২০২৪ত দেশত মৃত্যু হৈছিল ১২৫টা বাঘৰ। অথচ এই বছৰৰ আগষ্ট পর্যন্ত মৃত্যু হৈছে আৰু ১২৭টা বাঘৰ। অর্থাৎ ২০২৪ৰ পৰা ধৰিলে দেশত মৃত বাঘৰ সংখ্যা ২৪২টা। বছৰৰ শেষলৈ এই সংখ্যা আৰু বৃদ্ধি পোৱাৰে আশংকা কৰা হৈছে। ‘নেচনেল টাইগাৰ কনজাৰভেচন অথ’ৰিটী’ (এনটিচিএ)ৰ তথ্যৰ পৰা এই কথা প্রকাশ পাইছে।
বিগত কিছু বছৰৰ পৰা দেশত বাঘৰ মৃত্যুৰ সংখ্যা উদ্বেগজনকভাবে বৃদ্ধি পাইছে। ২০১৯ত সমগ্র দেশত ৯৬টা বাঘৰ মৃত্যু হৈছিল। সেই সংখ্যা ২০২০ত ১০৬টালৈ বৃদ্ধি পায়। ২০২১ত বাঘৰ মৃত্যুৰ সংখ্যা আৰু বৃদ্ধি পায়। সেই বছৰ দেশত ১২৭টা বাঘৰ মৃত্যু হয়। অৱশ্যে ২০২২ত এই সংখ্যা সামান্য হ্রাস পায়। সেই বছৰ মৃত্যু হোৱা বাঘৰ সংখ্যা ১২১টা। যদিও পাছৰ বছৰতে বিগত এটা দশকৰ ভিতৰত সবাতোকৈ বেছি বাঘৰ মৃত্যু হয়। ২০২৩ত মৃত্যুমুখত পৰে ১৭৮টা বাঘ। ২০২৪৩ ১২৫টা বাঘৰ মৃত্যু হয়। আনহাতে, এই বছৰৰ আগষ্ট পর্যন্ত বাঘৰ মৃত্যুৰ সংখ্যা ১১৭।
বাঘৰ মৃত্যুৰ ক্ষেত্ৰত অন্যতম কাৰণ হ’ব পাৰে চোৰাংচিকাৰীৰ আক্রমণ। যদিও যি তথ্য প্রকাশ কৰা হৈছে, তাত এই হিচাপ দিয়া নাই।
তথাপি প্রাকৃতিক কাৰণত মৃত্যু, আন পশুৰ আক্ৰমণত মৃত্যু, মানুহৰ স’তে সংঘৰ্ষৰ ফলত হোৱা মৃত্যুৰ সমান্তৰালকৈ চোৰাংচিকাৰীৰ দিশটোকো অৱহেলা কৰিব নোৱাৰি। অৱশ্যে এনটিচিএৰ সূত্ৰই দাবী কৰিছে যে চোৰাং চিকাৰ পূৰ্বৰ তুলনাত
বহুখিনি হ্রাস পাইছে; কিন্তু যিহেতু সাম্প্রতিক তথ্যত এই বিভাজন নাই, সেয়ে ন-দি কোৱাও কঠিন। ফলত চোৰাংচিকাৰীৰ ভূমিকাক কেন্দ্ৰ কৰি প্ৰশ্ন ৰৈ গৈছে। উল্লেখ্য যে বছৰি বাঘৰ মৃত্যুৰ তালিকাত ৰাজ্যসমূহৰ ভিতৰত মধ্যপ্ৰদেশ শীর্ষত আছে।