Many changes in Police Administration:
ৰাজ্যৰ বিধানসভা নিৰ্বাচনৰ প্ৰাকমুহূৰ্তত আৰক্ষী প্ৰশাসনত ব্যাপক ৰদ-বদল। কেইবাখনো জিলাৰ আৰক্ষী বিষয়াসকলক কৰা হৈছে সালসলনি ৷ সেই অনুসৰি ওদালগুৰিৰ অতিৰিক্ত আৰক্ষী অধীক্ষক নির্মল ঘোষক তামুলপুৰ জিলাৰ এএছপিৰ দায়িত্ব একেদৰে কামৰূপৰ এএছ পি কল্যাণ কুমাৰ পাঠকক গুৱাহাটী আৰক্ষীৰ আয়ুক্তৰ কার্যালয়লৈ বদলি ৷
আনহাতে জালুকবাৰীৰ সমজিলা আৰক্ষী অধীক্ষক মৈত্রেয়ী ডেকাক কাজিৰঙাৰ এছটিএফএৰ অতিৰিক্ত আৰক্ষী অধীক্ষক ৰূপে বদলি ৷ পশ্চিম কাৰ্বি আংলঙৰ এএছপি নয়নমণি বর্মনক ওদালগুৰিলৈ বদলি কৰাৰ বিপৰীতে বাক্সাৰ এএছপি মেৰিলিন জৌলচাংমাৱক বঙাইগাঁৱলৈ বদলি ৷
একেদৰে বঙাইগাঁৱৰ এএছপি কবিতা দাসক পশ্চিম কাৰ্বি আংলঙলৈ বদলি ৷ আনহাতে জিলা খনৰ এএছপি নিয়েংখোৱাদেক চতুৰ্থ অসম আৰক্ষী বেটেলিয়নৰ দ্বিতীয় অধিনায়কৰ দায়িত্ব ৷ নগাঁৱৰ অতিৰিক্ত আৰক্ষী অধীক্ষক জয়ন্ত বৰুৱাক বঙাইগাঁৱৰ এএছপিৰ দায়িত্ব অৰ্পণ কৰে ৰাজ্যৰ গৃহ বিভাগে ৷