BCCI Banned:
চুবুৰীয়া বাংলাদেশৰ স’তে ভাৰতৰ তিক্ততাপূৰ্ণ সম্পৰ্ক ক্ৰমাৎ বিঘ্নিত হোৱাৰ মাজতে বাংলাদেশ ক্রিকেটাৰৰ বিৰুদ্ধে কঠোৰস্থিতিৰ বিচিচিআইৰ ৷আইপিএলত নিষিদ্ধ কৰা হৈছে বাংলাদেশী ক্রিকেটাৰক ৷ যাৰবাবে আইপিএলৰ পৰা বাদ পৰিল বাংলাদেশী ক্রিকেটাৰ মুস্তাফিজুৰ ৰহমান। শ্বাহৰূখ খানৰ KKR- এ ৯.২০ কোটি টকাত নিলামত ক্ৰয় কৰিছিল মুস্তাফিজুৰ ৰহমানক ৷ বাংলাদেশী ক্ৰিকেটাৰক ক্ৰয় কৰাৰ বাবে KKR লৈ বিশেষ নিৰ্দেশনা জাৰি বিচিচিআইৰ সচিব দেৱজিৎ শইকীয়াৰ ।
উল্লেখ্য যে বাংলাদেশৰ বেগী বলাৰ মুস্তাফিজুৰ ৰহমানৰ আইপিএলত অংশগ্রহণক লৈ তীব্ৰ বিতর্ক অব্যাহত আছিল। আনকি ৰাষ্ট্ৰীয় সংবাদ মাধ্যমৰ আগত ক্রীড়া মন্ত্রণালয়ৰ সূত্রই সদৰী কৰিছিল যে ভাৰতৰ ক্রীড়া নীতিত বাংলাদেশ বা বাংলাদেশী খেলুৱৈৰ স’তে দ্বিপাক্ষিক ক্রিকেট শৃংখলা আইপিএলত খেলাত বাধা নাই এনে নিষেধাজ্ঞা কেৱল পাকিস্তান দল আৰু ইয়াৰ খেলুৱৈৰ ক্ষেত্ৰতহে প্রযোজ্য। মুস্তাফিজুৰে আইপিএল ২০২৬ত খেলিব নে নাই সেই সন্দৰ্ভত চৰকাৰৰ নহয়, বিচিচিআয়েহে চুড়ান্ত সিদ্ধান্ত দিব।
ইফালে, বিচিচিআইৰ এজন বিষয়াহ কয়, ‘এয় আমাৰ হাতত নাই। বংলাদেশী খেলুৱৈক লীগত খেলিবলৈ বাধা দিয়াৰ সন্দৰ্ভত চৰকাৰৰ পৰা কোনো নির্দেশনা পোৱা নাই।’
মনকৰিবলগীয়া যে,যোৱা ১৩ দিনত তিনিজন হিন্দু হত্যা যজ্ঞ বাংলাদেশত হিন্দুৰ বিৰুদ্ধে হিংসাত্মক পৰিস্থিতিৰ মাজতে ৰহমানে আইপিএলত অংশগ্রহণৰ বিৰোধিতা কৰিছে বিভিন্নজনে। ২৬ মাৰ্চৰ পৰা আৰম্ভ হ’ব আইপিএল ২০২৬ আৰু ৩১ মে’ত লীগৰ অন্তিমখন খেল অনুষ্ঠিত হ’ব। শিৱসেনাৰ নেতা সঞ্জয় নিৰুপমে কেকেআৰৰ স্বত্বাধিকাৰী শ্বাহৰুখ খানক বাংলাদেশী ক্রিকেটাৰ মুস্তাফিজুৰ ৰহমানক দলৰ পৰা অপসাৰণ কৰিবলৈ আহ্বান জনাইছিল। নিৰুপমে কয় যে যেতিয়া সমগ্র দেশ বাংলাদেশক লৈ ক্ষুব্ধ আৰু ক্ষোভিত, সেই সময়ত অনুৰোধ জনোৱা হৈছে যে সেই বাংলাদেশী খেলুরৈজনক দলৰ পৰা আঁতৰাহ দিব লাগে।
একেদৰে শিৱসেনাৰ মুখপাত্র আনন্দ ডুবেই কয়, ‘ভাৰতীয় মাটিত বাংলাদেশী খেলুরেক আইপিএল খেলিবলৈ দিয়া উচিত নহয়।’ ধর্মগুৰু দেৰকিনন্দন ঠাকুৰে এই প্ৰসংগত প্রতক্রিয়া প্রকাশ কৰি কয়, ‘বাংলাদেশত হিন্দুসকলক নির্মমভাবে হত্যা কৰা হেছে, ঘৰ ভাঙি দিয়া হেছে, ভগ্নী-কন্যাক ধর্ষণ কৰা হৈছে। এনে নৃশংস হত্যাকাণ্ডৰ সাক্ষী হৈ কোনোবাই, বিশেষকৈ নিজকে এটা দলৰ মালিক বুলি কোৱা কোনোবাই কেনেকৈ ইমান হৃদয়হীন হ’ব পাৰে? তেওঁ ইমান নিষ্ঠুৰ কেনেকৈ হ’ব পাৰে যে সেই দেশৰ এজন ক্রিকেটাৰক নিজৰ দলত অন্তর্ভুক্ত কৰিব?’ উল্লেখ্য যে ক্রিকেটাৰজনক দিয় ৯.২০ কোটি টকা বাংলাদেশত হত্যা কৰা হিন্দু শিশুৰ পৰিয়ালক দিবলৈও দাবী জনোৱা হৈছে।
