Jorhat assembly election result:✒️ৰাজ্যৰ ৰাজনৈতিক মানচিত্ৰত গুৰুত্বপূৰ্ণ পৰিবর্তন সূচিত কৰি যোৰহাট বিধানসভা সমষ্টিত কংগ্ৰেছৰ প্ৰভাৱশালী নেতা গৌৰৱ গগৈক পৰাস্ত কৰিলে বিজেপিৰ প্ৰাৰ্থী হিতেন্দ্ৰ নাথ গোস্বামীয়ে।
প্ৰায় ২০ হেজাৰ ভোটৰ উল্লেখযোগ্য ব্যৱধানত লাভ কৰা এই জয়ক বিজেপিৰ বাবে এক কৌশলগত সাফল্য হিচাপে গণ্য কৰা হৈছে।
ভোটগণনাৰ আৰম্ভণিৰে পৰা সমষ্টিটোত আগবঢ়া ধাৰা বজাই ৰাখিছিল গোস্বামীয়ে। প্ৰায় প্ৰতিটো ৰাউণ্ডতে তেওঁ অগ্ৰগতি সুদৃঢ় কৰি ৰাখে, যাৰ ফলত শেষলৈকে কংগ্ৰেছ প্ৰাৰ্থী গগৈয়ে ব্যৱধান হ্ৰাস কৰিব নোৱাৰিলে।
এই ফলাফলৰ পাছতে যোৰহাটত বিজেপি কৰ্মী-সমৰ্থকসকলৰ মাজত উদযাপন আৰম্ভ হৈছে।
আনহাতে কংগ্ৰেছ শিবিৰত হতাশা স্পষ্ট, বিশেষকৈ গগৈৰ দৰে এক জনপ্ৰিয় নেতাৰ পৰাজয়ে দলটোৰ বাবে এক বৃহৎ আঘাত বুলি ৰাজনৈতিক মহলত আলোচনা চলিছে।
বিশেষজ্ঞসকলৰ মতে, যোৰহাটৰ এই ফলাফল কেৱল এটা সমষ্টিৰ পৰিণাম নহয়, বৰং ৰাজ্যৰ সামগ্ৰিক ৰাজনৈতিক ধাৰাকো প্ৰভাৱিত কৰিব পাৰে।
