IOCL Pressmeet:
দৈনিক অগ্ৰদূত ডিজিটেল ডেক্স;-মধ্য প্ৰাচ্যত সংঘটিত যুদ্ধৰ বাবে শেহতীয়াকৈ ভাৰত সহ বিশ্বৰ অধিকাংশ দেশত এল পি জি আৰু পেট্ৰলিয়াম সামগ্ৰীৰ নাটনিৰ সংকট ঘনীভূত হৈ পৰাত মিশ্ৰিত প্ৰতিক্ৰিয়া সৃষ্টি হয় ভাৰতৰ কেতবোৰ বহু অঞ্চলত। একেদৰে অসমতো এল পি জি আৰু পেট্ৰলিয়াম সামগ্ৰীৰ নাটনিৰ সৃষ্টি হোৱা বুলি বিভিন্ন মহলত চৰ্চা লাভ কৰাৰ মাজতে শুকুৰবাৰে গুৱাহাটীত এক সংবাদমেল অনুষ্ঠিত কৰি অইলে স্পষ্ট কৰি দিয়ে যে অসমত পর্যাপ্ত পৰিমাণে মজুত আছে ইন্ধন, পেট্ৰ’ল ৷ চিন্তা কৰিবলগীয়া পৰিৱেশ অসমত হোৱা নাই I
আইঅচিএলৰ বিষয়া গৰাকীয়ে সংবাদমেলত কয় যে,বৰ্তমান অসমত মুঠ ১,৭৩৭ টা পেট্ৰল পাম্প আছে ৷গড়ে দৈনিক পেট্ৰল পাম্প সমূহত পেট্ৰল ২,৯৩৫ এম এছ আৰু ডিজেল ৩,৬৭০ এইচ এছ ডি উপলব্ধ কৰা হৈছে ৷বৰ্তমান ২১ দিনৰ পেট্ৰ’ল আৰু ৪৬ দিনৰ ডিজেলৰ সমতুল্য পৰ্যাপ্ত ষ্টক উপলব্ধ কৰা হৈছে। সকলো OMC ত নিয়মীয়াকৈ যোগান ধৰি থকা আৰু বিক্ৰীৰ ওপৰত কোনো বাধা নাই।
৷
এল পি জি যোগানৰ সন্দৰ্ভত ৰাজ্যখনৰ ৬০৪টা বিতৰক আৰু ৭টা বটলিং প্লাণ্ট (৬টা মালিকানাধীন আৰু ১টা ব্যক্তিগত)ৰ জৰিয়তে প্ৰায় ৯৩ লাখ গ্ৰাহকক সেৱা প্ৰদান কৰা হৈছে। বৰ্তমান বিতৰকসকলৰ হাতত ঘৰুৱা এল পি জি চিলিণ্ডাৰৰ পৰ্যাপ্ত মজুত আছে আৰু কোনো ধৰণৰ ড্ৰাই-আউটৰ খবৰ পোৱা নাই। গড়ে দৈনিক ১,৩৯,০০০ ৰিফিল ডেলিভাৰী কৰা হয়, আৰু নিৰ্ধাৰিত বুকিং তালিকা অনুসৰি প্ৰায় ৪.২৮ দিনৰ বেকলগ ক্লিয়াৰ কৰা হৈছে। যোগান সম্পূৰ্ণ সুস্থিৰ হৈ আছে।
আনহাতে এল পি জি সেৱাত ডিজিটেলাইজেশ্যনক প্ৰসাৰিত কৰি এতিয়া ৮৪% বুকিং ডিজিটেল মাধ্যমৰ জৰিয়তে কৰা হৈছে, যিটো দুমাহৰ আগতে মাত্ৰ ৪৯% আছিল। ডেলিভাৰী প্ৰমাণীকৰণ ক’ড (DAC) অনুসৰণ ৭২% ক্ষেত্ৰত নিশ্চিত কৰা হৈছে ৷যিটো দুমাহৰ পূৰ্বে ৩৭% আছিল। গ্ৰাহকসকলক ডিজিটেল বুকিং পদ্ধতি ব্যৱহাৰ কৰিবলৈ আৰু ডেলিভাৰীৰ সময়ত ডিএচি শ্বেয়াৰ কৰিবলৈ অনুৰোধ জনোৱা হৈছে যাতে নিৰাপদ আৰু স্বচ্ছ বিতৰণ নিশ্চিত হয়। একেদৰে দৈনিক ৰিফিলৰ পৰিমাণ আছিল প্ৰায় ৪৪৫৯৫ টা। । কম খৰচী পৰিয়াল, প্ৰব্ৰজিত শ্ৰমিক, ছাত্ৰ-ছাত্ৰী আদিক সহায় কৰিবলৈ ৫ কেজি এল পি জি চিলিণ্ডাৰ উপলব্ধ কৰা হৈছে। মাৰ্চৰ সময়ছোৱাত ২১৪২ টা ৫ কিলোগ্ৰাম চিলিণ্ডাৰৰ উপলব্ধ হৈছিল যদিও পহিলা এপ্ৰিলৰ পৰা ৬৪৭৭ টা বৃদ্ধি কৰা হয়। ৫ কিলোগ্ৰামৰ চিলিণ্ডাৰৰ আজিলৈকে বিক্ৰী কৰা হৈছে।
ভাৰত চৰকাৰৰ নীতি-নিৰ্দেশনা অনুসৰি বৰ্তমান বাণিজ্যিক এল পি জি আবণ্টন ৭০% বজাই ৰখা হৈছে। চিকিৎসালয়, শিক্ষানুষ্ঠান, প্ৰতিৰক্ষা, ৰে’লৱে, চৰকাৰী প্ৰতিষ্ঠান, হোটেল-ৰেষ্টুৰেণ্ট, উদ্যোগিক কেণ্টিন, আৰু খাদ্য প্ৰক্ৰিয়াকৰণ ইউনিটক অগ্ৰাধিকাৰ দিয়া হৈছে। মসৃণ বিতৰণ নিশ্চিত কৰিবলৈ দৈনিক নিৰীক্ষণ চলোৱা হৈছে।
জমা আৰু অবৈধ সৰবৰাহ ৰোধ কৰিবলৈ অ’এনজিচিৰ বিষয়াসকলে অসম চৰকাৰৰ বিষয়াসকলৰ সহযোগত যোৱা মাহৰ পৰা ৩১৯টা পৰিদৰ্শন চলাইছে। এইসময়ছোৱাত ২৭৪টা চিলিণ্ডাৰ জব্দ কৰা হৈছে ৷লগতে ১টা এফআইআৰ পঞ্জীয়ন কৰা হৈছে আৰু ৩জনক গ্ৰেপ্তাৰ কৰা হৈছে। বুকিং আৰু ডেলিভাৰী স্বীকৃতি নিশ্চিতকৰণ (ডি এ চি)ৰ ডিজিটেল প্ৰট’কলকে ধৰি মানক অপাৰেটিং পদ্ধতি মানি নচলাৰ বাবেও অ’এনজিচিৰ এলপিজি বিতৰকসকলৰ বিৰুদ্ধে ব্যৱস্থা গ্ৰহণ কৰা হৈছে। এতিয়ালৈকে ৮৮ জন অ’এমচি এলপিজি বিতৰকক কাৰণ দেখুৱাৰ জাননী প্ৰদান কৰা হৈছে আৰু ৬টা অ’এমচি এলপিজি বিতৰকক এতিয়ালৈকে স্থগিত ৰখা হৈছে। সকলো অ’এমচিয়ে ১৯৫৫ চনৰ অত্যাৱশ্যকীয় সামগ্ৰী আইন অনুসৰি কঠোৰ ব্যৱস্থা গ্ৰহণ কৰিছে।
অসম চৰকাৰ আৰু ৰাজ্যখনৰ তেল বিপণন কোম্পানীসমূহে সকলো নাগৰিককে আশ্বাস দিয়ে যে পেট্ৰলিয়াম সামগ্ৰীৰ যোগানৰ পৰিস্থিতি সম্পূৰ্ণ সুস্থিৰ আৰু নিয়ন্ত্ৰণত আছে আৰু জনসাধাৰণৰ বাবে নিৰৱচ্ছিন্ন যোগান নিশ্চিত কৰা হৈছে।