CulturalHeritage : দৈনিক অগ্ৰদূত ডিজিটেল ডেস্ক : ভাৰতীয় মুদ্ৰাৰ হিচাপত প্রায় ৪৮ হেজাৰ কোটি টকা মূল্যৰ ঐতিহাসিক শিল্পকর্ম ছিৰিয়াক ওভতাবলৈ লৈছে মার্কিন প্রশাসনে। এই শিল্পকর্মসমূহৰ মাজত ৰোমান যুগৰ শিল্পকর্মও আছে।
একালত ছিৰিয়াৰ পৰা চোৰাং কাৰবাৰীয়ে এই শিল্পকর্মসমূহ অবৈধভাবে আন্তর্জাতিক বজাৰলৈ সৰবৰাহ কৰিছিল। পৰৱৰ্তী সময়ত এইসমূহ মার্কিন সংগ্রহালয়ত প্ৰৱেশ কৰে। এনেদৰে মুঠতে ৩৬টা প্রাচীন শিল্পকর্ম ছিৰিয়াক ওভতাই দিবলৈ লৈছে মার্কিন প্রশাসনে।
এইসমূহৰ মূল্য ভাৰতীয় মুদ্ৰাৰ হিচাপত প্রায় ৪৮ হেজাৰ কোটি টকা। ‘আৰব নিউজ’ৰ এক প্রতিবেদন অনুসৰি বিগত কে’বাটাও শতিকাৰ এই প্রাচীন শিল্পকর্মসমূহ আন্তর্জাতিক বজাৰত ওলাই যায়।
এই শিল্পকর্মসমূহৰ মাজত ৰোমান যুগৰ মোজাইকো আছে। যোৱা ২৩ ছেপ্টেম্বৰত মার্কিন প্রশাসনে এই শিল্পকর্মসমূহ ছিৰিয়াক ওভতাই দিব বুলি ঘোষণা কৰে। আৰব নিউজৰ মতে এই শিল্পকর্মসমূহৰ মাজত খ্রীষ্টীয় দ্বিতীয় শতিকাৰ এক ভাস্কর্যও আছে।
এই ভাস্কর্যত এজন পুৰুষক শায়িত হৈ থকা দেখিবলৈ পোৱা গৈছে। তেওঁক ঘেৰি ধৰি আছে এগৰাকী মহিলা আৰু তিনিটি শিশুরে। এই শিল্পকৰ্মৰ ওজন এহেজাৰ পাউণ্ডৰো অধিক। এই শিল্পকর্ম এক প্রাচীন সমাধিৰ পৰা আন্তর্জাতিক বজাৰলৈ ওলাই যায়।
উল্লেখ্য যে ২০১৫-১৭ৰ সময়ছোৱাত ছিৰিয়াৰ প্ৰাচীন পালমাইৰা চহৰৰ বিস্তৰ ক্ষতিসাধন হয়। এই সময়ছোৱাতে সমাধি ক্ষেত্ৰৰ পৰা উক্ত শিল্পকর্ম অবৈধ সৰবৰাহকাৰীয়ে উলিয়াই নিয়া বুলি সন্দেহ কৰা হৈছে। প্রথমে এই
শিল্পকর্ম ডুবাইলৈ চোৰাংকৈ সৰবৰাহ কৰা হয়। উল্লেখ্য যে পালমিৰা চহৰক ইউনেস্ক’য়ো বিশ্ব ঐতিহ্যক্ষেত্ৰ বুলি ঘোষণা কৰি থৈছে। আনহাতে, এই ৩৬ প্রাচীন শিল্পকৰ্মৰ ১৩টা শিল্পকর্ম শেহতীয়াভাৱে নিউ য়ৰ্কৰ মহানগৰ কলা সংগ্ৰহালয়ৰ পৰা উদ্ধাৰ কৰা হৈছে। এইসমূহ অচিৰেই ছিৰিয়াই ঘূৰাই পাব বুলিও মার্কিন প্রশাসনে আশ্বাস দিছে।
এই সম্পর্কত মানহাটানৰ জিলা অধিবক্তা কার্যালয়ে কয় যে ২০১৭ৰ পৰা নিউ য়ৰ্কৰ মহানগৰ সংগ্ৰহালয়ৰ পৰা ৪০২টা প্রাচীন শিল্পকর্ম জব্দ কৰা হৈছে। ভাৰতীয় মুদ্ৰাৰ হিচাপত এইসমূহৰ মূল্য অকল্পনীয়।
