Orange:✒️গুৱাহাটীৰ বজাৰত কণী, পিঁয়াজৰ মূল্যবৃদ্ধিৰ লগতে বতৰৰ ফল সুস্বাদু কমলাৰ মূল্যবৃদ্ধিয়ে কমলাৰ ব্যৱসায়ীৰ মূৰত মাধমাৰ সোধাইছে। মহানগৰীৰ পার্শ্বৱর্তী সোণাপুৰৰ পৰা আৰম্ভ কৰি চুবুৰীয়া অৰুণাচল প্রদেশ, মেঘালয় আৰু ভুটানৰ কমলাৰে ভৰিছে বজাৰ। অৱশ্যে এইবাৰ পূৰ্বৰ তুলনাত প্রতিকিলো কমলাৰ মূল্য ২০ৰ ৪০ টকা পর্যন্ত বৃদ্ধি পাইছে। মহানগৰীৰ গণেশগুৰি, ছয়মাইল, সাতগাঁও, জুৰোড আদি বিভিন্ন স্থানত খুচুৰা বাৱসায়ীসকলে এই জাৰৰ দিনত পৰিয়াল পোহ- পাল দিবলৈ পদপথত কমলা বিক্রী কৰে।
এনে ব্যৱসায়ীয়ে জনোৱা মতে, বিগত বৰ্ষৰ তুলনাত এইবাৰ কমলাৰ উৎপাদন কম তথা বর্ধিত মূল্যৰ বাবে ব্যৱসায়ীসকল লোকচানৰ সম্মুখীন হ’বলগীয়া হৈছে। বর্ধিত মূল্যৰ বাবে গ্রাহকে কম পৰিমাণে ক্রয় কৰিছে কমলা।
উল্লেখ্য যে মহানগৰীকে ধৰি নলবাৰী, বৰপেটা, হাজোকে ধৰি বিভিন্ন অঞ্চলৰ পদপথৰ ব্যৱসায়ীসকলে জাবৰ দিনত কমলা বিক্ৰী কৰি পৰিয়াল পোহ-পাল দিয়ে। নলবাৰীৰ পৰা কৈলাশ ডেকা আৰু চাংসাৰিৰ ৰহমত আলীয়ে আজি ৩২ বছৰে এইদৰে জাবৰ দিনত কমলা ব্যৱসায়েৰে জীৱিকা অর্জন কৰি আহিছে। তেওঁলোকে কয়, ‘আজি ৩২ বছৰে আমি এই ব্যৱসায়ৰ লগত জড়িত। আমাৰ এই ব্যবসায়েৰে চাৰিটা পৰিয়াল চলি আছে। আমি ব্যবসায় আবস্ত কবোতে ৩০ মোন কমলাৰ দাম ১২০০-১৩০০ আছিল। বর্তমান আমি ৩০ মোন অর্থাৎ এক গাড়ী কমলা ১৭ৰ পৰা ২১ হেজাৰ টকাত ক্রয় কবো। যোৱা বছৰৰ তুলনাত এই বর্ষত কমলাৰ দাম বৃদ্ধি পাইছে। উৎপাদন কম হোৱাৰ বাবে এইবাৰ কিছু পৰিমাণে দাম বৃদ্ধি পাইছে। সেয়ে এইবাৰ গ্রাহকৰ সংখ্যাও কম।’
তদুপৰি কয়, ‘সেয়েহে আমি কিলো হিচাপে বিক্রী কৰিলে প্রতি কিলোত এশৰ পৰা ১৮০ টকা পর্যন্ত দবত বিক্রী কৰিব লাগে। কিলো হিচাপে বিক্রী কৰিলে গ্রাহকে ক্রয় কৰিবলৈ কুণ্ঠাবোধ কৰে। সেয়ে আমি ডজন হিচাপে বিক্ৰী কৰো।’ নলবাৰীৰ বৰভাগৰ নাওধন তালুকদাবে কয়, ‘অৰুণাচল, মেঘালয়, সোণাপুৰৰ পৰা কমলা গুৱাহাটীলৈ ৰপ্তানি হয়। আমি ফাঁচী বজাৰৰ পৰা পাইকাৰী দৰত কমলা ক্রয় কৰো আৰু খচৰা বজাৰত বিক্ৰী কৰো। এইবাৰ গুৱাহাটীৰ বজাৰত প্রতিকিলো কমলা ১২০ ৰ পৰা ১৫০ টকা দৰত উপলব্ধ হৈছে। সমান্তৰালকৈ সৰু কমলা প্রতি ডজন ৮০ৰ পৰা ১২০ টকা আৰু ডাঙৰ কমলা প্রতি ডজন ১২০ ৰ পৰা ১৬০ টকা দৰত গ্রাহকে ক্ৰয় কৰিছে। বিগত বৰ্ষৰ তুলনাত এই বর্ধত মূল্যবৃদ্ধিৰ ফলত গ্রাহকৰ সংখ্যা কিছু পৰিমাণে হ্রাস পাইছে। তাৰ উপৰি চলিত বৰ্ষত বজাৰত কমলান আমদানি হ্রাস পাইছে।’
কমলা বিক্রেতাজনে কয় যে পাইকাৰী ব্যবসায়ীসকলৰ পৰা ৩০ মোন কমলা ১৭ ৰ পৰা ২০ হেজাৰ টকাত ক্রয় কবি খুচুৰ্য বজাৰত এশৰ পৰা ১৫০ টকা ডজনত গ্রাহকক বিক্রী কৰা হয়। এই বছৰত বজাৰত কমলাৰ সংখ্যা কম হোৱাৰ বাবে কিছু মূল্যবৃদ্ধি হৈছে। তেওঁ কয় যে পূর্বব তুলনাত গ্রাহকৰ সংখ্যাও কিছু কমিছে যাৰ ফলত ব্যবসায়ত লাভালাভ কম হৈছে।
নলবাৰীৰ সুনীল বৰুৱা আৰু জটিয়াৰ দীপাংকৰ বৰাই কয়, ‘বিগত ২০ বছৰে জাৰৰ দিনত গুৱাহাটীৰ বজাৰত কমলা বিক্রী কৰি আহিছো। ঋতু অনুসৰি মাঘব বিহুত পিঠা-পনা, হোলীত বং, দীপাৱলীত মাটিৰ চাকি আৰু ব’হাগ বিহুত গামোচা বিক্রী কৰি নিজৰ লগতে পৰিয়াল পোহ-পাল দিওঁ। জাৰৰ দিনত কমলা বিক্রীৰে নিজৰ লগতে পৰিয়াল পোহ-পাল দি আহিছো। এইবাৰ কমলাৰ উৎপাদনৰ লগতে গুণমান কম হোৱাৰ বাবে গ্রাহক কমিছে এইবাৰ লগতে কমলাৰ আমদানি কম।’
তেওঁ কয় যে পাইকাৰী ব্যবসায়ীসকলৰ পৰা ৩০ মোন কমলা ২০ৰ পৰা ২১ হেজাৰ টকাত ক্ৰয় কৰি খুচুৰা বজাৰত ১২০ ৰ পৰা ১৮০ টকা ডজনত গ্রাহকক বিক্রী কৰা হয়।আনফালে, মূল্যবৃদ্ধি হ’লেও বতৰৰ ফলৰ সোৱাদ ল’বলৈ দ্বিধাবোধ কৰা নাই গ্রাহকে। মূল্যবৃদ্ধি হৈছে যদিও বতৰৰ ফলৰ সোৱাদ ল’বলৈ কমকৈ হ’লেও গ্রাহকে ক্রয় কৰিছে কমলা। পূর্বৰ তুলনাত বজাৰত কমলাৰ উপলব্ধতা হ্রাস পোরা, মূল্যবৃদ্ধি আদি কাৰকে গ্রাহকৰ সংখ্যা এত অধিক হ্রাস নকৰে বুলি বিশ্বাসী বিক্রেতা সমাজ।
ছয়মাইলব আতোৱাৰ বহমান আৰু গণেগুৰিৰ ৰাজীৱ দাসে কয়, ‘জাৰৰ দিনত হেমন্তবাজ কমলাৰ সোৱাদেই সুকীয়া। কিন্তু এই বৰ্ষত কমলাৰ মূল্যবৃদ্ধি পাইছে। আমি ১৫০ ৰ পৰা ২৫০ টকা পর্যন্ত কমলা কিনিবলগীয়া হৈছে। বতৰৰ ফল খাবলৈ মন যায়। কমকৈ হ’লেও বতৰৰ ফল ক্রয় কৰিছো। বর্তমান সকলো বস্তুৰে দাম বৃদ্ধি পাইছে। উপার্জন কম সেয়ে সমতা অনুযায়ী বস্তু ক্রয় কৰিব লগা হৈছে। এইবাৰ উন্নত মানৰ কমলা বজাৰত উপলব্ধ হোৱা নাই, দামো বেছি। যোৱা বছৰৰ তুলনাত এইবাৰ উৎপাদনো কম।’
পূৰ্বৰ তুলনাত কিছু কম হ’লেও সৰু-বৰ সুস্বাদু কমলাৰে গুৱাহাটীৰ বজাৰ ভৰি পৰিছে। অৰুণাচলৰ পাছিঘাট, মেঘালয়, সোণাপুৰৰ পৰা অহা কমলাই দখল কৰিছে গুৱাহাটীৰ বজাৰ।