US Visa:
প্ৰব্ৰজন নিয়ন্ত্রণত অধিক কঠোৰ পদক্ষেপ ল’লে মাৰ্কিন যুক্তৰাষ্ট্ৰই। ৰাছিয়া, ইৰান, আফগানিস্তানসহ ৭৫ খন দেশৰ বাবে ভিছা বন্ধ কৰিলে আমেৰিকাই। প্রসংগত উল্লেখ্য যে যোৱা বছৰৰ নৱেম্বৰত হোৱাইট হাউছৰ ওচৰত গুলিবর্ষণ কৰিছিল এজন আফগান নাগৰিকে। এই ঘটনাত নেচনেল গার্ডৰ এজন সদস্যৰ মৃত্যু হৈছিল।
ইয়াৰ পাছতে আমেৰিকাৰ ৰাষ্ট্ৰপতি ড’নাল্ড ট্রাম্পে ঘোষণা কৰিছিল যে তৃতীয় বিশ্বৰ নাগৰিকৰ বাবে আমেৰিকাৰ দুৱাৰ চিৰদিনলৈ বন্ধ কৰা হ’ব। এইবাৰ ঘোষণা কৰা অনুসৰি এই পথ গ্রহণ কৰিলে মার্কিন ৰাষ্ট্রপতিয়ে। হোৱাইট হাউছে সদৰী কৰা অনুসৰি অর্নিদিষ্ট কালৰ বাবে ভিছা বন্ধ কৰাৰ এই সিদ্ধান্ত ৷ ২১ জানুৱাৰীৰ পৰা কাৰ্যকৰী কৰা হ’ব। মার্কিন বিদেশ বিভাগে ভিছা নিষিদ্ধ কৰাৰ তালিকাত অন্তর্ভুক্ত কৰা ৭৫ দেশৰ মাজত আছে ইৰান,ৰাছিয়া, ছোমালিয়া, আফগানিস্তান, ব্রাজিল, নাইজেৰিয়া, ইৰাক, ইজিপ্ত, য়েমেন, থাইলেণ্ড, পাকিস্তান, বাংলাদেশৰ দৰে দেশ। পৰৱৰ্তী নির্দেশনা জাৰি নকৰালৈকে এই ৭৫ দেশৰ নাগৰিকে লাভ নকৰিব মার্কিন ভিছা। এই সিদ্ধান্তৰ ফলত সংশ্লিষ্ট ৭৫ দেশৰ নাগৰিকৰ আমেৰিকাত বসবাস আৰু কৰ্মৰত হোৱাৰ পথো অর্নিদিষ্ট কালৰ বাবে বন্ধ হ’ল।
সূত্ৰৰ খবৰ অনুসৰি পৰ্যটক বা অস্থায়ী শ্রমিকৰ ক্ষেত্ৰ এই নিয়ম কার্যকৰী নহ’ব। তদুপৰি চলিত বর্ষতে আমেৰিকাত ফিফা বিশ্বকাপ অনুষ্ঠিত হ’ব। সেয়েহে মার্কিন প্রশাসনে জনোৱা অনুসৰি বিশ্বকাপ চাবলৈ অহা আন দেশৰ নাগৰিকৰ ভিছা দিয়া হ’ব। এই তালিকাত নিষিদ্ধ হোৱা ৭৫ নাগৰিকো আছে।
