱা এনেদৰে নিৰ্মাণ কৰা হৈছে য’ত ভূমিস্খলনৰ সম্ভাৱনা পাৰ্যমানে হ্ৰাসৰ চেষ্টা চলোৱা হৈছে। এই বিষয়ে সদৰী কৰি মুখ্য জনসম্পৰ্কৰক্ষী বিষয়াজনে কয়, ‘পথটো পার্যমানে পোন কৰা হৈছে। পাহাৰ খান্দি পথ নিৰ্মাণৰ পৰিৱৰ্তে সুৰংগ আৰু দলং নির্মাণত গুৰুত্ব আৰোপ কৰা হৈছে।’ য’তেই দ ঠাই পোৱা গৈছে তাত পথটো পাহাৰ কাটি ঘূৰাই নিয়াৰ পৰিৱৰ্তে দলং নিৰ্মাণ কৰা হৈছে। অগত্যা য’ত বিকল্প কোনো সুবিধা ওলোৱা নাই তাতহে পাহাৰ কটা হৈছে যদিও ভূমিস্খলন নহ’বলৈ সম্ভৱপৰ সকলো ব্যবস্থা লোবা হৈছে। এনেদৰেই বৃহৎ প্রত্যাহ্বানৰে নিৰ্মাণ কৰা হৈছে বৈৰবী-ছাইৰাং সংযোগী ৰেলপথটো।
বৈৰবী আৰু ছাইৰাঙৰ মাজত আছে তিনিটা স্টেছন। এইকেইটা হ’ল- হবট ‘কি, কনপুই আৰু মুরালখাং। সৰু হ’লেও আটাইকেইটা ষ্টেছনত সকলো ধৰণৰ সা-সুবিধাৰ ব্যৱস্থা কৰা হৈছে।