Us-Israel Attack:
পূৰ্বে আংশকা কৰা ধৰণেই ইজৰাইলে শনিবাৰে ইৰাণক আক্ৰমণ কৰে। ৰাজধানী তেহৰাণকে ধৰি কেইবাখনো চহৰত বিস্ফোৰণৰ শব্দ শুনা যায়। ধোঁৱাৰ কুণ্ডলীৰে ভৰি পৰে তেহৰানৰ আকাশ৷ বিমান আক্ৰমণৰ ছাইৰেন অবিৰতভাৱে বাজি আছিল।
সংবাদ মাধ্যমৰ বাতৰি অনুসৰি আমেৰিকা আৰু ইজৰাইলে যৌথভাৱে ইৰাণক আক্ৰমণ কৰিছিল। আমেৰিকাৰ ৰাষ্ট্ৰপতি ড’নাল্ড ট্ৰাম্পে ইয়াক নিজৰ নাগৰিকক সুৰক্ষা দিয়াৰ বাবে লোৱা এক পদক্ষেপ বুলি অভিহিত কৰে। এই আক্ৰমণৰ পিছত ইৰাণ আৰু ইজৰাইলৰ মাজত উত্তেজনা বৃদ্ধি পাইছে।
তেহৰাণকে ধৰি কেইবাখনো চহৰত বিস্ফোৰণৰ শব্দ শুনা যায়। এয়াৰ ৰেইডৰ চাইৰেন বাজি উঠিছিল।ইৰাণৰ বানিজ্যিক ইছফাহান, কেৰমানশ্বাহ, ক’ম, কাৰাজ আদি অঞ্চলত ইজৰাইলে আক্ৰমণ চলাইছিল।
ইৰাণৰ সৰ্বোচ্চ নেতা খামেনেইৰ কাৰ্যালয়ৰ সমীপতে সংঘটিত হয় মিছাইল আক্ৰমণ। এই আক্ৰমণৰ পিছতে খামেনেইক নিৰাপদ স্থানলৈ স্থানান্তৰ কৰা হৈছে।
উল্লেখ্য যে USS আব্রাহাম লিংকনৰ পৰা ৭০খনকৈ যুঁজাৰু বিমানেৰে ধাৰাসাৰ এয়াৰষ্ট্ৰাইক হয়৷ একেদৰে তেহৰাণৰ ওপৰত আকাশত দেখা গ’ল ইৰাণৰ মিগ-২৯ জেট। ইৰাকৰ ওপৰেৰে আকাশত ইজৰাইল আৰু আমেৰিকাই ইৰাণৰ দিশে নিক্ষেপ কৰা ক্ৰুজ মিছাইল দেখা গৈছিল।
আনহাতে ইজৰাইলৰ অপ্ৰত্যাশিত এই আক্ৰমণত ইৰাণত কেইবাজনো লোক আহত হয়। অৱশ্যে মৃত বা আহতসকলৰ কোনো তথ্য এতিয়াও প্ৰকাশ কৰা হোৱা নাই। অৱশ্যে আমেৰিকাৰ ৰাষ্ট্ৰপতি ড’নাল্ড ট্ৰাম্পে ভিডিঅ’ বাৰ্তাযোগে কয় যে এই অভিযানৰ উদ্দেশ্য আমেৰিকাৰ জনসাধাৰণক সুৰক্ষা দিয়া আৰু ইৰাণ চৰকাৰৰ পৰা অহা ভাবুকি দূৰ কৰা। ইৰানৰ মিছাইল মাটিৰ সৈতে মিহলাই দিয়া হ’ব ৷
ইজৰাইল আৰু ইৰাণৰ মাজত হোৱা আক্ৰমণৰ পিছত দুয়োখন দেশে নিজৰ আকাশমাৰ্গ বন্ধ কৰি দিছে। ইফালে ইজৰাইলৰ জেৰুজালেম আৰু টেল আভিভত ছাইৰেন শুনা গৈছিল ৷
শেহতীয়া খবৰ অনুসৰি ইউৰোপৰ বহু কেইখন দেশৰ লগতে ভাৰতেও তেহৰানৰ পৰা দূতাবাস খালি কৰাৰ প্ৰস্তুতি চলোৱাৰ লগতে নিজ নিজ দেশৰ নাগৰিকক ইৰান ত্যাগ কৰিবলৈ আহ্বান জনাইছে ৷
