Kumar Bashkar Varma Bridge:
এসপিএস কনষ্ট্ৰাকশ্বন ইণ্ডিয়াই ব্ৰহ্মপুত্ৰ নদীৰ ওপৰত নিৰ্মিত মহানগৰীৰ গুৱাহাটী–নৰ্থ গুৱাহাটী সংযোগী কুমাৰ ভাস্কৰবৰ্মা সেতু খন নিৰ্মাণ সফলভাৱে সম্পূৰ্ণ কৰিছে। এই সেতু খনৰ আনুষ্ঠানিক ১৪ ফেব্ৰুৱাৰীত উদ্বোধন কৰিব দেশৰ প্ৰধানমন্ত্ৰী নৰেন্দ্ৰ মোদীয়ে । এই প্ৰকল্পটো অসম আৰু সমগ্ৰ উত্তৰ-পূবৰ যোগাযোগ ব্যৱস্থাৰ বাবে এক গুৰুত্বপূৰ্ণ মাইলষ্টোন বুলি গণ্য কৰা হৈছে।
এক কিলোমিটাৰতকৈ অধিক দৈৰ্ঘ্যৰ এই সেতু খন ভাৰতৰ আটাইতকৈ প্ৰত্যাহ্বানজনক নদীসমূহৰ ভিতৰত অনন্য হিচাপে পৰিগণিত ব্ৰহ্মপুত্ৰৰ ওপৰত নিৰ্মাণ কৰা হৈছে। সেতু খন মুকলি হোৱাৰ লগে লগে গুৱাহাটী আৰু নৰ্থ গুৱাহাটীৰ মাজত যাতায়াতৰ সময় যথেষ্ট কমিব, যানজঁট হ্ৰাস পাব আৰু যাত্ৰী আৰু মাল পৰিবহণ দুয়োটাৰে সুবিধা বৃদ্ধি পাব।
এসপিএস কনষ্ট্ৰাকশ্বন ইণ্ডিয়াৰ সঞ্চালক ৰোহিত সিংলায় এই সন্দৰ্ভত কয় যে এই সেতু খন চৰকাৰৰ দূৰদৰ্শী কাঠামো দৃষ্টিভংগী আৰু অবিৰত সহায়ৰ ফল। আমাৰ দায়িত্ব আছিল এই দৃষ্টিভংগীক এটা মজবুত, সুৰক্ষিত আৰু দীঘলীয়া সময়ৰ বাবে উপযোগী সেতুত ৰূপান্তৰ কৰা। এই সেতুৱে আগন্তুক বহু বছৰৰ বাবে অঞ্চলটোৰ যাতায়াত প্ৰয়োজন পূৰণ কৰিব বুলি আমি বিশ্বাসী।
এই সেতু খন আধুনিক এক্সট্ৰাড’জড ডিজাইনত নিৰ্মাণ কৰা হৈছে, যিয়ে পৰম্পৰাগত সাসপেনশ্বন সেতুৰ তুলনাত অধিক শক্তি আৰু স্থায়িত্ব প্ৰদান কৰে। ব্ৰহ্মপুত্ৰ নদীৰ দৰে বৃহৎ নদীৰ ওপৰত এই ডিজাইন অতি কার্যকৰী প্ৰমাণিত হৈছে। বিভিন্ন নদী পৰিস্থিতিৰ মাজতো এই প্ৰকল্প সফলভাৱে সম্পূৰ্ণ কৰাটো এসপিএস কনষ্ট্ৰাকশ্বন ইণ্ডিয়াৰ প্ৰযুক্তিগত সক্ষমতা আৰু কাৰ্যক্ষমতাৰ পৰিচয়।
নৱনিৰ্মিত সেতুখনে গুৱাহাটীৰ উত্তৰ আৰু দক্ষিণ অংশক পোনপটীয়াকৈ সংযোগ কৰে, যাৰ ফলত দৈনন্দিন যাতায়াত সহজ হ’ব, স্থানীয় ব্যৱসায় বৃদ্ধি পাব আৰু লজিষ্টিক ব্যৱস্থাও অধিক শক্তিশালী হ’ব। সমগ্ৰ নিৰ্মাণ প্ৰক্ৰিয়াত সুৰক্ষা, গুণগত মান আৰু পৰিবেশ সংৰক্ষণৰ সকলো নীতি-নিয়ম কঠোৰভাৱে অনুসৰণ কৰা হৈছে, যাৰ ওপৰত সংশ্লিষ্ট কৰ্তৃপক্ষই নিয়মিত তদাৰক কৰিছে।
